إعـــــــلان

Collapse

.

,
See more
See less

مشكلة فى نيسان صنى اتمنى الرد من فضلكم

Collapse
X
 
  • Filter
  • الوقت
  • Show
Clear All
new posts

  • مشكلة فى نيسان صنى اتمنى الرد من فضلكم

    السلام عليكم

    هذه مشاركتى الثانية فى الموقع والحمد لله المشاركة الاولى لم يجيب عليها احد اطلاقا ولكني لم أيأس وأعاود السؤال ولكنها مشكلة اخرى غير الاولى

    عربيتى نيسان صنى مو 95 ، اول مشكلة عندى صوت تزييق لما اضغط على الدبرياج و الغيار تقيل معايا فى عصاية الفتيس ولذلك اضطر الى الضغط على دواسة الدبرياج للنهاية وعندها اسمع صوت زى مايكون حاجة بتتقطم او بتتقص ، وكمان الغيار الثانى عندى فيه نتشة وخصوصا لما اجى اهدى عند المطبات واطلع بعد المطب على الثانى اسمع النتشة مع ثقل فى الغيار كما ذكرت سابقا

    شئ اخر هناك زنة اسمعها من نايحة عصاية الفتيس لما ازود بنزين سواء كنت على الغيار الاول او الثانى او الثالث او الرابع او الخامس اسمع صوت زنة عند زيادة الضغط على دواسة البنزين واحس بالزنة لما اضع يدى على عصاية الفتيس لا تذهب الزنة ألا عندما اخف رجلى من البنزين او انقل على الغيار الأعلى

    شكرا لحضراتكم وانتظر الرد على اي شئ من هذه الأعطال وشكرا لكم

  • #2
    وعليكم السلام
    ان شاء الله تلاقي حد من الزملاء في المنتدي يكون عنده حل لمشاكلك ، وان كنت اعتقد بشكل كبير ان الموضوع ليه علاقة بالديسك والاسطوانه بتاع الدبرياش
    [SIZE=5]سبحان الله وبحمده ، سبحان الله العظيم[/SIZE]
    [SIZE=5]سبحان الله والحمد لله ولا إله إلا الله والله أكبر ولا حول ولا قوة إلا بالله[/SIZE]

    [SIGPIC][/SIGPIC]

    Comment


    • #3
      المشاركة الأصلية كتبت بواسطة aiman0173 مشاهدة المشاركة
      وعليكم السلام
      ان شاء الله تلاقي حد من الزملاء في المنتدي يكون عنده حل لمشاكلك ، وان كنت اعتقد بشكل كبير ان الموضوع ليه علاقة بالديسك والاسطوانه بتاع الدبرياش
      متشكر جدا لحضرتك كفاية انك ادتنى أمل ان في حد هيرد عليه

      فعلا فى ناس قالتلى الديسك والاسطوانة بس انا عايز اسأل أهل الخبرة عشان اتأكد منهم ، وهل الديسك ولااسطوانى هما اللى عاملين الزنة والنتشة والتقل فى الدبرياج ولا كل حاجة ليها حاجة لوحدها

      شكرا لحضرتك

      Comment


      • #4
        حضرتك‏ ‏جربت‏ ‏انك‏ ‏تخلى‏ ‏الميكانيكى‏ ‏يعلى‏ ‏مشوار‏ ‏الدبرياج‏ ‏شويةلان‏ ‏الاعراض‏ ‏اللى‏ ‏ذكرتها‏ ‏كلها‏ ‏بتصب‏ ‏ان‏ ‏الاسطوانة‏ ‏خلصانة‏ ‏وكمان‏ ‏البلية‏ ‏‏ ‏ففى‏ ‏الغالب‏ ‏هتحتاج‏ ‏تغير‏ ‏طقم‏ ‏بالكامل‏ ‏
        م/حسام السبعى

        إن لم تستح فافعل ما شئت

        Hossamelsabey سابقا

        Comment


        • #5
          حضرتك الموضوع دة لازم تشوف ميكانيكة بتاع يابانى يكشف على العربية لان ممكن يكون العيل ( اسطوانة ودسك وبلية- مشكلة فى الفتيس أو زيت الفتيس قليل ) يعنة الموضوع ممكن يكون كبير وأحنا هنا خبراء فى كل مشكلة مرت علينا بس فى مش عايزين نفتى وتقول رجالة النسان بيفتى شوف ميكانيكى هيقولك أية وأحنا نساعدك لو الميكانيكى هيشتغلك لقدر الله فابداء بالصح الاول

          Comment


          • #6
            الموضوع دا فيه حاجات كتيره جدا ممكن تكون السبب
            اول حاجه صوت التزييقه اللي ي الدواسه دا مش مشكله خالص كان حصل عندي من فتره كبيره المهم روحت للميكانيكي فك المسمار او البنز اللي راكبه عليها الدواسه شحمها وركبها تاني رجع زي الجديده في خمس دقائق.
            موضوع الاسطوانه والديسك هما اكيد مستهلكين بس اعتقد العيب مش منهم لانهم يسببو حاجتين ناتشه في الغيارات وبتكون ظاهره جدا جدا في الغيار الاول وكل ما تعلي الغيار ما تظهرش والحاجه التانيه يضيعو عزم العربيه خصوصا لما تكون الاسطوانه مستهلكه جدا تبقى بتدوس بنزين الار بي ام عالي ومفيش سرعه لان الاسطوانه مش موصله كامل السرعه او كامل لفات الموتور لآلات الجر والحاجتين دول على حسب شرحك مش عندك.
            اول حاجه تعملها تغير زيت الفتيس وتشوف الصوت هيروح ولا لأ وبخصوص تقل الغيارات المفروض تظبط بمجرد تغيير الزيت وبالنسبه للزيت اعتقد المناسب ليك هيكون موبيل 80-90
            موضوع الزنه لو مارحتش بعد تغيير الزيت ممكن تكون مشكله في الفتيس بسبب عدم تغيير الزيت في ميعاده وعموما كله هيبان بعد تغيير الزيت والكشف بعد كدا لو لسه فيه مشكله
            بالتوفيق

            Comment


            • #7
              شكرا ليكوا كلوا يا رجالة ، انا فخور بيكوا جدا وربنا يكرمكوا وهعمل كل اللى قولتوا عليه وجزاكم الله خيرا

              Comment


              • #8
                طب حد يقدر يفيدنى الاقى قطع غيار نيسان صنى 95 فين

                انا محتاج كوبلن كامل يمين امامى ، ومقص الميزان (خلفى ) مش لاقيهم أفيدونا يرحمكم الله

                Comment


                • #9
                  أسال عند أحمد الخواجة فى البحر الاعظم بيبقى عندة كل حاجة- الاهرام فى أول فيصل

                  Comment


                  • #10
                    شكرا يا باشا ، بس هو شغال فى النيسان ؟؟؟ وياريت العنوان بالضبط فين فى شارع البحر الأعظم

                    Comment


                    • #11
                      عنوان احمد الخواجة
                      امام القرية الفرعونيه

                      Comment

                      Working...
                      X