استفسار بخصوص نيسان جوك 2015

[darwich.1024]

السلام عليكم يا اجدع منتدي

انا بقالي فترة بلف والف واقارن بين العربيات ولاقيت ان النيسان جوك كل الناس اعدت تشكر فيها ف 2012 وبعد كدا محدش اتكلم عليها ولا حتي ليها موضوع مثبت حاسس انها يتيمة كدا !!!

وكنت عاوز اسأل الشباب اللي معاها الجوك ايه وضعها وكمان لو حد معاه كشف بأسعار قطع الغيار زي كدا كان فيه موضوع بأسعار قطع غيار القشقاي

ياريت يا جماعة تساعدوا العبد لله انه يقرر عشان انا تايه والله

[dreslam]

عربيه جميله وثابته والفيس ليفت 2015 معمول بيه موضوع امكانياتها زادت وبقت احسن ودي احسن عربيه في الفئه بتاعتها لا يعيبها سوى صغر حجم الكنبه الخلفيه فقط للعائلات...بدون عيوب للشباب

[akodous]

كانت معايا عربيه هايله وكويسه حجمها صغير قطع غيارها غاليه فتيس cvt بيوفر بنزين بس تجميعته بطيئه شويه تكييف كويس اعاده بيع سيئه ملهاش حاجه بره التوكيل (قطع غيار) لحد التيل لازم من التوكيل شنطه صغيره عفشه ناشفه شويه ممكن تبص على الكياسول نفس السكه برده

[darwich.1024]

شكرا لردك السريع يا دكتور

[darwich.1024]

طب لو سمحت يا akodous ممكن تقولي انت بعتها ليه ؟ وهو انا الصراحة مبفكرش في الكوري ولو فكرت هاتبقي كيا سييد اللي نازلة في مايو
بس عاوز افهم منك اي حد بيقول اسعار قطع الغيار غالية والموضوع دا بيكون نسبي ! يعني لو جبت اوبل استرا بيتهيألي قطع غيرها هاتكون غالية بردو . واعتقد الكيا سول كمان عشان ديه فئة سعرية معينة وبتخاطب فئة عملا معينين
بس السؤال كمان الله يكرمك لو معاك كشف الاسعار توريهولي هو انا شوفته في بوست عالفيس بوك بس مش لاقيه دلوقتي
تكون ساعدتني في القرار :)

[darwich.1024]

ومعلش كنت هاسألك علي اعادة البيع ؟ ازاي سيئة والموديل 2012 لسه محتفظ وماسك سعره بالشكل دا علي عكس الفرنساوي

[mhmdabdo]

السلام عليكم
بعيدا عن الفرنساوي مع ن الرينو ببدا يمسك سعر الا ان اعاده البيع لا تحسب من مواقع البيع علي الانترنت
اعاده البيع بتكون علي الواقع ومتسمعش كلام الناس يا ما ناس بتحب و تفضل عربيات وتركب عربيات تانيه خالص
بالاضافه الي وقت البيع في عربيات ترميها للتاجر وتخسر كام الف وتاخد فلوسك وفي عربيات مهما تخسر التاجر ما يخدهاش حتي لو بخساره
موضوع تيل الفرامل انا مكنتش متصور للدرجه
عامتا الجوك من الافضل في فئتها يا تقب في الفتره الجيه يا تغطس زي الشارك ما كان مغضوب عليها وفي الفتره الحاليه منتشره جدا
انا واحد من الاشتراها عن اقتناع والغريب لما جبت ابعها اشتراها واحد كان بشتمها من يوم ما عرفته

[akodous]

طب لو سمحت يا akodous ممكن تقولي انت بعتها ليه ؟ وهو انا الصراحة مبفكرش في الكوري ولو فكرت هاتبقي كيا سييد اللي نازلة في مايو
بس عاوز افهم منك اي حد بيقول اسعار قطع الغيار غالية والموضوع دا بيكون نسبي ! يعني لو جبت اوبل استرا بيتهيألي قطع غيرها هاتكون غالية بردو . واعتقد الكيا سول كمان عشان ديه فئة سعرية معينة وبتخاطب فئة عملا معينين
بس السؤال كمان الله يكرمك لو معاك كشف الاسعار توريهولي هو انا شوفته في بوست عالفيس بوك بس مش لاقيه دلوقتي
تكون ساعدتني في القرار :)

