ما هوا الفرق بين زرار الاوفر درايف و d1 و d2

[Ah.Farid]

ما هوا الفرق فى استخدام فى الفتيس الاوتوماتيك
بين زرار الاوفر درايف
و زرار d1 و d2
ومتى يستخدم كل زرار وشكرا

[Yahya.Saif]

شوف حضرتك اللينك ده هيفيدك ان شاء الله

http://www.nilemotors.net/Nile/185713-a.html

[A.Roushdy]

الاوفر درايف لما تكون عاوز تحرق وتعدى حد ، قيادة رياضية يعنى، وبيخلى العربية متعديش النقلة التالتة
زرار ال d1 دة الاول بتاع العربية وبيستخدم لما تكون عاوز اكبر عزم من الموتور ، مثلا طالع جبل ولا مطلعاية جامدة اوى
زرار ال d2 دة النقلة التانية وبيستخدم عكس الاولانية، لما تكون عاوز تحجم سرعة العربية، مثلا على منزلاية جامدة اوى وخايف الفرامل تسخن وتسيب منك فتخلي الفتيس على النقلة دى على اساس الموتور مش هيعدى النقلة التانية وتقدر تريح الفرامل وانت نازل

ونصيحة مفيش في مصر ولا مطلعاية جامدة اوى ولا منزلاية جامدة اوى تخليك تستخدم الدى ون والدي تو
فخليك على d وبس

الحاجات دى معمولة للطرق بتاعت اوروبا اللي مليانة جبال ووديان وطرق فيها منحدرات كتير

والوضع الطبيعي بتاع الاوفر درايف ان اللمبة تكون مطفية في التابلوه عشان متهلكش الموتور

[mhopa2440]

هقولك شرح بسيط على قد معلوماتي

العربيات الاوتوماتيك ف الغالب بتكون اربع غيارات 1 2 3 4

d1 دي بتدل على الغيار الاول يعني العربية تمشي على الغيار الاول ومش تنقل على بتقي الغيارات اللي بعد كدا واستخدامها ف حالة مطلع شديد او بتشد عربية

d2 ودي الغيار الثاني يعني العربية بتمشي على التاني بس مش هتروح للتالت وبتستخدمها لو انت شادد عربية بتطلع اولاني ثم تاني عشان تحافظ على العزم والفتيس مش يضيع منك او ماشي في طريق غير ممهد وبدل ما تستخدم دواسة البنزين بتسيب العربية على التاني بدل ما تنقل هي على التالث وتمشي بعزم قليل وخصوصا وانت محمل ف العربية

اما الاوفر داريف دا وظيفتة ان العربية لم تكون ماشية على وضعية القيادة d وقتها العربية بتنقل الغيارات 1 ثم 2 ثم 3 وبس مفيش رابع طيب والفوائد بردوا في حالات شد عربية او حمولة كبيرة ف العربية وماشي في طريق بطئ او في مطالع كتير او كوبري ودا عشان تحافظ على عزم العربية عالي مع ار بي ام عالي لانك لو شلت رجلت العربية هتنقل على الرابع والعزم هيكون ضعيف وقتها لازم تزود بنزين لحد العربية ما تسقط الغيار للتالث مرة تانية وممكن بردو تستخدم لو انت ما شي ف طريق جبلي او في منزل كبير وقتها لازم تمشي على الاوفر داريف عشان تمسك العربية مش تزيد سرعتها تخرج عن السيطرة منك فتحافظ على سرعتها بالغيار التالت

او لا قدر الله الفرامل ضاعت منك وقتها بتشغل الاوفر داريف عشان تهدي من سرعة العربية

آسف على الإطالة بس يارب اكون قدرت اوضح ليك الموضوع على قد معلوماتي

[mhopa2440]

ونصيحة مفيش في مصر ولا مطلعاية جامدة اوى ولا منزلاية جامدة اوى تخليك تستخدم الدى ون والدي تو
فخليك على d وبس

الحاجات دى معمولة للطرق بتاعت اوروبا اللي مليانة جبال ووديان وطرق فيها منحدرات كتير

كل كلام مظبوط وتمام بس بصراحة ان لي تعليق على الحتة دي

حضرتك لو انت هتشد عريبة لازم تشغل الاوفر داريف وتبدا الغيارات 1 ثم 2 ثم d (اوفر داريف) عشان تحكم العربية وتثبت العزم (يبقى ف الحالة دي انت استخدمت كل غيارات العربية)

والحالة التانية اللي هتحتاج الاوفر داريف لو حضرتك محمل العربية كلها حمولة كمالة وماشي وسط البلد ف الزحمة وفي كباري وانفاق يبفضل تشغيل الاوفر داريف عشان العربية مش تنقل على الغيار الرابع وانت طالع كوبري فيضيع عزم العربية او لو نزلت نفق مش تحسب منك قوي

[A.Roushdy]

كل كلام مظبوط وتمام بس بصراحة ان لي تعليق على الحتة دي

حضرتك لو انت هتشد عريبة لازم تشغل الاوفر داريف وتبدا الغيارات 1 ثم 2 ثم d (اوفر داريف) عشان تحكم العربية وتثبت العزم (يبقى ف الحالة دي انت استخدمت كل غيارات العربية)

والحالة التانية اللي هتحتاج الاوفر داريف لو حضرتك محمل العربية كلها حمولة كمالة وماشي وسط البلد ف الزحمة وفي كباري وانفاق يبفضل تشغيل الاوفر داريف عشان العربية مش تنقل على الغيار الرابع وانت طالع كوبري فيضيع عزم العربية او لو نزلت نفق مش تحسب منك قوي

