حادث النيو صنى و التأمين

[سعد المحمدى]

[url=http://nileup.com/up/][img]http://nileup.com/up/uploads/nilemotors_142652588



الحمد لله الى لا يحمد على مكروه سواه

اول امس حصل حادث غريب بالنيو صنى 2014
لسة خارج من الكمين فى البحر الاحمر مفيش 150 متر لقيت العربية بتحدف يمين و شمال بسرعة جداَ
سرعتى لم تتجاوز 60 كم لقصر المسافة !
من الصدمة دوست فرامل و طلعت الرصيف و دخلت في سمل اسمنتى و عمود
العربية اتدمرت خاصة ان المقايسة بتاعة التوكيل مبدئياً 111500 جنيه، يعنى اقل من تمنها جيدة ب 3500 جنيه، يا بلاش،،
المهم دلوقتى العربية متأمن عليها فى مصر للتامين،
و انا شارى العربية بتوكيل؟
هل الشيك هيطلع باسمى؟
خاصة انها شكلها هتبقى توتال لوس لان الخبرا بتوع التأمين اكيد مش هيقدروا ينزلو المبلغ بتاع التصليح ده للنصف !
بصراحة مندوب مصر للتأمين فى المصرية للسيارات انسان متعاون لابعد الحدود و بيحاول يخدم لاقصى درجة
و مهندس التوكيل برضه فهمنى بعض النقاط
لكن سؤالي
الشيك يطلع لمين
خاصة ان المحضر باسمى لانى شارى بتوكيل بيع؟؟
كمان سؤال
اانا عملت الاخطار و المحضر فى نفس اليوم و نزلت العربية للتوكيل، اجراءات الخبرا و القرار و صرف الشيك تحتاج وقت اد ايه؟
طبعا انا انكتب لى عمر جديد ، و لحد اللحظة دى مش عارف انا دست على حجر ولا الكاوتش ضرب ولا المقص بتاع العربية فصل ام ان الدركسيون فصل من التحكم بالاطارات لانى كنت ماسك الدريكسيون و رغم كدة العربية كانت بتحدف يمين و شمال، و يا ترى لو كان فى مشكلة فى العربية التوكيل هيصرح لى ايه اللى حصل
اخر حاجة
العربية اتخبطت من تحت و الزجاج و القوايم و البابين و الموتور و الفتيس و زحفت على جنبها و الاير باج مفتحش، علما انى عمرى ما بسوق من غير حزام الامان؟؟
ازاى يبقى الايرباج للتصادم فقط فى الاكصدام؟
قدر الله و ما شاء فعل و الحمد لله على نعمة الحياه.

[aymanshebl]

الف سلامة ميتفعش معاها التصليح

[john55]

الحمد لله انك بخير

[moumen_hs]

حاول مع الى اشتريت منة يعملك توكيل موجة لشركة التامين لصرف الشيك أو المستحقات المالية عنة وأسال بردوا مندوب التامين بتاع النعرض فى الموضوع دة لان شريكات التامبن بتتلكك فى أى حاجة والحمد للة أن لربنا ستر

[hon]

لاحول ولا قوة الا بالله
حمد لله على سلامة حضرتك ويرزقك بافضل منها امين
وبكرر لا تعليق على النيو صنى

[walidzakzok]

لو انت شاري بتوكيل وصاحب العربية ماراحش معاك شركة التامين وقت البيع ونقل التامين باسمك يبقى انت لاتستحق التعويض وفي الحالة دي صاحب العربية القديم هو اللي الحق فى التعويض لو كان هو اللي سايق.............. اتاكد واسال لانهم كدة مش هايدفعوا حاجة على قدر معلوماتي. وربنا يعوض عليك

[د.هشام]

حادثة غريبة جدا، تحس أن حاجة وقعت على العربية من فوق، مش عربية مقلوبة
وسبب الحادثة أغرب!
الحمد لله على سلامتك، دى حادثة موت وفداك أي حاجة

[سعد المحمدى]

http://nileup.com/up/uploads/nilemotors_14265258811.jpg

دى صورة تانية من الناحية التانية
شكرا جدا على الردود
الحمد لله على نعمة الحياه

بس تانى بأكد ان الحادث حصل فى لحظة و مستغرب لانى مش لاقى لغاية دلوقت تفسير حصل ازاى
و ده اللى بيأكد لى ان فى مشكلة فى التصنيع
مفيش حاجة وقعت من فوق
العربية زحفت على جنبها و اصطدمت بعمود

[meka1990]

محامي هينجزلك الدنيا كتير عشان شركان التامين حواراتهم ملهاش اول من اخر في محامين متخصصين في موضوع التامينات و احمد ربنا ان العربيه متامن عليها في مصر للتامين هيتعبوك شويه بس هيدفعوا في الاخر في شركات تانيه نصب عيني عينك

[Ahmed Lotfy]

1000 حمد لله علي سلامتك وقدر الله وما شاء فعل

[احمد فهمى]

