هشترى صنى 2015

[Islam Zaki]

ان شاء الله هحجز صنى الشكل الجديد 2015 , بس انا اكتر حاجة هعملها بالعربية دى السفر وهحمل فيها حاجات هل العربية هتكون كويسة معايا فى السفر وانها تستحمل , وخاصة عوامل الأمان اللى فيها لأنى سمعت ان الفرامل بتاعتها و الكاوتش مش كويسة , وعندى استفسار تانى هل الرؤية فيها بتكون كويسة وأبعاد العربية سهلة ولا رخمة أرجو اللى عنده معلومة يفيدنى لأنى ان شاء الله هروح أحجز بكرة

[د.هشام]

العربية ممتازة، بس لازم تكون عارف ان السرعة الآمنة للعربية من 120 حتى 140 على حسب الظروف الجوية علشان العربية وزنها خفيف وعالية عن الأرض.
لو عايز ثبات أحسن ممكن تفكر في البروتون أو الشارك أو الكروز

[Islam Zaki]

انا محتاج عربية عالية علشان هبقى شايل فيها حاجات كتير والسرعة هتكون من 100 لى 140 ده كويس جدا مش هزود عن كدة ده لو وصلت ل140 بس المهم مشكلة الفرامل دى حقيقية وﻻ ﻻ

[m_elhenawy]

متابع

[وائل فريد]

انا كمان ناوي احجزها بس كنت عايز اعرف احجزها ازاي وبكام وهاخدها بعد قد ايه

[the lawyer]

لو انا مكانك مش حشتريها ... مجرد رأي
نصيحة هات حاجة تانية زي البروتون ثبات ممتاز وخصوصا انك حتسافر كتير او لو تزود 155 ألف وتجيب كروز وفيه الفلوانس أول فئة بنفس السعر او تنزل شوية وتجيب بيجو 301

[salam100100]

سياره ممتازة

سياره ممتازة
معايا من شهر 9
حجزتها من السبع فرع المعادى - دفعت 10000 حجز واستلمت بعد 4 ايام مع دفع مبلغ فوق ثمن السياره (اوفر بريس) للاستلام الفورى

انا مبشتكيش من الفرامل ولا الكوتش
العربيه استابيليتى بتاعتها احسن وهيا محمله

استهلاك البنزين على الطرق السريعه رائع لكن داخل المدينة مش حلو

مبروك مقدما

[Sameh samy]

منصحكش بيها انا بفضل الصني شكل قديم او اوبتر شكل قديم ولو تعرف تزود وتجيب الشارك افضل

[Islam Zaki]

مش هعرف ازود فلوس خالص عن السعر ده , انا حجزتها من اوتو ايجيبت فرع مدينة نصر بألف جنيه وصورة البطاقة والاستلام بيكون خلال 3 أسابيع أو شهر , ولو وصلت قبل كدة هيتصل بيك , بس معلش كنت عايز اعرف هو الاستخدام داخل المدينة بيكون اد ايه فى الصفيحة

[Islam Zaki]

يا جماعة معلش سؤال مهم جدا علشان العربية دى انا هسافر بيها كتير وناس خوفتنى من الفرامل , اللى معاه العربية موديل 2015 او 2014 هل الفرامل كويسة ولا لا لأنها مهمة جدا جدا

[د.هشام]

فرامل العربية ممتازة، والدفعات الاولى اللي كان فيها مشكلة ماستر الفرامل إتغيرت في التوكيل. بالنسبة لنوعية التيل مش عارف إتحسنت ولا ﻷ

[Islam Zaki]

شكرا يا د . هشام العربية انا شايفها مناسبة جدا للاحتياجاتى من حيث الارتفاع والشنطة الواسعة والصلون الواسع بس اللى كنت خايف منه الفرامل

[sam6666]

ااول ما تستلم العربيه رجلش العجل الخلفى المشكله هتنتهى تماما فى الفرامل انا شايف عيبها الحقيقى ضعف الموتور مش زى المواتير الجديدة

[sam6666]

التيل الامامى هباب بس غيرته ب iqالصفارة راحت

[osamaelnaggar]

العربية ممتازة في فئتها .. انا جايبها من شهر . عوامل الامان فيها aps epd ps
العربية واسعه و كبيرة وعالية
انا سافرت بيها 3 مرات منزلتش عن 160 كم ومحستش بأي خطورة