لمبة عداد السرعة محروقة

[ahmed_e_elsawy]

عندي مشكلة في التيدا لمبة عدد السرعة اتحرقت بمعنى إن كل العدادات rpm وبنزين وكل حاجة منورة ماعدا عداد السرعة الليد محروق وبيعملي مشكلة بليل لاني لسة شاري العربية ومش واخد عليها فيمش بقدر سرعتي
أما اشترتها كان فيها المشكلة دي وصاحبها قالي فيوز بس أما رحت اغير الفيوز الكهربائي قلي التابلوه كله على فيوز واحد كده إنت محتاج تغير الليد وهو فأنا كده مضطر افك العداد واغير اللمبة وفيه واحد قاللي فك العداد هيقلل من قيمة العربية واعملها في التوكيل أنا مش حاسس إن الموضوع محتاج توكيل على ليد يعني
يا ريت الناس تفدني برأيها
كمان أنا عايز أعرف المفروض اغير إيه هو صاحبها مغيرش زيت الفتيس ولا بور هي داخلة على 80 ألف والبوجهات بيقولي إنها بلاتين وبتعد 100 ألف وهي فعلا تمنها 560 جنيه في التوكيل أرْبع اضعف الصني فده بجد ولا اغيرها ؟

[aymanshebl]

اللمبة ممكن حد بتاع عدادات يفك العداد و يغير اللمبة المحروقة او لو انت ليك خبرة فى الفك و التركيب ممكن تفك العدادات و تفك اللمبة او تفك لحامها لو هى ملحومة و تروح النخيلى او باب اللوق او مول البستان و تجيب زيها او تاخد العدادات و تروح النخيلى و هو يغير اللمبة المحروقة بالنسبة للبوجيهات لازم تتاكد من اللى انت شارى منه العربية على نوعه و تروح لميكانيكى امين يفكهم و يشوف نوعهم ايه و يشوف اذا كانو يتغيروا و لا لا

[lad]

اللمبة حوارها سهل اى كهربائى يعمله و ملوش دعوة بسعر العربية من قريب ولا بعيد

[ahmed_e_elsawy]

اللمبة ممكن حد بتاع عدادات يفك العداد و يغير اللمبة المحروقة او لو انت ليك خبرة فى الفك و التركيب ممكن تفك العدادات و تفك اللمبة او تفك لحامها لو هى ملحومة و تروح النخيلى او باب اللوق او مول البستان و تجيب زيها او تاخد العدادات و تروح النخيلى و هو يغير اللمبة المحروقة بالنسبة للبوجيهات لازم تتاكد من اللى انت شارى منه العربية على نوعه و تروح لميكانيكى امين يفكهم و يشوف نوعهم ايه و يشوف اذا كانو يتغيروا و لا لا

هو أنا كل الناس بتقولي روح بيها التوكيل قير الزيت والسيور والكلام ده هناك بما إني لسة جايبها وكده الموضوع مستاهل فرق السعر اللي هدفعو بين التوكيل وبره ولا لأ؟ وأنهي أحسن توكيل لنيسان أنا ساكن في العبور فيأبو رواش بالنسبالي سفر

[aymanshebl]

التوكيل طبعا احسن من فتى الميكانيكية و البلا الازرق ده و ابو رواش بيتهيالى احسن بس اسال برده مين الفرع المريح فى الصيانة و التعامل

[ahmed_e_elsawy]

اللمبة حوارها سهل اى كهربائى يعمله و ملوش دعوة بسعر العربية من قريب ولا بعيد

الكهربائية هنا فالعبور خايفين يلعبه في التابلوه :d