الله يفتح عليك كلامك تمام

بس انا مجربتش بصراحة انقل من 1 ل2 ل d
مش عارف دة هيكون صح ولا لا، لانى اعرف ان لازم تكون دايس فرامل او العربية واقفة علشان تنقل من غيار للتانى في الفتيس الاوتوماتيك علشان تحافظ عليه ومتكسرش تروس جواه

[ahmed azaizy]

هقولك شرح بسيط على قد معلوماتي

العربيات الاوتوماتيك ف الغالب بتكون اربع غيارات 1 2 3 4

d1 دي بتدل على الغيار الاول يعني العربية تمشي على الغيار الاول ومش تنقل على بتقي الغيارات اللي بعد كدا واستخدامها ف حالة مطلع شديد او بتشد عربية

d2 ودي الغيار الثاني يعني العربية بتمشي على التاني بس مش هتروح للتالت وبتستخدمها لو انت شادد عربية بتطلع اولاني ثم تاني عشان تحافظ على العزم والفتيس مش يضيع منك او ماشي في طريق غير ممهد وبدل ما تستخدم دواسة البنزين بتسيب العربية على التاني بدل ما تنقل هي على التالث وتمشي بعزم قليل وخصوصا وانت محمل ف العربية

اما الاوفر داريف دا وظيفتة ان العربية لم تكون ماشية على وضعية القيادة d وقتها العربية بتنقل الغيارات 1 ثم 2 ثم 3 وبس مفيش رابع طيب والفوائد بردوا في حالات شد عربية او حمولة كبيرة ف العربية وماشي في طريق بطئ او في مطالع كتير او كوبري ودا عشان تحافظ على عزم العربية عالي مع ار بي ام عالي لانك لو شلت رجلت العربية هتنقل على الرابع والعزم هيكون ضعيف وقتها لازم تزود بنزين لحد العربية ما تسقط الغيار للتالث مرة تانية وممكن بردو تستخدم لو انت ما شي ف طريق جبلي او في منزل كبير وقتها لازم تمشي على الاوفر داريف عشان تمسك العربية مش تزيد سرعتها تخرج عن السيطرة منك فتحافظ على سرعتها بالغيار التالت



او لا قدر الله الفرامل ضاعت منك وقتها بتشغل الاوفر داريف عشان تهدي من سرعة العربية

آسف على الإطالة بس يارب اكون قدرت اوضح ليك الموضوع على قد معلوماتي

شكرا للتوضيح بس فى حاجه لازم نقولها ولو غلطان حضرتك ممكن تصلحلى
اللى اعرفه ان مينفعش عربيه اوتوماتيك تشد او تقطر عربيه تانيه لأنها بتبقى معرضه لكسر عصايه الفتيس بسهوله وبالذات ان الموضوع عن الصنى !
ولا انا معلومتى مش دقيقه؟

[ahmed azaizy]

الله يفتح عليك كلامك تمام

بس انا مجربتش بصراحة انقل من 1 ل2 ل d
مش عارف دة هيكون صح ولا لا، لانى اعرف ان لازم تكون دايس فرامل او العربية واقفة علشان تنقل من غيار للتانى في الفتيس الاوتوماتيك علشان تحافظ عليه ومتكسرش تروس جواه

بص يا باشا القاعده العامه بتقول ان اى غيار ممكن تجيبه بدون الضغط على زرار الفتيس يبقى غيار مقبول وصحيح
يعنى مثلا مش ممكن تنقل من d الى r من غير ما تكون العربيه واقفه ودايس على زرار الفتيس
لكن ممكن تنقل من d الى d1 او n بتحريك عصايه الفتيس وانت ماشى بدون الضغط على زرار الفتيس وهكذا ...

[A.Roushdy]

بص يا باشا القاعده العامه بتقول ان اى غيار ممكن تجيبه بدون الضغط على زرار الفتيس يبقى غيار مقبول وصحيح
يعنى مثلا مش ممكن تنقل من d الى r من غير ما تكون العربيه واقفه ودايس على زرار الفتيس
لكن ممكن تنقل من d الى d1 او n بتحريك عصايه الفتيس وانت ماشى بدون الضغط على زرار الفتيس وهكذا ...

النقطة دة انا عارفها من الاول اة
بس هو بعض النظر عن القواعد العامة، مش غلط على العربية انى اكون على سرعة عالية واحرك العصاية من المور للدريف او العكس ؟؟

انا مجربتش بصراحة قبل كدة الموضوع دة

شكرا للتوضيح بس فى حاجه لازم نقولها ولو غلطان حضرتك ممكن تصلحلى
اللى اعرفه ان مينفعش عربيه اوتوماتيك تشد او تقطر عربيه تانيه لأنها بتبقى معرضه لكسر عصايه الفتيس بسهوله وبالذات ان الموضوع عن الصنى !
ولا انا معلومتى مش دقيقه؟

مش الصنى لوحدها يا باشا
الاصل فى العربيات الاوتوماتيك انك غلط جدا تقطر اى عربية وراك لان دة هلك للفتيس وممكن يكسره بسهوله، غير المانيوال طبعا لانه يقدر يتحكم في غياراته بعكس الاوتو

ولو اضطريت ممكن تعمل دة لازم يكون لمسافة صغيره جدا وتمشى عالهادى اوى متجريش يعنى ودة فى الحالات الطارئة فقط على حسب علمى