انا بعتها عشان قطع الغيار غاليه جدا و مش موجوده الصراحه اللي فاكره التيل بيعمل 930 جنيه بالضريبه و بتيغير على 15000 كم تقريبا ما بيكملش العشرين الكوبلن ب 18000 الف الفانوس 4000 الاف ده اللي فاكره تقريبا مشكله الطلعه بتاعه الفتيس cvt مع عربيه المفروض ان هيا سبور يعني انا كان معايا 2014 فخسرت مبلغ محترم بمبدا خساره قريبه ولا مكسب بعيد ... انا معايا كيا دلوقتي بجد والله برقبتها

[Omar_4ever]

انا معايا 2015

هجيبلك من الآخر العربية ركوبة حلوة فرامل وثبات مينفعش تقارنهم يابي عربيية كوري بنفس السعر

عيب الجوك ضيق الكنبة الخلفية، السي في تي بيخلي طلعتها بطيئة شوية لكن بعد كده بتفتح عادي

انا طلعت بيها من سبورتاج 2013 الي هيا 140 حصان على طريق السخنة

قطع الغيار مش منتشرة برا التوكيل غير عند العالمية ( عنده كل مسمار ليها)

ومع احترامي للناس الي بتقول قطع غيار غالية : فانوس السيراتو الجديدة ب 6000 جنيه والتيل ب 960 جنيه وهيا كوري !!!

اتوكل على الله وعمرك ما هتندم

[kerellos]

أنا معايا جوك 2014 من 7 شهور بالظبط و ماشي بيها 20000 كيلو
الشهادة لله عربية قوية جداااا و طرية مش ناشفة و طريت أكتر لما مليت الكاوتش نيتروجين و بصراحة انا بدعك بالعربية و مبهدلها معايا وباكل بيها مطبات كتير على سرعات عالية و هي قوية جدا و متابع صيانتها أول بأول و مفيهاش حاجة و العربية عضمها تقيل
هي بس مشكلتها معايا انها بتحرق بنزين كتير مش زي ما الناس بتقول انها بتوفر في البنزين
طبعا كون ان العربية صالونها صغير ده مش عيب فيها لأن دة تصميمها كدة و انت بتبقى عارف كدة من قبل ماتشتريها لأن العيوب دي بتبان بعد ما تشتري العربية و تجربها فتكتشف فيها العيوب
أنا طبعا ماحستش ب غلو قطع الغيار لأن كل حاجة بتتم مع التأمين
العربية عالية و مبتحكش نهااائي
و أنا اختبرت ثباتها كتييير لأني بجري بيها كتيير و الحمد لله العربية ثابتة جدا و مبتعومش مهما حصل
ده غير ان توكيلها في أبو رواش (نيسان أوتو ايجبت) مريحني جداا و محترمين جدا و فاهمين العربية كويس و انا مندمتش على اني اشتريتها و مش بفكر اني ابيعها هشان هي فعلا حلال فيها الفلوس اللي اتدفعت

[darwich.1024]

انا بعتها عشان قطع الغيار غاليه جدا و مش موجوده الصراحه اللي فاكره التيل بيعمل 930 جنيه بالضريبه و بتيغير على 15000 كم تقريبا ما بيكملش العشرين الكوبلن ب 18000 الف الفانوس 4000 الاف ده اللي فاكره تقريبا مشكله الطلعه بتاعه الفتيس cvt مع عربيه المفروض ان هيا سبور يعني انا كان معايا 2014 فخسرت مبلغ محترم بمبدا خساره قريبه ولا مكسب بعيد ... انا معايا كيا دلوقتي بجد والله برقبتها

بس يا باشا انا شايف الارقام غير واقعية يعني انا شوفت اسعار الفوانيس مش وصلت للرقم دا والتيل لسه شايفه في بوست علي الفيس بوك حد جايبه للقشقاي ب ٢٠٠ بدل ٨٥٠ من الوكيل بس عموما انا مستغرب ينقل من ياباني لكوري

[akodous]

انا معايا 2015

هجيبلك من الآخر العربية ركوبة حلوة فرامل وثبات مينفعش تقارنهم يابي عربيية كوري بنفس السعر

عيب الجوك ضيق الكنبة الخلفية، السي في تي بيخلي طلعتها بطيئة شوية لكن بعد كده بتفتح عادي

انا طلعت بيها من سبورتاج 2013 الي هيا 140 حصان على طريق السخنة

قطع الغيار مش منتشرة برا التوكيل غير عند العالمية ( عنده كل مسمار ليها)

ومع احترامي للناس الي بتقول قطع غيار غالية : فانوس السيراتو الجديدة ب 6000 جنيه والتيل ب 960 جنيه وهيا كوري !!!

