الحمد لله على نعمة ال abs

[sasa44]

السلام عليكم ورحمة الله وبركاته مبدأيا كده انا لا شغال فى نيسان ولا غيره ومجال شغلي بعيد تماما عن العربيات ولا بهاجم ولا بدافع عن اي عربية والناس ممكن تدخل تشوف مواضيعي وتعرف انى كنت بقالي سنة بدور على عربية.. وهحكي اللى حصل معايا..
امبارح كنت بعمل صيانة الاف فى ابو رواش وانا راجع على الزراعي وماشي على 100 تقريبا علشان التليين وكان فيه ترن الناحية التانية من الطريق وفيه عربية نقل الناحية التانية عاوزه تلف وتدخل معانا الطريق وكانت واقفه.. ومرة واحده السواق قرر انه يلف ومفيش بينه وبيني مسافه صغيرة جدا.. انا طبعا دوست فرامل بقوة وحسيت بدربكة الي بي اس ووقفت قبل النقل بشوية وكان يميني عربية تانية بدون ذكر اسماء طبعا ملحقش يقف واضطر انه يطلع على التراب اللي يمين الطريق علشان ميخبطش فيها وعرييته كانت هتتقلب والحمد لله ربنا سترها..
انا مش بقول كده علشان الناس تجري.. العربية دي اخرها معايا 100 او 120 مش بزود عن كده وانصح اللى بيحب الجري مايجبش صني..

[khaled_yehya]

الحمد لله ربنا قدر ولطف
وربنا يبارلك فى عربيك ويكفيك شرها

[sasa44]

الحمد لله ربنا قدر ولطف
وربنا يبارلك فى عربيك ويكفيك شرها

الحمد لله رب العالمين.. والف شكر لحضرتك

[Ahmed Saad]

حمدا لله على سلامتك وكويس أن حضرتك بتنصح محدش يعدي سرعه 120 بالصني وبأي عربيه عموما لأن زي ماربنا بيسترها معانا لازم برضه كل واحد يخلي باله من نفسه يعني انا معايا باسات وكنت بجيب بيها 200 عادي وبتاخد غرز ولا الهوا بس في الفتره الاخيره قررت اني ماجريش اكتر من 120 كم/س علشان ربنا يسترها معانا والواحد مايخدش من رصيد الستر وربنا يسترها علينا جميعا يارب

[Hulk 1]

ربنا يسترها ان شاء الله في التأني السلامه

[ibrahimsaad]

تقريبا موقف مشابه حصل معايا وفعلا الاى بى اس نعمه

ورحم الله امرئ عرف قدر نفسه

لو كل واحد عرف امكانيات عربيته وتعامل معها على هذا الاساس مش هيتعب

[sasa44]

شكرا لكل الناس اللى ردت.. والحمد لله ان ربنا سترها
اوحش حاجه الجري بالعربية ﻷن مهما كنت بتسوق كويس متضمنش غلطات الناس اللى ع الطريق..
ربنا يسترها علينا جميعا يارب

[theblackpirate]

طب استفسار لما فرملت وللاى بى اس اشتغل حسيت ان دواسه الفرامل بتلعب من تحتك او وانت بتدوس عليها لتحت ردت معاك لفوق

[ibrahimsaad]

طب استفسار لما فرملت وللاى بى اس اشتغل حسيت ان دواسه الفرامل بتلعب من تحتك او وانت بتدوس عليها لتحت ردت معاك لفوق

انا معايا حسيت بدربكه تحت رجلى وزى مايكون خبط كده وزى ماتكون فعلا بتلعب تحت رجليك

والاحساس ده تقريبا لان الا ى بى اس طبيعه شغله ان بيخلى الفرامل تمسك وتسيب فى شكل متقطع

[mohamed boy]

الحمد للة

[midooo_119]

ربنا يسترها عليك ... اكيد انك تشترى عربيه فيها اوبشن امان دى حاجه مهمه و ده كان سبب لبيعى النوبيرا بتاعتى رغم انها كانت ممتازة

[sasa44]

الحمد لله ان ربنا ستر..
بس لو انا ماشي على 140 مثلا اكيد مكنتش هلحق اقف.. وكنا نرجع نشتم فى العربية.. علشان كده بقول انك مهما كنت بتعرف تسوق متضمنش اخطاء الاخرين.. يا جماعه بجد محدش يجري بالعربية علشان ربنا يسترها علينا

[theblackpirate]

انا معايا حسيت بدربكه تحت رجلى وزى مايكون خبط كده وزى ماتكون فعلا بتلعب تحت رجليك

والاحساس ده تقريبا لان الا ى بى اس طبيعه شغله ان بيخلى الفرامل تمسك وتسيب فى شكل متقطع

شكرا على الرد على استفسارى

[Waleed_aboammar]

ممكن يا جماعة تعذرونى في السؤال: يعنى إيه دربكة في الفرامل سواء فرامل هادية أو فرامل مفاجأة؟
أنا كان معايا راف 4 تويوتا في السعودية و كان فيها abs و عمرها ما عملت دربكة في الفرامل. أنا مستغرب جدا من موضوع الدربكة ده و هل هو حاجة موجودة مع abs في سيارات نيسان!!!!!

[hatahet]

بيبقى زى هزة كدا فى الدواسة بتاعت الفرامل تحت رجلك ساعةةالفرمله الجامدة و الفرامل نفسها بتسيب و تمسك بسرعه عاى الطنابير عشان توقف العربيه و تمكنك من تغيير اتجاهك اثناء الفرمله و الحركه دى بتعمل زى رجه كدا او هزا جامدا فى العربيه تحت رجلك و هو دا المقصود بالدربكر