هل السنترا ممكن تبيع بعد الخصم

[mhkorayem]

في كلام ان النهارده نزل خصم جديد على السينترا عشان يكون الخصم على العربيه 10.000 جنيه بدل من 5.000 جنيه
يعني اول فئه هتبقى بـ 155.000 جنيه بدل 165.000 جنيه
وتاني فئه هتكون بـ 165.000 جنيه بدل من 175.000 جنيه
هل بعد الخصم ده العربيه دي ممكن تبيع ويبقى لها مكان في السوق ولا لأ ؟؟؟؟؟
أعتقد ان مشكله العربيه دي في التكيف البكر اللي نازل فيها ولو نزلت بالتكييف التاتش ممكن الناس تبدأ تعجب بيها ويبقاليها مكان وخاصه بعد الاسعار الجديدة

إيه رايكم ؟؟؟؟

[ahmedamgad18]

ممكن سؤال بيحيرنى .... هو السنترا تقفيل مصرى ؟

[hotmail]

انا معاك العربيه مشكلتها في التكييف البكر لكن المشكله ليست في النيسان كعربيه المشكله في التوكيل من صيانه و قطع غيار مضروبه احيانا (حصل معايا في المساعدين ) على العموم التيدا شكلها احلى بكثير غلى فكرة السينترا تايلاندي على ما اعتقد

[shifoo68]

المشكلة أن العربية فقيرة اوى من جوة بالرغم من الكبر والمساحة دى كلها مع شكل تايلور عقيم ومفتاح تكييف مضى علية الزمن وشكلة مبوظ التابلو بالمقارنة بالكورى اتفرج على السيراتو والكروز والريو والالنترا شوف الصالون عامل ازاى وحتى الصينى مفتاح التكييف يجنن والعربية تايلاند مش يابانى يعنى المفروض تنزل أحلى من كدة والدليل كمان كورولا 2013 شوف كانت ازاى وكورولا 2015 الجديدة حاجة تانية خالص جوة وبرة وعلشان كدة مصر هاجمت عليها ولكن السنترا مبيعاتها حتفضل ضعيفة وخصوصا لو بالسعر دة فى بدائل حلوة وشكلها حلو دة النيو صينى أحلى منها وبالأخص السوبر صالون مفتاح التكييف ديجيتال وأرخص فى السعر

[mhkorayem]

ممكن سؤال بيحيرنى .... هو السنترا تقفيل مصرى ؟

السنترا تايلاندي

[احمد فهمى]

للأسف انا ركبت اعلي فئه فى التوكيل وفقيره جدآ من الداخلدى لو فيها شوية كماليات كانت اكتسحت ﻷن بالحجم ده ويابانى وشكل جديد تكسب وبمقارنة بالمثيل من سيراتو وكرولا وايلانترا بالنسبه للسنترا فى الكماليات كأنهم bmw والناس حاليآ بتسأل على كل كماليه لوحدها يعنى البلوتوث اصبح كماليه والسينسور والزينون الخ اعتقد الوكيل كان نزلها بكماليات بدل ما يرخصها ﻷن سبب عدم البيع قلة الامكانيات مش السعر

[dreslam]

هي بتنزل الفئه دي في الخليج وبتبيع.العربيه فيها ستارت انجين وكي ليس انتري وفوانيس ليدات وطاره ملتي وسنسور خلفي كمالياتها تساوي اللانسر الشارك الهايلاين مع زياده الليدات في الفوانيس.الخامات عاليه والوسع عالي اما التكييف اللي ببكر.فيه تكييفات تاتش مش بتيجي نص اداؤه.اعلى تكييف بالاضافه لفتحات خلفيه.خامات الفرش عاليه والكراسي مريحه بزياده.وسع الشنطه مالوش حل وكمان اتساع الصالون الكبير.اما العزل فافتح العربيه وشوف اهتمام المصنع بالعزل قد ايه العربيه عزلها عالي جدا جدا.فيتيس وموتور الجوك والقشقاي والفلوانس.فيه خاصيه sport بتخلي العربيه طلقه الحقيقه.اتزان رائع وفرامل استجابتها عاليه جدا تطمنك.العربيه حتبيع وحتنتشر بالتدريج وخليكو فاكرين الياريس عملت ايه في الاول.الكلام طبعا على انهم حيقفلوها في مصر من السنه الجايه واكيد الخامات الغاليه دي حتقل جدا.اما البلوتوث والجي بي اس من الشهر الجاي حيركب في التوكيل والعربيه مجهزه بالمايك بتاعه.الكلام ده كله طبعا عن فئه الهايلاين

