انا قررت ادافع عن الصنى الجديده بحياديه

[salam100100]

انا من ملاك الصنى 2015
معايا من شهر 9

ملاحظ هجوم على العربيه غريب , قوى جدا
فقررت ادافع عن الصنى الجديده بحياديه
يعنى: لما هواجه مشكله / عيب هبلغكو بيه
مش هدخل فى مناقشات على النت احاول اقنعك وتقنعنى
نفسى الصفحة دى تبقى موثوق فيها, الناس تدخل وتستفاد وتطلع معاها معلومه صح مش اشاعه

فبطالب لمن يوافقنى الرائ ومن ملاك السياره الحقيقيين:
الدخول ومشاركتهم بكل اللى بيعدو فيه من مشاكل / حلول / مميزات / اوبشنز مستخبيه منعرش عنها حاجة

نصيحة اخيره للى بيفكر يشترى العربيه: اسأل ملاك السياره (جار / قريب/ صديق) وقفنى وانا ماشى واسالنى المهم خد الاجابه من بؤ المالك من فضلكم متستسهلوش النت/ مش كل حاجة فى النت حقيقه
لو تعرف واحد يخليك تخد لفة بيها عشان تخد فكره عن العربيه يبقا تمام

[Islam Dolaify]

طب بما اني مقدم علي شراء العربية ممكن حضرتك تشرحلي تجربتك مع العربية بكل صراحة وايه المشاكل اللي ممكن تقابلك عشان اقدر اقيم الموضوع حسب احتياجاتي وامكانياتي
لاني للاسف معرفش حد جايبها فلو تقدر تفيدني ياريت
وشكرا ليك علي كل حال

[Ahmed Tarek 00]

ربنا يباركلك فيها

[osamaos20022]

علي فكره انا من الملاك للعربيه وعامل 25 الف كم وراكب غيرها 6 عربيات ولو تحب تسمع عربيه 2014 راحت التوكيل كام مره في سنة واحدة
لو تحب تقارن أداء الوكلاء المعتمدون لنيسان مصر ودي أكبر مشكله لأن نيسان ليس لها مراكز خدمة تتبعها بطريقة مباشرة
أو تعرف أن عربية تمنها 125 الف ومفيهاش فلتر تكييف علشان تشتري ب 250 جنيه وان فرش غطاء الشنطه ده من الكماليات
تحب اكمل

[osamaos20022]

ياريت كل ملاك العربية يعرفونا مختصر عن صيانة العربية حتي الآن

[salam100100]

علي فكره انا من الملاك للعربيه وعامل 25 الف كم وراكب غيرها 6 عربيات ولو تحب تسمع عربيه 2014 راحت التوكيل كام مره في سنة واحدة
لو تحب تقارن أداء الوكلاء المعتمدون لنيسان مصر ودي أكبر مشكله لأن نيسان ليس لها مراكز خدمة تتبعها بطريقة مباشرة
أو تعرف أن عربية تمنها 125 الف ومفيهاش فلتر تكييف علشان تشتري ب 250 جنيه وان فرش غطاء الشنطه ده من الكماليات
تحب اكمل

شكرا ليك يا Osama وهو دة المطلوب انك واحد من ملاك العربيه بتتكلم من وجه نظر مالك وخبره مع العربيه

يمكن انا فهمت ان حضرتك بتهاجم العربيه و اداء الوكيل وحاجات تنيه كتير
انا باستفاد من حضرتك , حضرتك عامل 25000 بالعربيه و انا عامل اقل من 5000
انا رحت التوكيل (السبع المعادى) مره واحدة صيانه 1000
كانت روتينيه زيت وفيلتر وكلبس طاسات العجل وتفعيل الانزار

تنصحنى بايه : احافظ على العربيه ازاى , اتجنب ايه , ايه المشكله الى انا مقبل عليها اخلى بالى منها؟

وشكرا ليك تانى على مشاركتك وخبرتك مع العربيه اللى احنا محتاجنها

[theblackpirate]

اول مشكله هتواجهك التيل والطنابير هتبدا تسمع صوت صفاره وطبعا دول حلهم انك تروح تشتكتى فى كل صيانه للتوكيل من ان الفرامل بتصفر حتى لو هى بتصفر عشان تعرف تغيرهم فى الضمان لما تحصلك المشكله اللى اكيد هتحصلك مع اختلاف الوقت

[hebashy]

