هاستلم صنى سوبر صالون ومتردد ..

[MustafaFadl]

السلام عليكم .. اعضاء المنتدى الكرام
ده اول دخول لية .. وكنتا عايز استفسر ايه رايكوا فى نيسان صنى سوبر صالون بدون تحيز وعن تجربة .. انا حجزت فى سمير ريان ب 125500 والمفروض استلم بكرة .. بس ممكن اغير رايى عادى او اجيب اى نوع تانى وبصراحة محتار ... وعايز حد يفيدنى بإمانة .. مع العلم انى لقيت الاوبترا الشكل القديم ب129 الف ... وناس كتير بتقولى هات الشكل القديم .. مع انه لما كان متاح كانت الناس بتشتكى منه برده ... وممكن اجيب ايه يكون حد اقصى 130 الف اتوماتيك ومفيهوش مشاكل وصيانة وقطع غياره متوفرة .... وشكرا .. بس انا بجد محتار بقالى 3 ايام ومش عارف اعمل ايه

[theblackpirate]

بص يا ريس المشكله الابديه للنيو صنى تيل الفرامل بيتاكل بسرعه انا سوقتى هاديه واخره معايا 14000 كيلو بس فيها مميزات امان من اير باج وفرامل abs وebd والكلام معتقدش انه فى الابترا فانت حر واختار بقى

[Abo Elwa]

افضل اختيار فى ظل ميزانية حضرتك توكل عالله

[MR A7MED]

ما تفكر فى البيجو 301
بالتوفيق

[moumen_hs]

بدل الاوبترا القديمة الى مفهاش أى أوبش والجديدة تعبانة نيلة تقفيل صينى زبالة وأنا شفتها فى منصور المهندسن والنيسان ومشاكلها الكروز تحفة فنية بس ارتفاعها عن الارض 14.77 أقل من العربيات العادية الى هى 16.5 وسعرها 150 الف بس عربية فيها كل الامكانيات بعد تعديل المشاكل الى كانت فى الفتيس القديم على حد علمى وعفشة اوبل والى عندة بيولك جميلة جمال السنين بس الوطى بتاعها خدة فى أحتمالك بس كان فى حد قال أنة أشترها جنط 17 فمدية الارتعفاع العادى 16.50 أنما لما سالت فى منصور وشفتها قلوا مفيش جنط 17 وربنا يوفقك

[ENG.MaRk]

أعتقد أحسن خيار ليك ريو أو أكسنت rb

[MustafaFadl]

الاكسنت والريو سعرهم مبالغ فيه ... الاكسنت ضيقة .. والريو شبابية مش عائلية ... البيجو ليه مشاكل وتكاليف الصيانة فى التوكيل عالية جدا ... وشكرا لكل اللى شارك ... هية السوبر صابون فيها حساسات ورا

[MustafaFadl]

حد يقولى هاستلم ايه مع العربية ... واشيك على ايه وانا باستلم

[محمد سمير حسين]

يا باشا حط 10 كمان وروح علي الشارك الفئة الاولي هاتقولي مافيهاش abs هقولك بس فراملها مممتازة مش محتاجاه وهتحس انها فيهاabs وعربية بسم الله ما شاء الله عليها مابتقلش لا واعتمادية ومافيهاش المشاكل البدائية وربنا يوفقك للاصلح ان شاء الله

[MustafaFadl]

الشارك الفئة الاولى 140 الف فى المعارض

[ABO Seif]

توكل علي الله اختيار موفق ان شاء الله أنا معايا سوبر صالون الشكل الجديد 2014من 4شهور 11000ك ماشاء الله بدون أي مشاكل العربيه ممتازه مبسوط منها جدا توكيل محترم

[medo-312]

العربية معايا من شهر 9 2013 وزى الفل مافيش اى شكوى الحمد لله .. اختيار موفق والف مبروك مقدما

[احمد فهمى]

كمل واستلم الصنى وتوكل على الله هي تمام فى السعر ده

[Lama]

انا سألت في توكيل نيسان أوتو إيجبت على موضوع الفرامل و قالولي انهم وقفوا الانتاج فترة و صلحوا فيها مشكلة الفرامل و جابوا التيل و الطنابير من نفس الموزع عشان تطبع على بعض المشكلة انتهت

[Lama]

...