سؤال للخبراء في النيسان صني الشكل الجديد

[Islam Dolaify]

هل العفشة في النيسان صني سوبر صالون افضل من العفشة في نيسان EX ولا التنين واحد لان سمعت ان العفشة في السوبر صالون عفشة رياضية وتتحمل المطبات وخلافه ؟
كمان انا ان شاء الله قربت اشتري صني سوبر صالون فلو فيه اي حد يقدر ينصحني باي شئ قبل ما اشتريها اكون شاكر جدا ليه ؟؟؟؟
وهل فعلا العفشة والماتور بتاعها وحش وايه تجربة الناس عنها باختصار لان فيه كلام كتير بس لاحظت ان المشاكل اللي كانت في اول اصدار الموديل ده اتعالجت والناس مبقتش تشتكي من الفرامل والعفشة
فلو الكلام ده صحيح ياريت توضحولي
وايه النصايح اللي ممكن تتقال لواحد جايب العربية الصني جديد
وشكرا لكل الاخوة في المنتدي الرائع ده

[osamaos20022]

أفتكر أن في حد قالك بلاش بس مش اكتر علشان الناس اللي بتزعل

[Islam Dolaify]

طب ليه يا استاذ اسامة معلش انا حابب افهم
لاني كنت من فترة بقارن بين العربيات وكنت هتسقر عليها خلاص
بعد نصايح بعض الاعضاء وقالولي ان فيها مشاكل ولكن فردية يعني مش عيوب جسيمة ومنتشرة فياريت بس توضحلي قبل ما اخد اخر قرار ليا لاني كنت خلاص هروح احجزها اخر الاسبوع ان شاء الله
ولو مش حابب تتكلم هنا ممكن حضرتك تبعتلي رقمك وانا هتصل بيك عشان حابب استفسر منك لو ممكن
وشكرا

[salam100100]

اسال ملاك السياره على الحقيقة مش على النت
جار ليك , صديق /قريب
المهم خد الاجابه من بقه حاول تجربها لو نفع
خد وقتك قبل الشراء , ولو هتشتريها اشتريها عشان مقتنع

العربيه فيها عيوب ومميزات

انا من ملاك السياره
انا اعتقد ان مفيش اختلاف فى تصميم العفشه (السبب غى اعتقادى دة عشان ركبت الاتنين ومحستش بفرق)

وجود جنط اكبر فى السوبر صالون اكيد هيحسن الاتزان والفرامل

[Islam Dolaify]

يعني لو حضرتك بتنصحني ابعد عنها
طب ايه العيوب الجوهرية اللي تخليني ابعد عنها
انا مش مصمم عليها وبعشقها يعني ولكن كنت بختار في افضل السيارات اللي بيسمح بيها ميزانيتي
فلو فيه اي نصيحة من حضرتك قبل ما اخد القرار النهائي بالشراء وخاصة انك من ملاك العربية فياريت تفيدني بتجربتك

[salam100100]

نصحتى متعتمدش على النت فى قرارك , اسال واحد راكبها على الحقيقة واحد ماشى بيها فالشارع

انا مش شايف فيها عيوب جوهريه يعنى عيوب تتفشنى منها

انا كان معايا نوبيرا وهقارن ما بنهم:
-الكنبه الخلفيه فى النوبيرا تشيل 3 اشخاص كبار براحه اكتر من الصنى (العرض الداخلى اكبر)
- السحب النوبيرا احسن عشان 1600 ومانيوال
- التكيف فى النوبيرا احسن سنن لكن مقبول جدا

دى الحاجات اللى ملاحظها , مبشتكيش من حاجه

نصحتى متعتمدش على النت فى قرارك , اسال واحد راكبها على الحقيقة واحد ماشى بيها فالشارع

العيوب اللى ذكرتها مش مديقانى , اتعوت على سحبها والتكيف كنت بحته على 2 بدل مكنت بحته على 1 فالنوبيرا

دى خبرتى مع العربيه من شهر 9 اللى فات
افتكر 3 شهور مش كفايه لتقيم العربيه

هل انصح بيها ؟ نعم انصح بيها رب الاسره . واحد حابب يركب زيرو يبانى سعر معقول وامكانيات ممتازه

[Islam Dolaify]

انا مش شايف فيها عيوب جوهريه يعنى عيوب تتفشنى منها

انا كان معايا نوبيرا وهقارن ما بنهم:
-الكنبه الخلفيه فى النوبيرا تشيل 3 اشخاص كبار براحه اكتر من الصنى (العرض الداخلى اكبر)
- السحب النوبيرا احسن عشان 1600 ومانيوال
- التكيف فى النوبيرا احسن سنن لكن مقبول جدا

دى الحاجات اللى ملاحظها , مبشتكيش من حاجه

نصحتى متعتمدش على النت فى قرارك , اسال واحد راكبها على الحقيقة واحد ماشى بيها فالشارع

