أرجو الرد من ملاك الصني الشكل القديم

[احمد عامر محمد]

السلام عليكم
أنا معايا صني 2015 الشكل القديم و العربية بتحدف شمال علطول ,,, وأنا بسافر بيها وده خطر جدا ,
المهم ناس كتير اتكلمت عن الموضوع ده بس مش عارف وصلوا ل حل إيه
ضغط الهوا مظبوط ,, الزواية مظبوطة,, العربية عاملة 4500km ,,,,,التوكيل لا يعترف بالمشكله ,,,
رحت للتوكيل قال ضغط كوتش سبتهم ومشيت ,, قلت هيبقى موجود هنا الحل ,,,, أرجو المساعده ولو فيه توكيل يعترف بالمشكله يا ريت اعرفه ..

[abdullahibrahe]

طيب ما تجرب تعملها ظبط زوايا وترصيص .. ؟

[احمد عامر محمد]

طيب ما تجرب تعملها ظبط زوايا وترصيص .. ؟

أولا شكرا للرد

ثانيا العربيه مش بترعش خالص مش محتاجة ترصيص(وأنا أصلا كنت مرصص قبل كده ) ,,, والزوايا تمام ,, هو عيب فيها ,,,, بس معرفش ليه الأعضاء مش بيتكلموا عليه دلوقتي ,,, فـلو ليه حل يا ريت يفدوني

[kaza]

بدل العجل الامامي بالخلفي او لسة المشكلة موجودة اكشف زوايا

[khaled_samy82]

انا الحوار دة حصل معايا فى عربيتى و كان عيب كاوتش جرب غير الكاوتش

[احمد عامر محمد]

بدل العجل الامامي بالخلفي او لسة المشكلة موجودة اكشف زوايا

شكرا لرد حضرتك
العربية عاملة 4500km العجل ملحقش يحصلوا حاجة
http://www.nilemotors.net/Nile/274550-a-4.html ومن الموضوع ده عرفت إن المشكلة منتشرة ومحدش قال العجل ,,, ومعرفتش اوصل ل حل ,,, طيب هو لو العجل هتبقى كل العربيات عندها العجلة اللي قدام فيها حاجة !!!
وأنا كنت ظبط ذوايا عند اسرافكو و قال معظم الصني بيحدف شمال وده عيب فيها ,,وكانت الزوايا مظبوطة

[احمد عامر محمد]

انا الحوار دة حصل معايا فى عربيتى و كان عيب كاوتش جرب غير الكاوتش

شكرا للرد بس عايز اسال حضرتك
هي عربية حضرتك صني ؟
وغيرت العجل على كام كيلو ؟
حضرتك تقصد تبدل العجل أكيد مش شراء عجل جديد

[احمد عامر محمد]

انا شايف ان المشاهدات كترت و مفيش مشاركات .... مع انني مش اول واحد اشتكي من الموضوع ده..... اللي كانت عنده المشكلة ديه و حلها الحمد لله يا رييت يفيدني

[khaled_samy82]

شكرا للرد بس عايز اسال حضرتك
هي عربية حضرتك صني ؟
وغيرت العجل على كام كيلو ؟
حضرتك تقصد تبدل العجل أكيد مش شراء عجل جديد

كانت عربية افيو و كان الدريكسيون بيحدف جامد شمال لوحدة و طلع عيب كاوتش فجيبت الورا قدام اتظبطت

[mostafagaber]

متابع

[moumen_hs]

اكشف على سوستة العربية الشمال وممكن تتاكد بنفسك قيس بمزورة او متر من اول شفة الرفرف حتى منتصف الكاوتش بالملى عند علامة نيسان الى فى الطاسة من الجانبين او الى الارض بس طبعا على الاسفلت يكون مستوى لو الشمال اقل تيقى محتاج تغيى السوستة فى الضمان ودة عيب شائع او علية كاوتش لا احبزة

[dya2008]

رحت اوتو ايجبت قالوا عملوا من بنها و محدش عرف يجاوب
مودرن موتورز الدقي المهندس عبد الباقي قال لي الحل المصري البسيط الفعال بدل ما تلف حوالين نفسك و مش هتاخد حقك

زود ضغط العجلة الامامية شمال رقم واحد زيادة عن ضغط اليمين

[احمد عامر محمد]

اكشف على سوستة العربية الشمال وممكن تتاكد بنفسك قيس بمزورة او متر من اول شفة الرفرف حتى منتصف الكاوتش بالملى عند علامة نيسان الى فى الطاسة من الجانبين او الى الارض بس طبعا على الاسفلت يكون مستوى لو الشمال اقل تيقى محتاج تغيى السوستة فى الضمان ودة عيب شائع او علية كاوتش لا احبزة

والله أنا مش عارف اعمل إيه مع التوكيل ,, بيقول العربيه مفهاش حاجة ,,, حضرتك أنا الدركسيون عندي بيبقى في ال نص بظبط والعربيه بتحدف ,, فكل شويه ارجعها ,, حاجة رخمة ,,,, ياريت التوكيل يقول الحل فين حتى لو أنا اللي هدفع

[احمد عامر محمد]

رحت اوتو ايجبت قالوا عملوا من بنها و محدش عرف يجاوب
مودرن موتورز الدقي المهندس عبد الباقي قال لي الحل المصري البسيط الفعال بدل ما تلف حوالين نفسك و مش هتاخد حقك

زود ضغط العجلة الامامية شمال رقم واحد زيادة عن ضغط اليمين

حسبي الله ونعم الوكيل ,,,,
و معتقدش إن ده هيظبطها برده ,, المشكلة إن أنا جايب العربية علشان بسافر السويس بيها كل أسبوع و اكيد حضرتك عارف الطريق عامل إزاي ,,, الواحد شكله هيبيع العربيه

http://www.nilemotors.net/Nile/images/smilies/crying1.gif

[memo_p910]

جنط او كاوتش بدل اليمين مكان الشمال وشوف كده