بنزين 80 !

[muhamed abdou]

سلام عليكم يارب تكونوا بخير :))

عربيتي حبيبة قلبي هههههههه حبيت اجرب فيها بنزين 80

منه اوفر فلوس وفي نفس الوقت هيغيب حبة لحد ما آفول تاني
لاني معودها ع 92

وماشاء الله بيتحرق هوا ال 92

المهم
حطيت اول مرة 13 لتر ومشيت بيها محستش بفرق آد كده


تاني مرة حطيت تقريبا 15 لتر 80 طبعا

هنا بقي بدأ الفرق يظهر
خلي بالكم التانك يعتبر لسه فيه بنزين 92 بس نسبة قليلة خالص

الفرق كان عبارة عن

صوت الموتور آعلي من المعتاد
السحب بطئ
لما باجي آسخن العربية الصبح بتغيب اوي عما الار بي ام ينزل
..
ولذلك قررت اني مش هستخدمه تاني باذن الله

لو هوفر في التفويلة مثلا من 15 جنية
العربية اولي بيهم وتمشي ببنزين 92
رغم انه بيلسوع الجيب ههههههههههه

ممكن ناس تشوف الموضوع بسيط مش مستاهل بس حبيت اشارككم بيه من باب النفع بس والله :)))
ربنا يديم عليكم الصحة والمزاج الرايق :)

[ARKOON]

العربية اتعودت على نوع بنزين معين ومن محطة معينة متغيرش نوع التفويلة ولا المكان ان امكن عشان تفضل عربيتك حبيبتك : ) تحياتي .

[J A G U A R]

بالعكس الموضوع جميل
ومشكور لنقل التجربه

انا اعرف ناس راكبه عربيات حديثه ومعوده عربياتها على 80 ومحصلش مشاكل بس الخوف بعد كده ايه اللى يحصل

مقولتش عربيتك ايه ..

[muhamed abdou]

العربية اتعودت على نوع بنزين معين ومن محطة معينة متغيرش نوع التفويلة ولا المكان ان امكن عشان تفضل عربيتك حبيبتك : ) تحياتي .

ان شاء الله :))

[ARKOON]

انا اعرف ناس راكبه عربيات حديثه ومعوده عربياتها على 80 ومحصلش مشاكل بس الخوف بعد كده ايه اللى يحصل .

بعد اول سنة يا جاكور هتشوف النتيجة . دخان اسود من الشكمان .
العربية مش هتقول لا في الاول لو مشيتها بعصير قصب هتمشي بس بعد كدا ... loading
حساس + بواجي + تخبيط في المكنة وغير كدا فقد في العزم .

[muhamed abdou]

بالعكس الموضوع جميل
ومشكور لنقل التجربه

انا اعرف ناس راكبه عربيات حديثه ومعوده عربياتها على 80 ومحصلش مشاكل بس الخوف بعد كده ايه اللى يحصل

مقولتش عربيتك ايه ..

انا قلت قبل ما آحط ال 80 اسال في المحطة فيه عربيات حديثة بتحط 80 ولا لا قالي فيه بس بيخلطوه ع 92
فدا شجعني آجرب
عربيتي صني 2009 حبيبة قلبي خههههههههه رووز :)) ♥

[muhamed abdou]

السحب ب 80 فعلا ميت ميت !

ال92 لما بحطه بشد جنب اي عربية آخرها الانترا 2012 وماشاء الله العربية مش بتخذلني

فرق الفلوس في صحة الموتور والسحب وكده شئ بسيط لايذكر

[J A G U A R]

بعد اول سنة يا جاكور هتشوف النتيجة . دخان اسود من الشكمان .
العربية مش هتقول لا في الاول لو مشيتها بعصير قصب هتمشي بس بعد كدا ... Loading
حساس + بواجي + تخبيط في المكنة وغير كدا فقد في العزم .

لا والله مش سنه ولا حاجه

اعرف ناس مقفله ال 200,000 ببنزين 80 ومرات قليله 92 ومفيش اى حاجه من دى حصلت بس بيغيرو فلاتر وبينظفو الرشاشات علشان الرواسب وكده

[J A G U A R]

انا قلت قبل ما آحط ال 80 اسال في المحطة فيه عربيات حديثة بتحط 80 ولا لا قالي فيه بس بيخلطوه ع 92
فدا شجعني آجرب
عربيتي صني 2009 حبيبة قلبي خههههههههه رووز :)) ♥

الخلط ده بيبرجل المكنه على فكره
مش حاجه حلوه يعنى

[ARKOON]

لا والله مش سنه ولا حاجه

اعرف ناس مقفله ال 200,000 ببنزين 80 ومرات قليله 92 ومفيش اى حاجه من دى حصلت بس بيغيرو فلاتر وبينظفو الرشاشات علشان الرواسب وكده

تمام بس الموديل بتاع العربية سنة كام ونسبة انضغاط المحرك في قصص في الموضوع دا والواحد مش عاوز يتهور فعلا 92 حراق بس الي هتوفروا في تمن البنزين هتصرفه على ماتور العربية .

[J A G U A R]

تمام بس الموديل بتاع العربية سنة كام ونسبة انضغاط المحرك في قصص في الموضوع دا والواحد مش عاوز يتهور فعلا 92 حراق بس الي هتوفروا في تمن البنزين هتصرفه على ماتور العربية .

موديلات حديثه

زى لانسر 2006
اوبترا 2012 وموديلات تانيه كتير
وصنى مش فاكر موديل كام

[moshakes]

معظم الناس بيعتقدوا ان بنزين 80 ده قعر الحلة و مليان رواسب وزبالة (وبواقى أكل) فهيخرب المواتير ويجيب أجلها بسرعة
وان البنزين الـ 92 نظيف جداً ولا يلوث الفلتر اما بنزين 95 فهو صحي جداً (وممكن نشربه )
كل بنزين به نسبة من الرواسب حسب نظافة الخزانات في البنزينة او شركات البترول
يشير رقم الاوكتان في البنـزين إلى مدى مقاومة البنـزين ..
للانفجار المفاجئ بسبب زيادة الضغط داخل اسطـوانات ،
المحرك ، فكلما زاد رقم الاوكتان زادت مقاومة ..
البنـزين للانفجار .
تُحَدّدْ نسبة الاوكتان لكل محرك بحيث تكون هذه النسبة ،
كافيه لمنع انفجار خليـط البنزين مع الهواء ..
( بسبب الضغط داخل الاسطوانة ) قبـل وصـول
الشرارة ،فكلما نقصت نسبـة الاوكتان في البنـزين
كلما زادت احتماليه ، الانفجار داخل اسطوانات
المحرك قبل وصول الشرارة من البوجي ،
(وهذا يسبب حدوث أصوات خبط- فرقعه – داخل محرك السيارة) ،
وكلما زادت نسبـة الاوكتان في البنـزين كلما قل احتمال حدوث انفجار ،
الخليط داخل اسطوانات المحرك قبل وصول الشرارة من البوجيه مما ..
يوفر هدوء و انتظام في دوران المحرك بسبب حدوث انفجار الخليط ..
في الوقت المناسب والمحدد له .
وبناء عليهيكون بنزين 80 افضل في الاداء من ال 95 للانواع القديمة والعكس بالعكس
والله اعلم

[ARKOON]

وبناء عليه يكون بنزين 80 افضل في الاداء من ال 95 للانواع القديمة والعكس بالعكس .

كلام سليم