الماتور بيجيب ميه من فوق الفتيس

[amartaha33]

السلام عليكم ورحمة الله
معاي نيسان صنى 2008 اتوماتيك روحت النهاردة مشوار صغير ولما رجعت لقيت العربية بتنقط من تحت الماتور كده طلعت علة ميكانيكى جنبى على طول بعد ما كشف قالى ده ممكن طبة مياه بايظة وعايزة تتغير .
وهيضطر يفك الفتيس عشان يغيرها انا رايح له بكر لو حد عنده حل تانى يفيدنى وشكرا

[ahmedamgad18]

انت كنت مشغل تكييف وانت ى المشوار ده .... لتكون مياه التكييف ؟؟

[amartaha33]

انت كنت مشغل تكييف وانت ى المشوار ده .... لتكون مياه التكييف ؟؟

لا لاسف مياه خضرة من بتاع الرديتير

[ahmedamgad18]

انا كان عندى نفس الموضوع ده بالظبط ... بس كانت كوعة المياه اللى خارجة من الموتور اللى فوق الجيربوكس كان الجوان بيسرب ؛ بس كان واضح امامى التسريب لان المياه الملونة كانت واضحة وان شاء الله الموضوع يكون سهل ان شاء الله

[amartaha33]

انا كان عندى نفس الموضوع ده بالظبط ... بس كانت كوعة المياه اللى خارجة من الموتور اللى فوق الجيربوكس كان الجوان بيسرب ؛ بس كان واضح امامى التسريب لان المياه الملونة كانت واضحة وان شاء الله الموضوع يكون سهل ان شاء الله

الكوع عندي سليم هيا بتجيب مياه من الناحيه التانيه بس من تحت بين المتور والوحدة الى داخل فيها الكوع ومش عرف احدد مكانها لان الفتيس لازق فيها المشكله عشان يوصلل للمكان ده لازم الفتيس يتفك !!

[ahmedamgad18]

طيب محولتش ترفعها فى اى بنزينة وتنزل تحتيها ..... الموضوع كده حيكون اوضح ؟

[amartaha33]

الحمد لله تم حل المشكلة

المشكلة كانت فى طبة فى حجم" الشلن" الله يرحمه مخرومة خرم صغير قوى.
ومكانها من ناحية وش السلندر والحمد لله الميكانيكي عملها وجبت واحد جديدة وركبها وحلط تقريبا حاجة شكل السيليكون بس للحديد

بس فك الانجكشن والمارش تقريبا عشان يوصل لها بس جات بفايده ان نظف الانجكشن من جوه ونظف الرشاشات وفك كل الطبب الموجوده وعملها بسيليكون حديد

"السؤال بقى ايه فايدة الطبه دي مع العلم ان فيه اكتر من واحدة" أفيدونا ايها الخبراء


شكرا استاذ أحمد على الرد
بس غريبة محدش تانى رد عليا على العموم شكرا لكل المنتدي
انا حطيت الصورة بتاع الطبه بس مش عارف هتظهر ولا لا

[ahmedamgad18]

مبروك يا باشا ... الحمد لله جت سليمة .... والله على حد علمى انها ذى بوبات تفتيش تقريبا على مجارى المياه ...بس مش متاكد ... يمكن حد هنا يفيدنا من الاخوة ..... بس اللى اعرفه ان الطبات دى ومواسير المياه والريداتير وكل دوره المياه بتبوظ بسبب المياه التى توضع فى الريداتير ( وخصوصا لو مياه من الحنفيه ) مش مياه خضراء او حمراء ... لان مياه الحنفية بها نسبة املاح عالية جدا بتعمل على تاكل كل اجزاء دورة التبريد .
وياترى التكلفة كام ؟؟

[amartaha33]

الله يبارك فيك يا باشا
التكلف 150 مصنعية & غسيل ماتور وسيارة وتغير مياه الرداتير وتبس 10 وحاجه ساقعه
وعشرين طبب واللحام بتاع الحديد