طرنطات النيو صني

[waelkhussien]

السلام عليكم يا رجالة
امبارح كنت في احمد مرعي اسكندرية علشان صيانه العشرين الف و بلغوني انهم غيروا الطرنطات الخلفية في الضمان. ايه موضوع الطرنطات دي ده انا بصيت علي امر الشغل لقيت الواحدة فوق ال1000 جنيه و هما عملوها ببلاش في الضمان و انا مش متعود علي كده دول بينشفوا ريقي و هات يا شكاوي علشان يغيروا اي حاجة.
افيدونا افادكم الله

[iamin911]

لو سمحت اذكر نوع السيارة صني قديم ولا جديد ولو سوبر صالون
كمان وضح اكتر معنى طرنطات
و هل عندك مشكلة مع الفرامل و الطنابير
و شكرا

[rotanamasoud]

يعنى ايه طرنطات

[midooo_119]

يعنى ايه طرنطات

+111111111111111111

[waelkhussien]

صني شكل جديد 2013 و هو انا لو عارف هي ايه كنت سالت
كل اللي هما قالوه بقرف ازاي معرفهاش و هي حاجة زي الكاوتش مش تيل و مش طنابير و مش ماستر

[د.عماد صلاح]

وازاي يغيروا الطرنطات بدري كده ؟؟!!

[د.عماد صلاح]

بالمناسب...ايه الطرنطات دي ...بس واضح من اسمها انها مابتتغيرش خالص ..انا عمري ماغيرت طرنطات في اي عربيه جبتها كنت ببيعهم بطرنطاتهم بتاعه المصنع

[abou-yahia]

كل واحد يخلي باله من طرنطاته
ههههه

[rotanamasoud]

صني شكل جديد 2013 و هو انا لو عارف هي ايه كنت سالت
كل اللي هما قالوه بقرف ازاي معرفهاش و هي حاجة زي الكاوتش مش تيل و مش طنابير و مش ماستر

يا حضرتك سمعت غلط يا اشتغاله وبرجح اشتغاله

[waelkhussien]

يا حضرتك سمعت غلط يا اشتغاله وبرجح اشتغاله

للاسف سالت ميكانيكي و قال لي دي جزء كاوتشي بيركب علي الطنابير بس ده ما فيش حد بيغيره الا في حادث او طنبور مكسور و ده ما حصلش. انا شفت امر الشغل و شفتهم بيفكوا الطنابير الخلفية و بيركبوا حاجه عليها بس ليه هوا ده السوال

[waelkhussien]

و بعدين لو اشتغاله كانوا دفعوني و لو سليم و غيروه يبقي بيشتغلوا نيسان الرئيسية علشان يدفعوهم هما

[tito32]

ادينا عرفنا ايه الطرنطات دى

[وائل محمد نبيل]

ياحضرات اللى طرنطاته ما بتتغيرش ياخدلها الحبه الزرقه يمكن ربنا يكرمه

[د.هشام]

حاجة تقلق فعلا
الواحد بعد كدة ياخد باله من طرنطاته وهو رايح يعمل صيانة

[ashrafwolf]

هههههههه
بص يا باشا
نفترض انك عميل (ا) و ان عربيتك في الضمان
و دخل التوكيل عميل (ب) و ده بره الضمان
بيقوم التوكيل المحترم بتغيير القطعه و محاسبة عميل (ب) عليها و في نفس الوقت مخاطبة المصنع ان (ا) عنده عيب تصنيع في نفس القطعه
و بدل ما التوكيل يكسب تمن مكسبه الشرعي في القطعه بيكسب تمنها كله و كانه اخدها ببلاش .
مهندس سابق في احد التوكيلات