اتوكل على الله وعمرك ما هتندم

كلام حضرتك انا قلته تقريبا... بس هيا اراء شخصيه طبعا بس انا ركبت الاتنين حوار الفرامل و الثبات ده انا شايف ان هو معدش فارق قوي زي ماالناس بتصوره و خصوصا لو راكب هاي لاين اللي فيها كل حاجه مينفعش تقارنها باول او تاني فئه سيراتو عشان مش نفس السعر و لا نفس الاوبشنز ده الفرق مابين الجوك و السيراتو اول فئه 30000 الف ده غير ان الجوك ماتتقارنش بالسيراتو لكن السيراتو الهاي لاين اللي هي بسعر الجوك فرق تاني خالص ......انا مش بدافع و الله انا بحاول اوضحله كل حاجه عشان انا ركبت الاتنين و بالنسبه لقطع الغيار معاك 1000 هتلاقي ب 1000 عايز تجيب اللي ب 6000 هتجيبه المتاح كتير و انواع كتيره وتوكيل احسن و اعاده بيع احسن و نعومه موتور احسن ولو ان العفشه واحد تقريبا وفتيس احسن ده بالنسبه للسيراتو

[darwich.1024]

انا معايا 2015

هجيبلك من الآخر العربية ركوبة حلوة فرامل وثبات مينفعش تقارنهم يابي عربيية كوري بنفس السعر

عيب الجوك ضيق الكنبة الخلفية، السي في تي بيخلي طلعتها بطيئة شوية لكن بعد كده بتفتح عادي

انا طلعت بيها من سبورتاج 2013 الي هيا 140 حصان على طريق السخنة

قطع الغيار مش منتشرة برا التوكيل غير عند العالمية ( عنده كل مسمار ليها)

ومع احترامي للناس الي بتقول قطع غيار غالية : فانوس السيراتو الجديدة ب 6000 جنيه والتيل ب 960 جنيه وهيا كوري !!!

اتوكل على الله وعمرك ما هتندم

طب هو صحيح التيل معدي ال ٩٠٠ وتعرف اماكن تجيبه بسعر ارخص ولو معاك كشف باسعار قطع الغيار والصيانات ياريت

[darwich.1024]

انا بعتها عشان قطع الغيار غاليه جدا و مش موجوده الصراحه اللي فاكره التيل بيعمل 930 جنيه بالضريبه و بتيغير على 15000 كم تقريبا ما بيكملش العشرين الكوبلن ب 18000 الف الفانوس 4000 الاف ده اللي فاكره تقريبا مشكله الطلعه بتاعه الفتيس cvt مع عربيه المفروض ان هيا سبور يعني انا كان معايا 2014 فخسرت مبلغ محترم بمبدا خساره قريبه ولا مكسب بعيد ... انا معايا كيا دلوقتي بجد والله برقبتها

هو حضرتك بعتها بكام عشان انا اصلا شايف ان تمنها في المستعمل مبينزلش انا حتي شايف موديل ٢٠١٢ لسه ب ١٥٠ واكتر واب ٢٠١٤ مقلش عن ١٧٠ الف

[akodous]

هو حضرتك بعتها بكام عشان انا اصلا شايف ان تمنها في المستعمل مبينزلش انا حتي شايف موديل ٢٠١٢ لسه ب ١٥٠ واكتر واب ٢٠١٤ مقلش عن ١٧٠ الف

لا يافندم مافيش الكلام ده الكلام ده اللي صاحب العربيه بيبقى طالبه السوق مش كده 2014 في السوق ماشيه حوالي 15000 الف و اقل مابيتزيدش عن ال160000 انا بايع ب 158000 ماشيه 16000 كيلو