الحمد لله استلمت الصني وعندي استفسار غريب شوية

[sasa44]

السلام عليكم ورحمة الله وبركاته
انا الحمد لله بعد حيرة طويلة اكثر من سنة ربني كرمنى واشتريت صنى سوبر صالون والحمد لله دلوقتي عامل 400 كيلو ومفيش مشاكل ظهرت عندي.. ربنا يديمها نعمة
الاستفسار بقي انى لما ببقي راكن العربية من بالليل واجي امشي بيها الصبح بلاقي شبورة جامده قوي على الزجاج الامامي والجانبي ولما افتح الزجاج مش بيروح وبيتمسح بصعوبة بفوطة من جوه.. طبعا انا لسه مشغلتش التكييف علشان اشغل السخانات على الزجاج.. ومش عارف ليه موضوع الشبورة ده بيحصل.. هل ده طبيعي؟؟؟ وايه الحل

[mohamed_selim]

شغل التكييف عادى
لو ما راحش يبقى فى مادى زيتيه على الازاز امسحه بجلانس ولا حاجه منظفه و هيبقى زى الفل

[sasa44]

شغل التكييف عادى
لو ما راحش يبقى فى مادى زيتيه على الازاز امسحه بجلانس ولا حاجه منظفه و هيبقى زى الفل

شكرا يا باشا غلى الرد
يعني عادي اشغل التكييف.. اصل ناس قالةلي ناشغلوش اول 500 كيلو
وهحاول انظفه بحلانس واشوف ايه الأخبار

[ihabsamir]

شغل التكييف و امشي براحتك اول 1000 كيلو و سيبك من المهاترات التي تقول لا تشغله اقل من 1000 كيلو و متزودتشي عن 100 كيلو و كلام لا دليل عليه و أنا شخصيا ذهبت إلي مركز نيسان و سئلتهم علي ذلك قالوا شغل عادي جدا . و استعجبوا من هذا الكلام .

[J A G U A R]

الف مبروك يا باشا وربنا يحفظهالك

شغل التكييف عادى وان شاء الله هايروح

[medo-312]

عادى جدا الشبورة دى من الرطوبة افتح الشبابيك شوية لتهوية العربية وبعدين اقفلهم وشغل التكييف .. والف مبروك

[sasa44]

الف مبروك يا باشا وربنا يحفظهالك

شغل التكييف عادى وان شاء الله هايروح

الله يبارك فيك يا باشا... ربنا يكرمك
انت واحد من الناس اللى ارائهم شجعتني ان اشتري العربية.. والحمد لله العربية تمام معايا لحد دلوقتي... شكرا لحضرتك جدا

[sasa44]

عادى جدا الشبورة دى من الرطوبة افتح الشبابيك شوية لتهوية العربية وبعدين اقفلهم وشغل التكييف .. والف مبروك

متشكر يا باشا على ردك.. والله يبارك فيك
مش عارف ليه الناس كانت بتهاجم العربية دي جامد.. والله العربية زي الفل وطبعا فيها عيوب.. بس مفيش عربية مفيهاش عيوب.. الحمد لله

[mohamed_selim]

اهم حاجه متعليش ال rpm عن 3-3.5

[ibrahimsaad]

الف مبروك ياباشا وشغل التكييف بس ماتحاولش تقرص على العربيه فى اول 1000 ك وماتخليش الاربى ام يعلى عن 3

[medo-312]

متشكر يا باشا على ردك.. والله يبارك فيك
مش عارف ليه الناس كانت بتهاجم العربية دي جامد.. والله العربية زي الفل وطبعا فيها عيوب.. بس مفيش عربية مفيهاش عيوب.. الحمد لله

ربنا يهدى .. ناس ضميرها بيوجعها شويتين فكك منهم .. زمان في 2010 تقريبا كانت السيراتو منتشرة جدا زى الصنى دلوقتى ومع كتر الانتشار كنت كل شوية تسمع عن حادثة للسيراتو وده طبيعى جدا مقارنة للانتشار .. النهاردة السيراتو تقريبا مافيهاش غلطة وربنا يبارك لملاكها فيها .. بس تقول ايه ربنا يهدى

[Batman372]

متشكر يا باشا على ردك.. والله يبارك فيك
مش عارف ليه الناس كانت بتهاجم العربية دي جامد.. والله العربية زي الفل وطبعا فيها عيوب.. بس مفيش عربية مفيهاش عيوب.. الحمد لله

١٠٠٠ مبروك ...
لا تشغل نفسك بالموضوع ده و استمتع بالعربيه :)
تحياتى ...

[S O P H O S]

الف مبرووك يا باشا

[sasa44]

الله يبارك فيكوا جميعا.. انا الحمد لله بطلت اقرا او اسمع اي كلام عن العريية وقررت استمتع بيها فقط لا غير... الحمد لله على حسن الاختيار