حضرتك بدافع عن السيارة الزاى وانت بتستنى المشاكل من ملاك السيارات
اوﻻ احب اقول لحضرتك ان السيارة دة اتضحك علينا فيها ودة من التوكيل نفسة اقسم بالله
وثانيا احب اقول لحضرتك السيارة لم تمشى معك وعيوب السيارة الجميلة دلوقتى هتظهر بعد العشرين ويمكن اقل
ثالثا انا عامل بااسيارة 50000 بكلمك بمنتهى الصراحة
شكراً لك

[salam100100]

حضرتك بدافع عن السيارة الزاى وانت بتستنى المشاكل من ملاك السيارات
اوﻻ احب اقول لحضرتك ان السيارة دة اتضحك علينا فيها ودة من التوكيل نفسة اقسم بالله
وثانيا احب اقول لحضرتك السيارة لم تمشى معك وعيوب السيارة الجميلة دلوقتى هتظهر بعد العشرين ويمكن اقل
ثالثا انا عامل بااسيارة 50000 بكلمك بمنتهى الصراحة
شكراً لك

حضرتك بدافع عن السيارة الزاى وانت بتستنى المشاكل من ملاك السيارات ؟
انا مستنى المشاكل الحقيقيه وكيف تم حلها مع الملاك وليس سماع كلام متنطور من الناس مركبتش العربيه وتفتى وتطلع اشاعات وتكبر المشاكل وتشوه العربيه.

اوﻻ احب اقول لحضرتك ان السيارة دة اتضحك علينا فيها ودة من التوكيل نفسة اقسم بالله
ممكن توضح اكتر , يعنى مثلا قطع غيار مش متوفره , اسعار خياليه , معامله رديئه .......؟

وثانيا احب اقول لحضرتك السيارة لم تمشى معك وعيوب السيارة الجميلة دلوقتى هتظهر بعد العشرين ويمكن اقل
زى ايه : التيل والطنابير وايه تانى؟ هل الفتيس فى مشاكل؟ ........العفشه.............؟

انا حابب اخد خبرتكم من المشاكل وكيف تم معالجتها واكيد الصفحه ديه هتفيد ملاك تانين او ناس مقبلين على شراء العربيه.

شكرا لمشاركتكم واول معربيتى تظهر فيها عيب الصفاره بتاعت الفرامل هطلب مالتوكيل يكشف عليها.

[salam100100]

اول مشكله هتواجهك التيل والطنابير هتبدا تسمع صوت صفاره وطبعا دول حلهم انك تروح تشتكتى فى كل صيانه للتوكيل من ان الفرامل بتصفر حتى لو هى بتصفر عشان تعرف تغيرهم فى الضمان لما تحصلك المشكله اللى اكيد هتحصلك مع اختلاف الوقت

هل حضرتك من ملاك العربيه؟
لو نعم: احتاجت تغيرهم على كام؟
شكرا لمشاركت

[sama_Sama]

الكلمتين "أدافع" و "حيادية" لا يتفقان لأن "أدافع" معناها الإنحياز لصالح العربية،
"أناقش" أوقع لكن من أول بوست بيأكد أنك حضرتك فعلا هتدافع عنها، يبقى مافيش "حيادية"

[salam100100]

الكلمتين "أدافع" و "حيادية" لا يتفقان لأن "أدافع" معناها الإنحياز لصالح العربية،
"أناقش" أوقع لكن من أول بوست بيأكد أنك حضرتك فعلا هتدافع عنها، يبقى مافيش "حيادية"

اعرف ناس بتادفع عن الزمالك بحياديه
قدرت تفهمنى :)
بدافع وبقول اللى ليا وايه اللى عليا لكن بدافع بعقل مش بغشميه , بحاول اصلح من نفسى , بعترف بالعيب وبحاول اصلحه وبكدا اكون محايد

انا مش بقول العربيه مفيهاش غلطه
العربيه فيها عيوب
خلينا الملاك نذكرها وازاى تتحل (لو ينفع)
بكدا الصفحة تبقى ايجابيه

انا مش بمنع حد انه يهاجم العربيه المهم انه يكون من ملاك العربيه يقولنا عمل ايه وهيعمل ايه بكدا الحوار بيقا ايجابى مش واحد مش عجبه العربيه يرمى كلمتين ويمشى من غير ما يدينا سبب


والقارئ يقرر ويوزن الكلام هل يشترى العربيه ولا يخلص منها ويجيب غيرها

انا منحاز للعربيه وبدافع عنها بحياديه. مش بنكر ان فيها مشاكل مع اعضاء هنا فالمنتدى.