اول مره suv نيسان....بسم الله

[samakaerror]

اعضاء المنتدى الكرام اعضاء قسم نيسان الاعزاء ... الحمد لله ربنا يسر لي الحال و تم شراء سياره قشقاي 2014 كسر زيرو عامله 20 الف كيلو و حالتها و الحمد لله إلى الأن تمام... المهم..بما اني طالع من سيدان و هاتش باك ...و كله كان مواتير 1.5 و 1.6 و جري و فرك و كده فا طبعآ لما اركب عربيه بالحجم ده مع موتور 1.6 احساسي بأداء الموتور مش هايكون عاجبني و هاكون محتاج اعدل اي حاجه بحيث ان استعداد الموتور و سرعة استجابته و سرعة انطلاقه و سهولة المراوغه بيه تطلع و تتحسن...فا هل حد جرب حاجه قبل كده ؟؟

و يلا بينا ننافش و نتفاعل و نفيد بعض

[tatasamy]

ألف مبروك وربنا يباركلك فيها...
المهم أخبار الأسعار ايه بعد اشتعال سوق السيارات المستعملة والجديدة طبعاّ! يا ريت تقولنا جبتها على كام؟

موضوع الموتور ده أنا مافهمش فيه الصراحة...بس حضرتك عاوز تعدل الموتور ولا ايه بالظبط؟ ازاي تغير اداء الموتور والفتيس؟
ياريت توضحلنا والأعضاء تشارك وتقولنا ايه الأخبار

[samakaerror]

يعني 217 مشاهده و عضو واحد رد بسؤال كمان .... طيب يا أ tatasamy العربيه سعرها عالي فعلا بس الحمد لله على كل شئ ... المهم ... روحت لورشة تعديل محترمه في اكتوبر و اتضح اني عشان اعدل حاجه فالعربيه عشان اعلي كفائة الموتور هاضطر اعمل حاجات كتير شويه ... خليني احوش و اقوم بالمحاوله و اكيد هانقل تجربتي هنا