محتار ما بين نيسان قشقاى و بيجو ٣٠٠٨

[ahmed.mohy]

محتار ما بين نيسان قشقاى و بيجو ٣٠٠٨
انا عارف ان في قسم للمقارانات بس الافادة منه ضعيفة شوية بالذات من مالكي السيارتين
عشان كدة اضطريت اعمل كدة
طبعا انا نيساوي قديم وكنت حطط عيني علي القشقاي واتسنيت لما نزلت بس طبعا قلقت من الموتور
دا غير مواعيد الاستلام والاوفر برايس
فياريت تفيدوني

[mohaismail]

بص كعربية البيجو 3008 افضل وارخص اعلى فئة ب 229000 وده ميمنعش ان القشقاى هايلة بس انا شايف البيجو افضب
بس انا لو مكانك هشوف انهى عربية ارتفاعها عن الأرض اكبر واشتريها لان الطرق عندنا في الشرقية زفت
وللأسف انا لسه معرفتش الخلوص بتاع القشقاى الجديدة كام سم ولا البيجو 3008
وربنا يوفقك للافضل

[Mohamed.Ramah]

انا من راى طالما فى بديل بنفس السعر وحضرتك بتفاضلها ببيجو يبقى خليك فى 3008 من نفس الفئة + ال 508 لازم تركبها على الطبيعة وتقيمها بنفسك لانها تفرق عن الموديل السابق وهى فئة مختلفة تماماً عن البتقارنة بيها

[marwanragab]

اناي بصراحة اخترت القاشقاي الجديدة ودي انا عارف انها مغامرة بسبب الموتور الجديد ورحت حجزتها وقارنتها بالبيجو قبل ماعمل كدة بس البيجو معجبنيش شكلها ودة طبعا رأي شخصي وذوق مختلف ممكن يكون شكلها كويس بالنسبة لحضرتك الاوبشنز وكل حاجة في القاشقاي الجديدة موجودة ينقصها السنسور والكاميرا الخلفية طبعا موتور البيجو اقوي
مش عارف افيدك بس لازم تسوق الاتنين وتشوف الاداء بنفسك وتقرر انما الكلام هنا هيكون متفاوت بين كل الاعضاء لان القاشقاي لسة جديدة ومش متجربة فاعتقد اغلب اللي هيشتروا دلوقت هما المغامرين وربنا يوفقك للاختيار الصحيح ياباشا

[moataz.bahrawy]

اخي العزيز اتمني لك التوفيق في اختيارك وانا اتفق تماما مع الاخ مروان ولكن القي نظره علي السبورتاج ٢٠١٥

[eng-mohamed]

انا اتفق مع حضرتك القشقاي اشيك ومبروك مقدما يا باشا

[eng wael]

انا مقتنع بالبيجو ال3008 اكتر بسبب الموتور

[Nismo-Fan-84]

رأيي المتواضع إن النيسان تتفوق في استهلاك الوقود ووجود بعض الأوبشن اللي مش موجود في 3008 (زي مثبت السرعة)

3008 تتفوق في نسبة قوة الموتور إلى الوزن .. ومساحة الشنطة (512 لتر مقابل 430 لتر لقاشقاي)

لازم حضرتك تجرب تسوق الإتنين وتشوف ايهم مريحاك نفسيا أكتر .. واستجابتها مناسبة لطريقة سواقتك أكتر

[ENG.MaRk]

ال3008 نفس موتور ال508 و أنا بأمونها عادي 92 و حتي الآن مفيش مشاكل (الحمد لله) ... ال3008 163 hp و ده بكل الأحوال أحسن من القاشقاي ال115 !!!
تقريبا يعني القاشقاي مش هتقبل غير بنزين 95 و بعدين أصلا أعلي فئة قاشقاي أغلي من أعلي فئة بيجو و فرق الكماليات في صالح البيجو ... خليك في البيجو و الله الموفق :)

[john55]

بيجو

[خالد دياب]

راي الشخصي البيجو افضل ان شاء الله

[ahmed_e_elsawy]

اعتقد لو هتفكر على المدى البعيد نيسان أفضل اعادة بيع وقطع غيار ولقشقاي سمعتها حلوة وتقريبا أكتر كروس أفر موجودة والموتور الجديد استهلاكه رائع وتربوا عادي مالأكتفيا نازلة 1400 فجربها االاول وأحكم

[walid tageldine]

