نيسان تيدا 2014 صور +بعض الاستفسارات

[echo7]

انا كنت النهارده في المصريه الي في جرين بلازا في الاسكندريه بتفرج علي بعض العربيات الي عجباني علي الطبيعه الجوك الي كانت عجباني في الصور صرفت نظر عنها علي الطبيعه.بصراحه لا تناسبني . المهم طلعت علي توكيل نيسان علي الزراعي علي شان اشوف القشقاي علي الطبيعه وهناك كانت المفاجه شوفت نيسان تيدا 2014 بصراحه دخلت دماغي ونخششت بس بصراحه معرفش عنها اي معلومات عمليه كل معلوماتي عنها الي مكتوب في البرشور. بصراحه فيها كل الاوبشن الي تختر علي بالك
سمارت كي و ايه بي اس و بي اه, وفتيس سي في تي اكس ترونك و 2 اير باج الخلوص الارضي الامامي 179ملي و الخلفي .215كاسيت ام بي 3 ب6سماعات
ودي شويه صور صورتها في التوكيل

عا

[mohaismail]

جميلة جدا

[D.Ahmed Ismail]

شياكة
يارب تكون اقل من 150

[echo7]

السعر 165الف

[S O P H O S]

جميلة فعلا

[echo7]

عاوز أعرف مميزات و عيوب التيدا وليه العربيه دي مش منتشره علي الرغم انه باين ان مصروف عليها كويس.وياتري ايه البدايل الي احسن منهافي الفئه السعريه دي

[mohaismail]

مش منشرة بسبب سعرها المبالغ فيه جدااا

[echo7]

مش منشرة بسبب سعرها المبالغ فيه جدااا

طيب ايه الي في نفس سعرها و احسن منها؟

[echo7]

محدش رد عليا وبالنسبه لحكايه ان سعرها مبالغ فيه طيب هو فين العربيه الي سعرها مش مبالغ فيه.الجوك ب180 الف ومش قد كده من جو وضيقه خالص. انا مشكلتي الاساسيه مع التيدا انها مش منتشره ومحدش بيتكلم عنها خالص يعني لو اشترتها وحبيت بعد كام سنه ابيع حتبقي مشكله وممكن ابيع بخساره كبيره

[NaderNabil]

عربية حلوة جدا و سعرها مناسب بالنظر الى الاستهبال اللي موجود في السوق دلوقتي
و بدأت اشوفها في الشارع

[echo7]

عربية حلوة جدا و سعرها مناسب بالنظر الى الاستهبال اللي موجود في السوق دلوقتي
و بدأت اشوفها في الشارع

كلام سليم بالنسبه للسعر اما بالنسبة للانتشار انا مش بشوفها في الشارع خالص

[hotmail]

النيسان عربية محترمة افضل من التويوتا و الهوندا او على الاقل مثلهم انا معايا صني 98 والدي كان شاريها زيرو العربية مفيهاش غلطة لكن التوكيل زي الزفت دليل واحد هو ان اشتريت مساعديين اصلي من عندهم طلعو خفاف ده مثال واحد على سبيل المثال

[khela]

بص التيدا الموديل الاقدم منتشر وموجود بكثرة المشكلة انها كانت بحوالى 115 الى 120 الف فلما نزلت الجديدة كان سعرها ناطت ل 165 الف فالناس مستوعبتش الفرق الكبير دة مرة واحدة
انا راى انها عربية تحفة وجميل وفعلا الاسعار كلها فيها استهبال من الهيونداى الى الكيا ..الخ فسعر التيدا كدة يبقى كويس ينافسها فى حدود السعر دة الكورولا تزيد عنها حوالى 15 الف
توكيل نيسان مش سىء هو من احسن التوكيلات هو و التويوتا والرينو ومراكز صيانات العربية منتشر و متنوعة

[echo7]

هل المديلات القديمه كانت بتنزل بالاوبشن بتاعت الموديل ده؟

[echo7]