مساعدة إذا سمحتم

[Alfred]

إستلمت صني EX Saloon امبارح من المصرية، بس اكتشفت بعد ما مشيت ان عداد السرعة والكيلومتر مش شغاليين نهائي مع إن كل حاجة تانية تمام.
أي اقتراحات؟
ايضاً بخصوص كتيب الضمان، قالوا حاخدوا بعد ما أرخص واجيب صورة الرخصة ويبعاتوها بالفاكس للتوكيل فيبعاتولهم كتيب الضمان!!!!!!!!!!! :ack2: ايه مدي صحة الكلام ده؟!!
نفس الكلام بالنسبة للتأمين برضه بعد الترخيص؟!!
وياريت حد يقوللي الترخيص يتكلف كام لو ٣ سنوات وهل في لوح جديدة في الجيزة وللا دي في القاهرة فقط؟
اسف للتطويل ومنتظر الرد.

[sNIPER_007]

عداد السرعه والكيلو متير بيبقو مع مع بعض في زرار اسفل الكبوت بيفتحهم
واغلب المعارض بتبقي قافلاه قبل البيع انا حصل معايا كده برضو
ف حضرتك ترجع للمعرض وتقولهم يفتحو العدادات

وبخصوص كتيب الضمان انا اخدته يومها علطول مش عارف ايه موضوع الرؤخصه دا
والتأمين مش هقدر افيدك لاني مش مأمن
اكيد حد تاني يقدر يفيدك

الف مبروك العربيه يا باشا
وقولنا ايه رايك فيها وربنا يكفيك شرها ان شاء الله

[WalidAdel]

إستلمت صني EX Saloon امبارح من المصرية، بس اكتشفت بعد ما مشيت ان عداد السرعة والكيلومتر مش شغاليين نهائي مع إن كل حاجة تانية تمام.
أي اقتراحات؟
ايضاً بخصوص كتيب الضمان، قالوا حاخدوا بعد ما أرخص واجيب صورة الرخصة ويبعاتوها بالفاكس للتوكيل فيبعاتولهم كتيب الضمان!!!!!!!!!!! :ack2: ايه مدي صحة الكلام ده؟!!
نفس الكلام بالنسبة للتأمين برضه بعد الترخيص؟!!
وياريت حد يقوللي الترخيص يتكلف كام لو ٣ سنوات وهل في لوح جديدة في الجيزة وللا دي في القاهرة فقط؟
اسف للتطويل ومنتظر الرد.

هيا كاش ولا قسط ياباشا
السبب الكلام اللي حضرتك بتقولوا دا بيحصل في التقسط علشان المعرض يضمن ان حضرتك تجبلوا الرخصه بعد الترخيص علشان يسلمها للبنك + المفتاح + اصل بوليصة التامين و ياخد الفلوس بتاعته
كتاب الضمان بيتكيت فيه رقم الشاسيه و الموتور بس و الباقي بيتملي لما تروح تعمل صيانة الالف كيلوا
فهما بيقولوا كده التامين و كتاب الضمان لما تجيب صورة الرخصه مش النمر المؤقته كمان و بيحوروا في الموضوع ده علي اساس ميقولوش السبب اللي فوق

لو العربيه كاش بقي دا وضع مختلف انت تروح علي المصريه و تزعق اوي اوي و تفتح صوتك عليهم و قولهم مش ماشي الا لما اخد الضمان و التامين

[Alfred]

الف شكر لحضراتكم للردود السريعة والمفيدة جداً والله يبارك فيكم جميعاً

الاستاذ sNIPER: انا رحت المعرض وفعلاً كان في فيشه خلف الموتور مفصوله وركبوها فوراً. thaaaaaaaanks

الاستاذ walidadel: العربيه قسط بالفعل وكلام حضرتك صح جداً، بس موضوع النمر المؤقته دي اتجنبه ازاي؟؟؟؟!!!!!
انا رايح المرور النهارده مع مندوب المصريه وربنا يستر.