حعملكو مقارنة سريعة بين العربيتن بما أني عندي القشقاي ١٦٠٠ و عند اختي البيجو ٣٠٠٨
الموتور والسحب البيجو أفضل في التسارع و السحب بس الموتور صوته عالي و خشن شوية
القشقاي السحب عادي ومش بطة ووزة زي مالناس بتقول وبتجري بس التربو فارق في البيجو
البنزين ٩٢ في الاثنين شغال كويس مفيش مشاكل رغم ان العربيتين مكتوب علي غطاء التنك ٩٥
العزل كويس في الاتنين بس صوت الموتور واضح في البيجو القشقاي الموتور ناعم جدا و مالوش صوت
العفشة و دي نقطة مهمة البيجو نشفة و بتحس بكل نقرة في الطريق مقاس العجل مع الجنط بيعمل بلالين من المطبات العظيمة و لبسنا لغاية دلوقتي ٣ فرد سعر الفردة الأصلي ١٨٠٠ جم ماركة ميشلان
القشقاي العفشة نعمة وهادية
الثبات الاتنين حلوين جدا بور البيجو تقيل شوية عن القشقاي
الشنطة القشقاي صغيرة جدا ٣١٠ البيجو ٤٢٠ و فيها رفين وواسعة و تشيل
الصالون البيجو أفخم خصوصا الكونسول الأوسط الكراسي الامامية في البيجو مش مريحة اوي لان الكونسول عالي فبتحس انك محدد الإقامة في الكرسي الكنبة الي وراء واسعة و مريحة القشقاي أديق بس مريحة
البيجو التكييف متوسط الأداء و ده راجع لمساحة الزجاج الأمامي الكبيرة فبدخل الشمس علي رجلك طول الطريق
القشقاي التكييف قوي الاتنين تكييف اوتوماتيك وفي تلاجة في الدرج مساحات التخزين البيجو تكسب
الاوبشن ٣٠٠٨ تكسب
الرفراف في البيجو فبر مش صاج التوكيل وحش خصوصا فرع غمرة علمنا بيها حادثة صغيرة كلفت ١٢٠٠٠جم
اجمالا العربيتن حلوين وأفضل من الاسبورتج و الآي اكس ٣٥
الموضوع في الاخر يرجع انت بتحب أية السعر متقارب
أنا بفضل اليباني رغم ان البيجو موديل ٢٠١٣ عاملين بيها ٤٠٠٠٠ الف بدون مشاكل الحمد لله و القشقاي كذلك
وشكرا وأي استفسار أنا في الخدمة

[eng wael]

حعملكو مقارنة سريعة بين العربيتن بما أني عندي القشقاي ١٦٠٠ و عند اختي البيجو ٣٠٠٨
الموتور والسحب البيجو أفضل في التسارع و السحب بس الموتور صوته عالي و خشن شوية
القشقاي السحب عادي ومش بطة ووزة زي مالناس بتقول وبتجري بس التربو فارق في البيجو
البنزين ٩٢ في الاثنين شغال كويس مفيش مشاكل رغم ان العربيتين مكتوب علي غطاء التنك ٩٥
العزل كويس في الاتنين بس صوت الموتور واضح في البيجو القشقاي الموتور ناعم جدا و مالوش صوت
العفشة و دي نقطة مهمة البيجو نشفة و بتحس بكل نقرة في الطريق مقاس العجل مع الجنط بيعمل بلالين من المطبات العظيمة و لبسنا لغاية دلوقتي ٣ فرد سعر الفردة الأصلي ١٨٠٠ جم ماركة ميشلان
القشقاي العفشة نعمة وهادية
الثبات الاتنين حلوين جدا بور البيجو تقيل شوية عن القشقاي
الشنطة القشقاي صغيرة جدا ٣١٠ البيجو ٤٢٠ و فيها رفين وواسعة و تشيل
الصالون البيجو أفخم خصوصا الكونسول الأوسط الكراسي الامامية في البيجو مش مريحة اوي لان الكونسول عالي فبتحس انك محدد الإقامة في الكرسي الكنبة الي وراء واسعة و مريحة القشقاي أديق بس مريحة
البيجو التكييف متوسط الأداء و ده راجع لمساحة الزجاج الأمامي الكبيرة فبدخل الشمس علي رجلك طول الطريق
القشقاي التكييف قوي الاتنين تكييف اوتوماتيك وفي تلاجة في الدرج مساحات التخزين البيجو تكسب
الاوبشن ٣٠٠٨ تكسب
الرفراف في البيجو فبر مش صاج التوكيل وحش خصوصا فرع غمرة علمنا بيها حادثة صغيرة كلفت ١٢٠٠٠جم
اجمالا العربيتن حلوين وأفضل من الاسبورتج و الآي اكس ٣٥
الموضوع في الاخر يرجع انت بتحب أية السعر متقارب
أنا بفضل اليباني رغم ان البيجو موديل ٢٠١٣ عاملين بيها ٤٠٠٠٠ الف بدون مشاكل الحمد لله و القشقاي كذلك
وشكرا وأي استفسار أنا في الخدمة

انت راجل محترم وبرنس والمقارنه ممتازة وحياديه
تحياتى

[ahmed.mohy]

والله يا جماعة انا نفسي كنت اجربهم واعمل Test drive لكن غير متوفر الموضوع دة
مشعارف ازاي توكيلات غريبة واللي فقعني ان توكيل بيجو رغم ان العربية بقالها فترة نازلة ومع ذلك مش متوفر TEST DRIVE
طبعا القشقاي يقولك لسة نزلة ومفيش عربيات اصلا