محتار ومش مصدق ان التوكيل بالضعف دا

[watzmann]

السلام عليكم ,

عربيتى صنى 2010 اتوماتيك , مشكله محبرانى من فترة كبيرة

ابقى ماشى بالعربية القيها فجاة عايزا تبطل و متبطلش ,وبعدين لمبة موتور الصفرا بتنور ..... بيحصل اكتر فى الجو الحر او بعد ممشى مشاور طويل وابطل واجى امشى تانى .

روحت التوكيل كل مرة يكشفو ويقولو مفيش اى حاجه , ينضفو بوابة الانجيكشن ويقولو مش هتحصل تانى وتحصل


حد عنده فكرة فى ايه ؟

[bluemail]

عليكم السلام
حساس بوابه او بوجيهات عاوزه تتغير
والله اعلى واعلم

[watzmann]

انا فعلا غيرت البوجيهات بس لسا المشكله و كشفت على البطاريه وقالو ممتازة

[akmm]

ممكن فلتر البنزين ..............

[watzmann]

طيب انا اعرف ان الفلتر راكب فى الطلمبة ..... ايه اللى ممكن اعمله ؟ هل دا بيتنضف ؟

[Eslam Helal]

في الغالب هيكون بوجيهاات عاوزه تتغير
لأنهم نظفوا بوابه الانجكشن ع كلام حضرتك والمشكله متحلتش
ف حضرتك غير البوجيهات وشوف انا كان عندي نفس المشكله تقريبا ف الكرولا 2008 اوتوماتيك كانت بتبقا مموره واحس انها عاوزه تبطل وكهربه العربيه تضعف غيرت البطاريه والبوجيهات وسيوور ظبطت الدنيا وغير فلتر البنزين لو مكنتش غيرته
هو بيتغير كل 80.000 كيلو ف بعض العربيات وف بعضهم 40 الف .

[Ahmed Lotfy]

حضرتك روحت انهي توكيل

[Drsmash]

والدي معاه تيدا 2010 حصلت معاه المشكلة ده غير بوجيهات و الراجل اللي غيرله البوجيهات قاله اللي غسل الماتور دخل ميه في البوجيهات و العربية كركرت علي السرعة البطيئة المهم حرق بيها لحد لما بخر الميه اللي البوجيهات و العربية اتطبطتت

[watzmann]

انا بروح توكيل مودرن موتورز الدقى

[drxman]

احتمال حساس الكامة او الكرنك
روح مودرن ابورواش

[Moh. Elnagar]

غير ضفيرة الكهرباء

[mo7a_mo7a]

فلتر البنزين

[borio1704]

حاول تفتكر إذا كانت المشكلة دي ظهرت بعد تفويلة بنزين ولا ﻷ.

احتمال كبير يكون عندك مية في التنك.

[tatasamy]

بص ياسيدي

ذي ما السادة الأفاضل قالوا الموضوع متعلق بالبوجيهات والانجيكشن من الآخر

لو حضرتك غيرت البوجيهات ونظفت بوابات الانجكشن، عليك بقى بالانجكشن كلينر بتاع ليكو مولي...أيوه فعلا وعن تجربة ممكن بسهولة شديدة جدا انه يحللك المشكلة وبأقل التكاليف

حضرتك تشتري عبوه تضيفها على تنك البنزين المفول من بنزينة نضيفة، وجرب لغاية ما التنك يخلص وشوف النتيجة ايه...كان في نفس المشكلة مع أحد الأصدقاء والمشكلة اتحلت في النهاية وبعد تكاليف ضخمة في البوجيهات والبطارية والانجكشن.

جرب مش هتخصر حاجة وبلغنا عملت ايه!

[sehry]

دي أكيد ضفيرة الكهربا بتاعة الموتور
حصلت معايا نفس المشكله بس كانت لسه العربية في الضمان والتوكيل غيرها على حسابه ومدفعتش ولا مليم