بخصوص موتور القاشقاي الجديدة ...

[Nismo-Fan-84]

السلام عليكم ورحمة الله ...
أنا عارف إن ناس كتير قلقانة من موضوع إن موتور القاشقاي الجديدة 1200 سي سي بس .. عشان احنا اتعودنا على المواتير اللي السعة بتاعتها 1600 وانت طالع .
أحب أوضح نقطتين من واقع متابعتي لمنتجات نيسان:

1- نيسان عندها فئتين من العربيات الSUV/CUV الرياضية - الأولى فئة سيارات المدينة وده ينطبق على الجيوك و القاشقاي طبعا لانهم عربيات كروس مش 4x4 SUV حقيقي .. سياسة نيسان بتتجه نحو انتاج العربيات دي بمواتير صديقة للبيئة قادر الإمكان من حيث تقليل استهلاك الوقود وكمان الانبعاثات الضارة بالبيئة في العادم

الفئة الاعلى تشمل باثفايندر - إكس تريل و مورانو وانت طالع .. ودول بيكون فيهم مواتير أقوى واكبر لإنها مصممة لمهام مختلفة وخصوصا ال Offroading...

2- نيسان عندها فريق مهندسين تطوير عباقرة في قسم المواتير (خصوصا مجموعة NISMO) - أحد ابداعاتهم الأخيرة موتور 1500cc - وزنه 40kg بس ! - وينتج: ..... 400 حصان !!! ... آه نسيت أقول لكم انه موتور 3 سلندر تربو

الرابط :This tiny 1.5L engine from Nissan makes 400 horsepower

المقصود من كلامي : عدم التسرع في الحكم على العربية لحد مانجربها ونشوف أداء الموتور بتاعها هيكون عامل إيه - خصوصا انه بيوصل لأعلى عزم عند 2000rpm وأعلى قوة عند 4500rpm .. يعني ظروف القيادة داخل المدينة هتخلي اللي سايق يستفيد بقوة الموتور كويس جدا إن شاء الله...

والله أعلم ...
(ملحوظة: أرجو معذرتي لو أسلوبي ركيك شوية لأن ده أول موضوع اكتبه - وشكرا)

[ENG.MaRk]

نستني و نشوف بس أنا عامة مختلف مع حضرتك في الرأي :)

[ali ashraf]

محركات التربو

محركات التربو اهم مميزاتها صغر الحجم و الوزن و اعطاء عزم قوى يعنى المحرك 1200 سى سى يعطى قوة تعادل 1600 سى سى من العادى (مثلا), فى المقابل معامل الأنضغاط للمحرك عالى و ده معناه يفضل أستخدام بنزين 95 للحصول على أفضل أداء , أيضا معامل أنضغاط عالى معناه تعرض أجزاء المحرك لحرارة و جهد عاليين و ده معناه عمر قصير للمحرك ( و بالمناسبة ده مش عيب فى المحرك....ده نمط أستهلاكى يعنى مصمم لعمر قصير).....أخيرا يا ريت تدخلوا على مشاركة معلومات تهمك عن محركات التربو

[marwanragab]

تسلم ايدك علي المعلومات م/ احمد تقرير جميل والايام اللي جاية هتوضح كل حاجة بعد تجربة السيارة في ظروف البيئة المصرية

[ramykimo]

فى اى ججديد بخصوص ما ذكر اعلاه؟

[NaderNabil]

مافيش شك إطلاقا ان الموتور ال1200 التربو هايكون ضعيف بالعكس انا متأكد انه يتفوق على معظم ال1600 الna اللي في السوق

كل الخوف من قابليته لاستخدام بنزين 92 فقط لا غير

[Omar_4ever]

كلام جميل ومفيش اي شك ان الموتور هيبقى تمام

لكن المشكلة في البنزين الجميل بتاعنا

شئ مفروغ منه ان الموتور ده عشان يطلع كل قوته عايز بنزين 95 ولو اتحطله 92 هيشتغل بأداء كويس برضه

لكن المصيبة ان بنزيننا ال 92 مش 92 اصلا

كلها كام شهر وهنشوف ظهر مشاكل ولا لأ

[mohaismail]

هي الخلوص بتاعها عن الأرض كام سم ؟

[عم جحا]

هي الخلوص بتاعها عن الأرض كام سم ؟

الخلوص بتاع السيارة نيسان قاشقاى ٢٠١٥ حسبما هو مدون بمواصفاتها ١٨ سنتيميتر ، ووزنها ١٣٣١ كيلو جرام ، والقدرة القصوى ١١٧ حصان عند عدد لفات موتور ٤٥٠٠ لفة rpm ،والعزم الأقصى ١٩٠ نيوتن على المتر عند عدد لفات موتور ٢٠٠٠ rpm ، وهذا كله باستخدام بنزين ٩٢ أوكتين (حسبما هو مدون ببيان مواصفاتها الصادر من التوكيل).

[ramykimo]

Dear Mr Kamal,

Thank you for contacting Nissan Customer Services.


The grade of fuel necessary is specific to the vehicle, the answer I gave you previously was for a J10 Qashqai, if your vehicle is a more recent J11, then the recommendation is 91 RON minimun.

Please feel free to contact us on: 01923 899 334 with any further enquiries, or alternatively visit our website at: Nissan city cars, electric cars, crossovers, sports cars and other vehicles.

Kind Regards,

Darragh

Nissan Customer Service GB
Opening Hours Mon - Fri: 08.00 - 20.00, Sat: 0800 - 14.00
Tel: 01923 899334
E-mail: gb@nissan-services.eu
Web: www.nissan.co.uk

[soltanfriend]

هو موتور طفرة من نيسان بس لو هانتكلم بحكمة شوية فرضا ان الموتور دا 1600 ومش تربو وبيدى برضه ال117 حصان كان هايبقى كويس ؟؟
فى رأيي لأ ومع احترامى صاحبى معاه الix35 (وانا بطلع منه بسهولة جدا بالانترا 2015) كنا بنشد مع قشقاى القديمة غير ان صوت عربيته كان عالى جدا احنا عديناه بسهولة على 110 يعنى مش على سرعه عالية كمان
هييجى حد ويقولى ماهو احنا مش بنشد ونسابق طول الوقت فهاقول لحضرتك كل ما كان الموتور اقوى كل ما انت بتدوس على دواسة البنزين ضغطه اقل علشان توصل لسرعتك المطلوبة ودا طبعا بيوفر اكتر فى البنزين ويطول فى عمر الموتور

[hugan]

القشقاي الجديد ه للاسف هاتفشل فشل كبير
بعد نجاحها

[ramykimo]

القشقاي الجديد ه للاسف هاتفشل فشل كبير
بعد نجاحها

ياتقول كلام في محله يا تقول حلو ياحلو

[hugan]

ياتقول كلام في محله يا تقول حلو ياحلو

ههههههههه

[NaderNabil]

على اساس ايه هاتفشل؟