اى نوع اطارات توصى بها للنيو صنى

[Msanad]

السلام عليكم جميعا

انا معايا نيو صنى وعامل حوالى 23 الف كيلو - وكنت بفكر بعد شويه اغير الكاوتش لمقاس اعرض ونوع احسن من الماكسيس - طبعا لما يكون فيه فلوس

عندى سؤالين :
1- بعد كام كيلو اغير الكاوتش مع العلم انى منزل الاستبن بدل فردة منهم علشان كانت فيها لحامين
2- اى نوع اطارات الناس جربتها ويكون نوعها كويس وبيشكروا فيها - وطبعا السعر عامل مهم

ياريت اللى يكون مر بالتجربة دى من ملاك النيو صنى يفيدنا

شكرا مقدما

[mr_sese]

البرجستون اندونيسى
هانكوك تايلاندى

[Msanad]

البرجستون اندونيسى
هانكوك تايلاندى

اسعارهم ايه بعد اذنك

[J A G U A R]

غيرهم بعد 50 الف

[mr_sese]

اسعارهم ايه بعد اذنك

البيرجستون بنعمل من 420 الى 450
هانكوك من 400 الى 440

[Mido Casper]

الكونتيننتل الالماني بيكرب في البي ام دبليو .. انظف كفرات ممكن تركبها وتعيش معاك .. و الكفرات بتتغير بعمرها يعني الكاوتش بيكون ليه مده صلاحيه وليه عدد كيلوهات وليه بالاستخدام بتاعك ف مش عامل واحد بس بتغير عليه الكاوتش
الكاوتش لو هتيغيروا كله يبقي يفضل تخش ف كله مع بعضه وهو انك تجنط جنوط واسعه عشان الهواء يدخل للفرامل ويكون ادائها احسن وفي التجنيط و التعريض في الكاوتش غير الشكل بيدي ثبات واضح جدا للعربيه ..
الكاوتش فيه سرعات قصوي تمشي بيها تختار افضل حاجة للسرعات بتاعتك لو بتجيب 220 مثلا تجيب كاوتش 240 عشان يعيش معاك اكتر وفي درجات الحراره تختار اقل حاجة حرف b
....
نصيحه اخيره متسترخصش ف كاوتش العربيه والفرامل لان دول اهم حاجتين في العربيه لانهم متعلقين بحياة الشخص واللي معاه وربنا يسترها علينا جميعا وكونك تجيب حاجة نظيفه تعيش معاك وتضمن جوده احسن ما تجيب حاجة اي كلام وتخش ف مشاكلها وحوارتها .. وربنا معاك

[midooo_119]

تغير بعد 50 الف و مكن تجيب دنلوب يابانى و سعره معقول

[saint2011]

يا باشا محدش يمشى بالماكسيس حتى 100 كم مش 23 الف كيلو أزاى حضرتك مغيرتش بمجرد أستلام العربية ؟؟؟؟؟
عموما حضرتك فيه نوعين محترمين جدا وهما :
1- الكونتيننتال (منشأ اوروبى)
2-اليوكوهاما (منشأ يابانى )

السعر 550 جنية للفردة مقاس 195-60-15 السرعة h والسعر شامل التركيب والترصيص والنيتروجين ويتفاوت السعر من مكان لأخر ومبروك مقدما

[Msanad]

يا باشا محدش يمشى بالماكسيس حتى 100 كم مش 23 الف كيلو أزاى حضرتك مغيرتش بمجرد أستلام العربية ؟؟؟؟؟
عموما حضرتك فيه نوعين محترمين جدا وهما :
1- الكونتيننتال (منشأ اوروبى)
2-اليوكوهاما (منشأ يابانى )

السعر 550 جنية للفردة مقاس 195-60-15 السرعة h والسعر شامل التركيب والترصيص والنيتروجين ويتفاوت السعر من مكان لأخر ومبروك مقدما

معلشى بقى اصل العربية قسط ومكنتش اقدر اغير اربع فرد مع استلام العربية توفيرا للنفقات