العيوب اللى ذكرتها مش مديقانى , اتعوت على سحبها والتكيف كنت بحته على 2 بدل مكنت بحته على 1 فالنوبيرا

دى خبرتى مع العربيه من شهر 9 اللى فات
افتكر 3 شهور مش كفايه لتقيم العربيه

هل انصح بيها ؟ نعم انصح بيها رب الاسره . واحد حابب يركب زيرو يبانى سعر معقول وامكانيات ممتازه

تسلم ياباشا بص انا راكب دلوقتي شاهين واول مرة اجيب زيرو فبختصار مش هيكون فيه مقارنة ولكن افهم من كلامك ان مفيش عيوب جوهرية تخليني اقلق منها او ابعد عنها وافكر في غيرها احسن خاصة اني هزنق نفسي جامد عشان اجيبها وفضلت اجيبها بدل المتسوبيشي اتراج عشان الصني منتشرة اكتر من سنتين ومشاكلها اتحلت وقطع غيارها موجودة
فلو زي ما بتقول المشكلة في التكييف والسحب والحجات البسيطة دي مقدور عليها مدام مفيش عيب جوهري زي مشكلة الفرامل القديمة اللي اول ماظهرت كانت عاملة مشكلة لكل اللي راكب العربية ولكن المفروض ان المشكلة دي اتحلت حسب ما فهمت من الناس وبالتالي الحجات البسيطة التانية مش هتاثر علي العربية
وبرضه هعمل استخارة وربنا يعمل الخير ان شاء الله
وشكرا ليك تاني علي التوضيح

[mif]

انا بتكلم عن 2013

ممكن الجديد يكون اتحسن

الفرامل رديئة الخامات
صاج ورق
خامات داخلية ضعيفة
استهلاك وقود عالى جدا مقارنة بفائتها
اداء ضعيف
توكيل غير امين بيسترخص لاقصى درجة

[hatahet]

انا لو رجع بيا الوقت هشترى نيو النترا لان العربيه قرفانى فمشكله الفرامل

[Islam Dolaify]

انا لو رجع بيا الوقت هشترى نيو النترا لان العربيه قرفانى فمشكله الفرامل

هو حضرتم معاك العربية من امتي ومشكلتك ايه مع العربية

[atwa]

انا معاى سوبر صالون 2013اول واحد جابة فى المحافظة سيارة ممتازة جداا واحسن وافضل من سيارات غالية ومفيهاش وسائل امان مشكلة الفرامل اتحلت والفرامل فضلت معاى حتى غيروهاااااعلى 33333كم والان السيارة عاملة41000كم وهعمل صيانة الااربعين الف يوم 22/12/2014 فى السبع والان السيارة منتشرة بطريقة فظيعةجدااااا ومفيش سيارة بتمشى معاى على السريع

[canner]

العفشة ال ex هى نفسها عفشة السوبر و الاتنين كويسين

[khaledelhakim]

أنا كنت هعمل موضوع منفصل واستفسر عن العربية زي حضرتك بزبط لأني في نفس الحيرة بقالي حوالي شهر ،أنا مقتنع ب نيسان لأن انتشارها رهيييب في الشارع أنا كل ما أمشي لازم القى على الأقل عربية أو اثنين في كل شارع ،الفكرة أن العربية عليها كلام كثييير اوووي يقلق ويتبع الأعصاب بس في نفس الوقت هيا عربية ياباني قطع الغيار منتشرة وتوكيل محترم إي حد ما ،فضلت محتار بينها وبين الربو بس لقيت إني هدفه في عربية فاضية زي الربو كثير فرجعت اقتنعت ب نيسان لحد لما ظهرت قدامي بروتون جين2 أو بيرسونا والكلام ال عليها اجابي جدا بس مش منتشرة زي الصني وبيقولوا توكيل وحش بس صاج و وعربيه تحفة على حسب ملكها ،،،فمحتجين من أهل الخبرة رأى نهائي في الصني عشان الحيرة دي مع العلم أن كل المواضيع ال بتغيب في الصني تواريخ قديمة يعني من 2013 محدش قال حاجه عن 2015 وهل العيوب اتحلت ولا لا ،،،وهل الصاج وورق فعلا أنا بشوف عربيات الكبوت مطبق من فوق وبستغرب الموضوع هل فعلا هو ضعيف لدرجة أن لو حد قعد على العربية يطبقها ?? واسف للإطالة وربنا يهديك ويهدينا للخير

[khaledelhakim]

ايه يا شباب محدش عنده معلومات ولا ايه ،،، بجد الواحد محتار

[osamaos20022]

أولا عيب الفرامل مازال موجود ولم يحل ما تم حله هو مشكله ماستر الفرامل أما التيل والطنابير زي الزفت تخيل 3 طنابير غير الأصلي في 25 الف كم
الصاج أو سمناه صاج اصلا ورق
البويه زباله
وش العربيه ورق وأقل خبطه ه تسمع جوه