سعر زجاج الجوك الجانبى/يمين؟

[k50_]

السلام عليكم,

الحمدلله شاءت الاقدار ان زجاج العربية الجانبي ( اليمين ) ينكسر لسبب ما , ورحت اغيره .
ملحقتش اني اروح ل د. جريش عشان اعمله ف عملته ف اقرب مكان والراجل اخد مني 350 جنيه . انا غيرت الزجاج الجانبي يمين فقط بالسعر ده , وكان النوع الي بالفاميه. ف كنت عايز اعرف هو ده السعر المناسب له ولا المفروض اقل من كدا؟

السيارة نوعها نيسان جوك , لكن الراجل كان عنده زجاج علي نفس المقاس من غير قص ولا حاجة.


وشكرا لكم.

[magdyazab]

هل كان السبب محاولة سرقة؟

لو مأمن عليها كنت عملتها في التوكيل أحسن

[k50_]

لا معتقدش ان كانت محاولة سرقة , الازاز حاجة خبطت فيه وسرطن كله , وللأسف انا مش مأمن عليها. لكن بستعلم عن سعر الزجاج الجانبي فقط بكام.
وشكرا علي ردك :)

[ابو فرح]

معلش هوه سؤالى خارج الموضوع
ايه رايك فى العربيه الجوك لانى ان شاء الله ناوى اشترى واحده فاياريت تفيدنى

[K_E]

معلش هوه سؤالى خارج الموضوع
ايه رايك فى العربيه الجوك لانى ان شاء الله ناوى اشترى واحده فاياريت تفيدنى

وانا زيه

[k50_]

العربية فوق الممتازة , مكنة واداء انا ممكن اقارنه بالهوندا سيفيك , واداء الياباني وتكنولوجيا الكوري ف التابلوه و الالوان . العربية مشاءلله فوق الممتازة , يعيبها اسعار قطع الغيار واللايف تايم للحاجات الي بتتغير عمرها قصير , زي تيل الفرامل معظم الناس بتغيره علي 20 الف , هي والقشقاي.

حد ممكن يرجع لينا ف موضوعنا ياشباب علي سعر الزجاج :d

[amigo77]

سعر الزجاج الجانبى للجوك يتراوح من 300 الى 350 ج يعنى انت كده تمام
و بيتوافر فى 3 الوان الشفاف و العسلى و الاسود
و أشهر حد عمل زجاج للجوك لأنهم مش كتار حتى الأن هو محل الطوبجى فى امبابة
و للعلم هو مش موجود فى التوكيل اصلا" احتمال بس لأجل الأمانة يكون عند السبع بس هيبعتك لحد تعمله موثوق فيه من التوكيل لكن مئش موجود عندهم
تحياتى

[k50_]

هو الراجل كان جابه من المخزن عنده وركبه علي طول , وده ف حد ذاته غريب !! وانا ف اعتقادي انها قوالب بتتوافق مع كذا عربية مش عربية وحدة.
لكن انا شوفت فيه ناس ف المنتدي هنا بتقول الزجاج الجانبي بحوالي 120 جنيه ل 150 جنيه ! ف فرق السعر الضعف تقريبا! ولا يمكن عشان الراجل شاف العربية جوك ف قام ضارب رقم ف العالي..