ايه عرض ال2.5 % على نيسان سنترا

[mazharsafwat]

هل فيه حد عنده معلومات عن عرض تقسيط النيسان سنترا فى المصرية اللى بتقول انه 2.5% ؟؟ هو فيه كده يا جماعة؟ مش اقل فائدة 10 و10.5 % وهل ده مثلا ينطبق على من يدفع 50% او 60% من السعر كمقدم؟؟ طبعا تتصل بيهم ماحدش يفيدك ابدا لكن يقولوا ليك شرفنا واحنا نتكلم فياريت لو هناك من يملك معلومة اكيدة لان نسبة الفايدة دى مش معقولة

[amr011111]

اعتقد بنسبه كبيرة ان هيقولك ان انت يبقى معاك تمن العربيه بالكامل وتعمل وديعه فى البنك ومن فوائد الوديعه تدفع القسط وعليهم 2.50 فى المائه كمان والله تعالى اعلى واعلم

[mazharsafwat]

اعتقد بنسبه كبيرة ان هيقولك ان انت يبقى معاك تمن العربيه بالكامل وتعمل وديعه فى البنك ومن فوائد الوديعه تدفع القسط وعليهم 2.50 فى المائه كمان والله تعالى اعلى واعلم

جايز برضه وبكده القسط على 5 سنوات لو الهاى لاين اللى ب175 الف هايكون 3281.25 فى الشهر وده كتير برضه

[ARKOON]

على حسب المقدم ولو تملك وديعة وشروط معينة تكاد لا تنطبق الا على كام واحد يعني من الاخر قسط اعمل حسابك على من 10 حتى 12 اقصى حد للفائدة .

[ARKOON]

وسؤال بعد اذنك اشمعنى سنترا ؟
اصلا انا كنت بدور في قسم نيسان على حد جاب سنترا وعامل موضوع وصادفني موضوعك : )

[mazharsafwat]

وسؤال بعد اذنك اشمعنى سنترا ؟
اصلا انا كنت بدور في قسم نيسان على حد جاب سنترا وعامل موضوع وصادفني موضوعك : )

شوف حضرتك لانها يابانى وفئة اعلى من الصنى واقل من القشقاى فهى فى مستوى السيراتو والالينترا وهناك من يفضل اليابانى فى هذه الفئة ومن كلام البعض فى المنتدى هى خارجيا تشدك لكن خاماتها فقيرة داخليا وهناك من يعيب عليها ذلك ولاتوجد معلومات عن اعتماديتها وقطع غيارها وتجارب القيادة للاعضاء لانها جديدة لذلك تجد التوكيل عامل عليها دعاية جامدة على موقع نيسان مصر واغرائات بالتقسيط وكده, واتمنى فعلا اى زميل يحكى لنا عن تجربته معها لو حتى عمل تيست درايف لان الفئة دى فيها كتييييييييييييييييير جدا فالسوق زحمة خالص وهى مش معبرة عن نفسها

[ARKOON]

ان شاء الله تكون من ملاكها وتعمل لنا تقرير جميل عنها : ) تحياتي .

[mazharsafwat]

ان شاء الله تكون من ملاكها وتعمل لنا تقرير جميل عنها : ) تحياتي .

شكرا يا فندم وتحياتى لحضرتك ,وننتظر ديسمبر ينتهى ونشوف يناير والسنة القادمة2015 ماذا تحمل , وستحمل الخير لمصر ان شاء الله

[hozayfa]

« نيسان » تدرس تجميع « سنترا » محلياً
وقال مراقبون بمجتمع السيارات، إن إقدام شركة « نيسان» ، على اتخاذ تلك الخطوة جاء بهدف العمل على زيادة حصتها السوقية من الوحدات الملاكى المباعة فى مصر، عبر تخفيض سعر بيع «سنترا» من خلال تجميعها فى مصر، خاصة مع نجاح «نيو صني» بشكلها الجديد. وسيعمل تجميع السيارة، التى كانت تستوردها نيسان من تايلاند، على تخفيض سعرها من 165 و175 ألف جنيه إلى 120 ألف جنيه، لتلافى التأثير السلبى الذى سيخلفه التخفيض الجمركى على السيارات أوروبية المنشأ.

http://www.alborsanews.com/2014/12/18/نيسان-تدرس-تجميع-سنترا-محلياً/

[mazharsafwat]

الحقيقة معاهم حق لان بصراحة مفيش فرق كبير بينها وبين النيو صنى حتى ولو تكنولوجيا مثلا كل الاختلاف ان واحدة 1500 والتانية 1600 واكبر شوية فى الابعاد ياريت يرحمونا شوية ويحسوا بالناس وبلاش فهلوة

[osamaesm]

عرض ال 2.5% موجود فعلا
بس تدفع 50% والباقي علي سنه
يعني الفئه الاولي ال 165000 تدفع 82500 وقسط شهري 7046 شهريا

[Mohamed.Ramah]

بعد ما شفت خامتها الداخلية اتفجأت بصراحة من سعرها شكلها الخارجى جميل وكل شىء لاكن لما قعدت فى العربية لاقيت انها اقل كثيراً من المتوقع انتريور لا يعبر عن الفئة ولا السعر !! فى بدائل كتير جداُ احسن العربية دة تنزل فى الفئة البتنافس فيها علشان تبيع كفاية خسارة التيدا هما مش بيتعلموا ولا اية !! من راى اعلى فئة متزيدش عن 150.000 علشان تعرف تبيع فى الفئة دة لانها مقتولة خاصة بعد سعر التيدا الغير مدروس من وجهة نظرى ..

[Gelgel2004]

التقسيط على سنة واحده 2.5 %
اما اكثر من سنة فبتبدا من 5 الى 8 %
على السنة

[1000 مبروك]

هل أكيد إنها ياباني
ممكن تكون تجميع صيني زي النيسان البلوبيرد