[mhkorayem]

نيسان اعلنت عن العرض على السنترا بشكل رسمي من شويه
رايكم ايه بقى يا شباب هل العربيه دي ممكن تبيع ولا ايه ؟؟؟

[Hosam_Optrawy]

مشكلة السوق بتاعنا ان لما عربيه بتنزل غاليه ومابتبيعش في الأول ، صعب جدا تنتشر بعد كدا حتى لو رخصت ، ودا حصل في عربيات كتير

لو خلينا الكلام دا على جنب وفكرنا مثلا اللى يفكر في السنترا اللى ب 165 ممكن يجيب ايه بدالها ؟ اعتقد ان المعظم هايفضل عليها الفلوونس المتجربه والمنتشره الفتره اللى فاتت وعليها تخفيض هي كمان وطبعا أشيك وأحلى وبنفس الفتيس والموتور والتقفيل تركى مش تايلاندى يبقى هايختار مين ؟

دا غير البدائيل التانيه اللى ليهم محبينهم زى النترا وسيراتو وكروز

[mhkorayem]

اعتقد الوكيل المفروض ينزل التكييف التاتش زي التيدا لأن بيخلي شكل العربيه احلى كتييير وده ممكن يزود شويه في المبيعات
ويحاول يثبت السعر بتاع الخصم ده فتره طويله عشان تبدأ تبيع شويه ويبقالها سوق
غير اني حاسس ان الوكيل محتاج يركز شويه الدعايا على السنترا والتيدا بشكل اكبر عشان الناس تبدأ تتعرف عليها أكتر من كده

[هيثم عابدين]

أنا شايف إمكانيات السنترا من اجمل الإمكانيات في السعر ده بالاضافة الي مراعاه سعر أعاده البيع و الأداء المتميز علي الأقل لمده خمس سنين بعد الشراء و الفليونس عربيه ممتازة بس قطع الغيار و سعر أعاده البيع بالاضافة الي تكاليف الصيانه المرتفعة قللت انتشارها

[eeee123]

مساء الخير انا شايف سنترا بدأت تتشاف انا شوفت اربعه النهارده في الجيزه

[mhkorayem]

مساء الخير انا شايف سنترا بدأت تتشاف انا شوفت اربعه النهارده في الجيزه

أنا برضوا بدأت أشوفها هي والتيدا
بس لو الوكيل اشتغل على العربيتين دول شويه أكتر ممكن يحققوا مبيعات أعلى كتيير عن كده

[Abdulrahman M]

اعتقد الوكيل المفروض ينزل التكييف التاتش زي التيدا لأن بيخلي شكل العربيه احلى كتييير وده ممكن يزود شويه في المبيعات
ويحاول يثبت السعر بتاع الخصم ده فتره طويله عشان تبدأ تبيع شويه ويبقالها سوق
غير اني حاسس ان الوكيل محتاج يركز شويه الدعايا على السنترا والتيدا بشكل اكبر عشان الناس تبدأ تتعرف عليها أكتر من كده

[mhkorayem]

الناس اللي راحت معرض اوتوماك فورميلا
ايه الاخبار وهل العرض على السنترا لسه موجود ولا انتهى ؟؟