نصائحكم يا ملاك السوبر صالون عند الاستلام

[أيمن كور]

السلام عليكم

ان شاء الله انا هاستلم سوبر صالون 2014 خلال يومين من عند معرض الرزق فى الاسكندرية
أولا حد اتعامل مع المعرض ده و سمعته ايه ؟
ثانيا ايه اجراءات الاستلام للسيارة الصحيحة - الاوراق و الحاجات اللى بتبقى مع العربية -
ثالثا ايه المواقف اللى ( مش تمام) اللى ممكن تحصل أثناء الاستلام و تخلينى ارفض الاستلام
دى اول عربية ليا بعد شقاء من البحث فى المستعمل و مشاكله ؟
و أخيرا ازاى اقدر اعمل تليين للعربية مع العلم انى بسافر لشغلى كتير بس طبعا بعربية الشركة الى اقصده هل فى مشكلة ان مشاويرى تكون محدودة و قصيرة خلال فترة التليين و هل ده يضر بالسيارة
و اذا كان يضر اي اللى ممكن اعمله لأن فعلا مشاويرى كلها جوة البلد و قصيرة جدا

و ألف شكر مقدما على الردود

[أيمن كور]

و لا رد واحد !!!!

انا كده ابتديت اقلق انى اخترت النيسان
للدرجة دى ماحدش عارف ؟!!!!!

شكراااااااااا

[ABO Seif]

السلام عليكم

ان شاء الله انا هاستلم سوبر صالون 2014 خلال يومين من عند معرض الرزق فى الاسكندرية
أولا حد اتعامل مع المعرض ده و سمعته ايه ؟
ثانيا ايه اجراءات الاستلام للسيارة الصحيحة - الاوراق و الحاجات اللى بتبقى مع العربية -
ثالثا ايه المواقف اللى ( مش تمام) اللى ممكن تحصل أثناء الاستلام و تخلينى ارفض الاستلام
دى اول عربية ليا بعد شقاء من البحث فى المستعمل و مشاكله ؟
و أخيرا ازاى اقدر اعمل تليين للعربية مع العلم انى بسافر لشغلى كتير بس طبعا بعربية الشركة الى اقصده هل فى مشكلة ان مشاويرى تكون محدودة و قصيرة خلال فترة التليين و هل ده يضر بالسيارة
و اذا كان يضر اي اللى ممكن اعمله لأن فعلا مشاويرى كلها جوة البلد و قصيرة جدا

و ألف شكر مقدما على الردود

ان شاء الله تستلم علي خير ومبروك مقدما أنا هاقولك علي اللي أنا عملته وأنا بستلم تبص علي لون العربيه وتسلمها بالنهار ولو في ورق يستحسن تشيله عشان لو في لون فارق وده مش اكيد تجرب كل اﻷزرار وتشوف النور تجرب التكيف تشغل المساحات والمياه بتاعتها الكريك ومفاتيحه اﻷستبن تجرب المالط بتاع التاره ضمان البطارية الكاسيت كتيب اﻷرشادات كتيب الضمان وتروح علي محطة بنزين تفول العربيه وتغير الكاوتش من هوا لنيتروجين وتظبط قدام 33وورا 30 وده كلام التوكيل عشان متسمعش كلام تاني انما بالنسبه للتليين خليك أول 1000متزودتش عن سرعة 90وال rbm علي محطة2.5 وعموما في مواضيع لون في المنادي عن فتره التليين ممكن تشوفها والف مبروك وربنا يديك خيرها ويكفيك شرها وياريت أكون افتدك ملحوظه اختيار موفق ان شاء الله العربيه ممتازه ماشاء الله

[islamabady1980]

ان شاء الله مبروكه عليك

[أيمن كور]

طبعا ألف شكر للأخوة على الردود و شكرا للأخ أبو سيف على الرد الكريم و المعلومات
ربنا يسهل بالاستلام علشان انا قلقان خاصة من ناحية اللون !!!
انا طلبت اللون البرنزى اللى مكتوب فى البروشور براونش جراى .. بس فى الشوارع لقيت اللون ده بكذا درجة لون !!!
مع ان الشركة كاتبة انهم 6 الوان بس !!
مش قادر افهم الموضوع ده لدرجة انى صورت عربية باللون اللى عايزه و فرجته للمعرض قاللى ده البرونزى .. قالتله لو العربية جت لون تانى مش هاستلمها .. ضحك و قاللى هوة لون واحد
ربنا يسهل و نخلص من العربية و استلامها على خير ..

سؤال على السريع ... و ماحدش يضحك عليا ... ههههههههه

هوة انا لما اجيب العربية من المعرض بارضى الناس اللى فى المعرض يعنى بدفع لهم حاجة ؟؟
مش عارف اكتبها ازاى .. علشان اللى فى المعرض بسأله قاللى هاتراضى الناس و تعمل واجب يعنى ... المشكلة هنا اسيب كام تقريبا للى فى المعرض و المندوب اللى هاييجى يرخص معايا ادفعله كام بعد مايخلص الترخيص زى ما بنقول (قهوته يعنى) ؟؟؟؟

و شكرا ليكم ..

[ibrahimsaad]

طبعا ألف شكر للأخوة على الردود و شكرا للأخ أبو سيف على الرد الكريم و المعلومات
ربنا يسهل بالاستلام علشان انا قلقان خاصة من ناحية اللون !!!
انا طلبت اللون البرنزى اللى مكتوب فى البروشور براونش جراى .. بس فى الشوارع لقيت اللون ده بكذا درجة لون !!!
مع ان الشركة كاتبة انهم 6 الوان بس !!
مش قادر افهم الموضوع ده لدرجة انى صورت عربية باللون اللى عايزه و فرجته للمعرض قاللى ده البرونزى .. قالتله لو العربية جت لون تانى مش هاستلمها .. ضحك و قاللى هوة لون واحد
ربنا يسهل و نخلص من العربية و استلامها على خير ..

سؤال على السريع ... و ماحدش يضحك عليا ... ههههههههه

هوة انا لما اجيب العربية من المعرض بارضى الناس اللى فى المعرض يعنى بدفع لهم حاجة ؟؟
مش عارف اكتبها ازاى .. علشان اللى فى المعرض بسأله قاللى هاتراضى الناس و تعمل واجب يعنى ... المشكلة هنا اسيب كام تقريبا للى فى المعرض و المندوب اللى هاييجى يرخص معايا ادفعله كام بعد مايخلص الترخيص زى ما بنقول (قهوته يعنى) ؟؟؟؟

و شكرا ليكم ..

الف مبروك ياباشا وتستلم على خير

ودى كافه النصائح الخاصه بالاستلام والتليين اقرئها جيدا

http://www.nilemotors.net/Nile/212403-a.html

بخصوص الحلاوه للناس فى المعرض دى حاجه ذوقيه منك ودى بتبقى للناس العمال الغلابه اللى شغالين يعنى مثلا 50 ج او 100 حسب امكانياتك انت

لكن اهم من كل ده انك تشغل فيها قران بعد الاستلام وترقيها وتطلع عليها صدقه لحد محتاج دا مهم جدا علشان الحسد وعلشان ربنا يكفيك شرها ودى تبقى بنيه الصدقه على العربيه وانت بتطلعها قبل ماتركبها وتمشى بيها
وربنا يديلك خيرها ويكفيك شرها