الحمد لله على السلامه طبعآ يكاد يكون مستحيل التوكيل يقول لك سبب العيب او كلية هندسة والمهم ان العربيه مؤمنه وبتوكيلك بتنقل وثيقة التآمية بأسمك وبتدفع 300 جنيه تقريبآ عشان الشيك يطلع بأسمك والموضوع مش هيطول ان شاء الله ﻷنهم بساخدو العربيات الجديده يبيعوها لحسابهم ودي رغم المنظر ده هتتصلح عادي وتك ن من نصيب واحد تاني وهيخصمو من الميلغ المؤمن به نسبة هالك على سنين الاستخدام وتاخد الفلوس ان شاء الله ومتشتريش صني تانى بس المهم تتابع معاهم وتتعرف علي حد من جوه الشركه يسرع لك الاجراء

[ahmedamgad18]

قدر الله وما شاء فعل ... حمد الله على السلامة
نفس الحادث تقريبا فى مواصفاته حدث مع حماتى بنفس السيارة وكانت موديل 2013 .... وكانت وهى داخلة شارع عشان تركن برضه نفس اللى شعرت به ان السيارة حدفت يمين وشمال وطلعت بعد كده على الرصيف .... وكان فى ناس واقفين جنب السيارة وهى بتركن عند حدوث الحادث واكدوا لنا ان العجل اليمين خرجت عن مسارها ( بمعنى ان الكوبلن اتكسر او انفصل علن العجلة ) فاصبحت العجلة فى اتجاه وباقى السيارة فى الاتجاه الثانى .... طبعا حماتى من الخضة داست بنزبن بدل فرامل فطلعت فوق الرصيف فزود ذلك كمية الاشياء المحطمة فى السيارة .... وذهبنا بها للتوكيل ولم ناخذ حق او باطل معاهم ...... مع العلم ان السيارة كانت بيومين فى التوكيل والشكوى كانت ن ناحية العجلة اليمين برضه ..... العربية اتصلحت والتامين دفع 70 % من قيمة الاصلاح وبعد كده بعنا السيارة ...

لحد الان هذه السيارة وشكوى الكثير منها اصبحت مسار ازعاج ومع ذلك الشركة مصصمة تنزل بالسيارة ديه تانى ... بتغيير الشكل الامامى ....... طيب مش يصلحوا الموديلات الكارثية اللى قبل كده ..

حمد الله على السلامة وقدر الله ما شاء فعل

[dr_ashrof]

العربية طبعا توتال لوس بس المشكلة دلوقتي ان لازم صاحب الوثيقة كان يعملك تنازل عنها في مصر للتامين وده محصلش. قدامك حلين ياتلغي كل اللي عملته وتتعامل من الاول على ان صاحبها هو اللي ساقها وعمل الحادثة والشيك يطلع باسمه او تلغي اللي عملته والراجل يروح يتنازلك عن الوثيقة وبعدها تعمل محضر بتاريخ جديد ان الحادثة لسة حاصلة وانا عملت كدة من سنة وعدت الحمد لله وياريت تكلمني افهمك 01225333564

[dr_ashrof]

انما كدة مش عارف هيعترفوا بيك انك تسوق العربية بس بناء عن التوكيل ويطلعوا الشيك باسمه او ممكن يقولك العربية كدة اتباعت والثيقة متنقلتش فيرفضوا التعويض في في اخر خطوة

[hatahet]

بص يا باشا الحمد لله انك سليم و طلعت منها على خير
انا كنت عملت حادثة قبل كدا و عندى خبرة شوية فى المعاملة مع التامين
اول حاجه انت لازم تعمل محضر باللى حصل لان دا بيكمل اوراق عربيتك فى الشركة بتاعة التامين
تانى حاجة بتاخد مقايسة التوكيل و تطلع بيها لشركة التامين
و هناك يحددولك معاد هيروح واحد خبير ميكانيكى فى عريتك و يروح التوكيل معاك يراجعوا على المقايسة و تحديد اعمال الصيانة بالظبط
و انت لازم تكون موجود فى اليوم دا عشان مفيش حاجة تطبخ كدا ولا كدا
بعد كدا الشركة بتاعة التامين بتراجع ورق العربية و تكاليف الصيانة و بتسالك العربية هتكلف كذا و نسبة تحملك فى الموضوع كذا نبدا فى الاصلاح ولا ايه فانت هتوافق بناء على اللى هيقولوهولك
و بعد كدا بتستنى عربيتك تتصلح ان شاء الله
و بعد كدا بتشوف مع التامين مين فيكم هحاسب التوكيل الاول
لان انا حصل معايا انى حاسبت التامين و بعد كدا وديت الفاتورة للتوكيل هما بعتولى شيك بالفلوص مخصوم منها المصاريف الاداريه
و تم بحمد الله
و الخمد لله على سلمتك و على كل حال
و انا ملاحظ ان العربيه مش توتال لوس ولا حاجه هى شكلها صعب اه لكن ان شاء الله بسيطه و ربنا يعينك