تقرير سيي عن استلام صنى 2014 الشكل القديم

[احمد المصرى]

السلام عليكم


واحد صاحبى لسه مستلم صنى 2014 الشكل القديم عامله 12 كيلو متر بس اول لما ركبت العربيه لقيت الفبره ال بجوار باب السائق ال على العتبه الداخليه شبه مخلوعه


ثانيا :- لما شغلت التكييف شويه لقيت الدواسات الاماميه فيها مياه ولما كلمت الميكانيكى بتاعى قالى ال خرطوم الفايز بتاع االتكييف ممكن يكون مش راكب مكانه

ثالثا :- العربيه بتحتف شمال والدركسيون مش مظبوط فى الوضع الطبيعى



الحل ايه يا شباب ودى عيوب ايه بس بجد انا مش مبسوط عربيه 2014 وصاحبها لسه مستلمها ويحصل فيها كدا

[amrelsaqqa]

الصنى الشكل ده كلها فيها الحدفة دى
وموضوع التكييف والفبرة دى حاجات بسيطة

انت بتشتري عربية بنفس الشكل من قبل 2003 ، مش 2014 ولا حاجة :d

[احمد المصرى]

الصنى الشكل ده كلها فيها الحدفة دى

انا كان معايا صنى 2007 ومكنش فيها الحدفه دى خالص


وموضوع التكييف والفبرة دى حاجات بسيطة


هيا بسيطه بس عيب ميخرخش فى عربيه زيرو


انت بتشتري عربية بنفس الشكل من قبل 2003 ، مش 2014 ولا حاجة :d

لا اختلف معاك هيا 2014 يعنى كل حاجه راكبه يعنى جديده زيرو حتى لو الشكل واحد

[jojojojo]

روح اي مركز صيانة وان شاء الله كلها حاجات بسيطة بخصوص الفيبرة هي عندي برضه وانا نازل ورجلي تخبط فيها بتتحرك من مكنها اما بخصوص الحدفه فهي هتحتاج بس تظبط ضغط العجل علي 32 قدام و30 ورا وصدقني العربية ممتازة وهتعرف قيمتها لما بس تقعد معاك فترة وتعرف انها من اكتر العربيات اعتمادية

[A.Roushdy]

حاسس فى مبالغه في الموضوع من صاحبك مع احترامى الكامل ليه طبعا
بعدين انت فى الضمان يعنى ترميلهم العربية وهما مجبرين يطللعوهالك سليمة مفهاش الهوا
العربية جميلة والله يا باشا بس خليه يتابع معاها بس وهى مش هتزعله

[mony10]

لازم نعترف ان العربيات اللي بتتقفل هنا درجه اقل من اللي بتكون متقفله في بلدها يعني مثلا الموديل دا شكله برا مصر مختلف خالص وشها فيه تغييرات كتير واحلى بكتير طبعا ومن الخلف تقريبا شبهها ومفيش اي شكاوي منها الحاجه التانيه العربيه دي سنة 2005 كان تمنها 118 الف مع زيادة الاسعار لو هي بنفس الكواليتي والقوه سعرها يوصل النهارده متوسط 180 الف زي الكورولا.
بما انها درجه تانيه يبقى طبيعي تلاي فيها عيوب صغيره زي اللي حصلت معاك بس دا مش معناه ان العربيه وحشه معناه ان الكواليتي اقل شويه من اللي انت متوقعه
انا معايا عربية الشغل فيرنا 2014 عامله 8000 كيلو وباظ مني المساعد الشمال اللي ورا وتقريبا اليمين هيحصلو وعايز اروح اغيرهم في التكويل خصوصا انها في الضمان دي لو الكوري مش المصري ولا كان حصل اي حاجه زي كدا خالص ودا مثال على انها درجه اقل

[عبده غريب]

مفيش عربيه فى مصر مفيهاش عيوب

[S O P H O S]

تقريبا كل الزيرو بقي فيه عيوب
خصوصا فئة 130 الف