ارجو المساعده ضروري

[tiger45]

السلام عليكم ورحمة الله وبركاته جميعا

كل عام وانتم بخير
سؤالي ضروري بامانه عن الصني سوبر صالون 2015 انا كنت ناوي اجيبها وتوقفت قليلا لما لقيت خناقات كتير في المنتدي هنا علي 2013
هل مشكله الفرامل والثبات اتحلوا في 2015 ولا لسا نفس المشكله
ارجوكم يا جماعه ساعدوني عشان انا متحير جدا مش عايز اجيب عربيه زيرو ويطلع فيها اي مشكله

وشكرا

[Adnfalcon]

السلام عليكم ورحمة الله وبركاته جميعا

كل عام وانتم بخير
سؤالي ضروري بامانه عن الصني سوبر صالون 2015 انا كنت ناوي اجيبها وتوقفت قليلا لما لقيت خناقات كتير في المنتدي هنا علي 2013
هل مشكله الفرامل والثبات اتحلوا في 2015 ولا لسا نفس المشكله
ارجوكم يا جماعه ساعدوني عشان انا متحير جدا مش عايز اجيب عربيه زيرو ويطلع فيها اي مشكله

وشكرا

وعليكم السلام
لو نفس تيل الفرامل يبقي نفس العيوب
اصلا التيل دا ردئ زي بتاع بيجو 301 بيخلص بدري اوي يعني تغير زيت موتور كل 10000 كم و معاه تيل فرامل ! واحد غير التيل 5 مرات خلال 45 الف كم

[tiger45]

وعليكم السلام
لو نفس تيل الفرامل يبقي نفس العيوب
اصلا التيل دا ردئ زي بتاع بيجو 301 بيخلص بدري اوي يعني تغير زيت موتور كل 10000 كم و معاه تيل فرامل ! واحد غير التيل 5 مرات خلال 45 الف كم

يعني مشكله التيل لسا موجوده متصلحتش في 2014 ؟؟؟

[Adnfalcon]

يعني مشكله التيل لسا موجوده متصلحتش في 2014 ؟؟؟

لا للأسف والفرامل نفسها مش قد كده عموما

[Adnfalcon]

دا اكتر موضوع حيادي وشامل اتفضل ..

https://www.nilemotors.net/Nile/432193-a.html

[sameh1982elola]

انا كلمت التوكيل وقلتله هل صلحتم العيوب القديمة فى الموديل 2015 ....قالى ايوه صلحناها وهيه كانت عيب طنابير ....وده اللى حصل ......حضرتك فيه ناس فى المنتدى عندهم نيسان 2014 شغالة زى الفل ممكن تكلمهم رسائل شخصية وتتأكد وناس تانية الفرامل زفت وهمه برده 2014 لكن معرفش حد اتكلم عن 2015 ....على العموم صلى استخارة ولو تقدر تشوف حد بيركن بالعربية دى فى الشارع او واقف فى اشارة وممكن تسأله او تصبر 4 شهور يكون موديل 2015 انتشر وساعتها تقدر تعرف عيوبه بالظبط ......وبعدين الاخ اللى كاتب تعليق قبلى مع كل احترامى ليه دايما بلاقيه بيخبط فى النيسان وعايز اقوله ياريت تكتب موديل العربية 2015 والا قبل كده اللى كانت الفرامل بتاعتها بتهيس...ويا جماعة السيارات دى نصيب يعنى اعرف ناس بيحطوا بنزين 80 لعربيات لانوس وزى الفل وناس تانية بتشتم فى بنزين 80 مع لانوس وبيقولوا العربية بتسقف مع البنزين ....يعنى المفيد ان الاختلاف نسبى من شخص لاخر ....وبجد جرب صلاة الاستخارة وان شاء الله ربنا هيكتبلك اللى فيه الخير

[sameh1982elola]

وعموما من معلوماتى ان الثبات فى النيسان عادى ومش قوى . بيقل على السرعات العالية والمعادلة كده مش هتلاقى عربية فيها كل المواصافات اللى تتتخيلها لو انت بتجرى فوق ال 130 يوميا مدة طويلة وبتاع غرز فى السرعات العالية منصحكش

[sameh1982elola]

لسه سائل واحد فى شركتنا جايب نيسان 2014 مش 2015 وقالى العربية فراملها علشان abs لما بمسك فرامل بتفك وبتمسك لوحدها والناس مش واخدة على abs وتانى حاجة اشتكى منها الملفات قالى بحس ان العربية مش امان فى الملفات ورحت التوكيل قالى هنظبتلك حاجة فى الزوايا بتاعة العربية وقلتله استهلاك البنزين قالى بتسحب جامد جدا بالمقارنة بشيفروليه افيو وسحب البنزين ملحوظ جدا وانا قلتله يمكن لسه علشان العربية لسه جديدة ومعدتش 5000 كيلو وقلتله بعد كده هتظبط وده اللى قراته من ناس كتباه ........وقلت اكتبلك علشان ممكن المعلومة متفرقش معايا وتفرق معاك وربنا يكتبلك الاصلح واللى فيه الخير...وكل ده لا ينطبق على 2015 لانى لسه معرفش حد راكبها

[Adnfalcon]

انا كلمت التوكيل وقلتله هل صلحتم العيوب القديمة فى الموديل 2015 ....قالى ايوه صلحناها وهيه كانت عيب طنابير ....وده اللى حصل ......حضرتك فيه ناس فى المنتدى عندهم نيسان 2014 شغالة زى الفل ممكن تكلمهم رسائل شخصية وتتأكد وناس تانية الفرامل زفت وهمه برده 2014 لكن معرفش حد اتكلم عن 2015 ....على العموم صلى استخارة ولو تقدر تشوف حد بيركن بالعربية دى فى الشارع او واقف فى اشارة وممكن تسأله او تصبر 4 شهور يكون موديل 2015 انتشر وساعتها تقدر تعرف عيوبه بالظبط ......وبعدين الاخ اللى كاتب تعليق قبلى مع كل احترامى ليه دايما بلاقيه بيخبط فى النيسان وعايز اقوله ياريت تكتب موديل العربية 2015 والا قبل كده اللى كانت الفرامل بتاعتها بتهيس...ويا جماعة السيارات دى نصيب يعنى اعرف ناس بيحطوا بنزين 80 لعربيات لانوس وزى الفل وناس تانية بتشتم فى بنزين 80 مع لانوس وبيقولوا العربية بتسقف مع البنزين ....يعنى المفيد ان الاختلاف نسبى من شخص لاخر ....وبجد جرب صلاة الاستخارة وان شاء الله ربنا هيكتبلك اللى فيه الخير

بخبط ف نيسان !! الصني دي اصلا لا تعرف نيسان ولا نيشان دي سياره ما تعرفش الياباني فحاجه
انا بنصح الناس مش أكتر وكل واحد حر الاختيار بس بعدين مايجيش يكتب مواضيع ان مفيش فرامل مفيش ثبات الخ

[tiger45]

كل سنه وانتوا طيبين وانا بشكر كل اللي قال رايه وانا فعلا حسمع كلام الاغلبيه وحصرف نظر عنها وادعولي بالتوفيق في حاجه تانيه

[Adnfalcon]

كل سنه وانتوا طيبين وانا بشكر كل اللي قال رايه وانا فعلا حسمع كلام الاغلبيه وحصرف نظر عنها وادعولي بالتوفيق في حاجه تانيه

ربنا يكرمك وتلاقي عربيه محترمه مناسبه ليك
شوف الأكسنت rb او gen 2