إعـــــــلان

Collapse

.

,
See more
See less

فضيحة نيسان مصر ( نيسان سنترا 2015)

Collapse
X
 
  • Filter
  • الوقت
  • Show
Clear All
new posts

  • فضيحة نيسان مصر ( نيسان سنترا 2015)

    بسم الله الرحمن الرحيم

    تم شراء السيارة بتاريخ 11-9-2014 اى موديل 2015 و تم استلامها من السبع مصر الجديدة
    و سعرها 175000 الهايلاين . معلش ياجماعة انا هدخل في الموضوع على طول
    الحمد لله على كل شى طبعا عملت حادث بالسيارة بسيت الحمد لله و اسفر عن ذلك تلفيات غى السيارة هي
    - الاكصدام الامامى اتكسر
    - الفانوس الامامى شمال الودنة اللى بتمسك في الرفرف من جوة العربية اتكسرت و قعدة الفانوس اتكسرت و لكن الفانوس سليم
    - و الشبكة الامامية اتكسرت من جوة يعنى الأماكن اللة بتمسك في الاكصدام اتكسرت و الرفرف الشمال حصل في انبعاج طبعا من الخبطة
    تمام كدا الحمد لله على اد كدة
    كلمت التوكيل اللى بتعامل معاه اللى هو يونيتد جروب الدراسة و الراجل هناك في منتهى الاحترام قال لى هاتلى العربية و ملكش دعوة كله هيبقى تمام و رحت سبتها في التوكيل تانى يوم على أساس ان شركة التامين تروح تعاين المهم عملت اخطار الحادث و الشركة عاينت العربية و وافقوا على كل حاجة زى الفل نصلح بقى و بدات المعاناة للأسف الشديد فين قطع الغيار لا يافندم مفيش قطع غيار للعربية ايه ازاى يعنى امال هنصلح ايه هنعمل الرفرف في خضرتك تمشى بالعربية كده هنلصم الاكصدام و الفانوس كدة لحد ماقطع الغيار تيجى ان شاء الله طب امتى منعرفش بدات من هنا مشوار طوييييل اللى هو عايز اجيب اكصدام و فانوس و شبكة المهم اعت 3 أسابيع أتكلم يوميا في التليفون طبعا مش عارف اخد إجازة من شغلى أتكلم كل يوم جميع مراكز الخدمة السبع و مودرن موتورز و اوتو ايجيبت دة مش بيرد أصلا رقمهم 16666 المهم كل يوم مرة يقول لى مودرن موتوز اة الاكصدام موجود طب بكام 2200 قبل الضريبة و بالضريبة 2420 طب انا عايزة اجيبة منين حضرتك هتروح فرع مصر الجديدة في ميدان الحجاز هتخدوا من هناك فا رحت مكلم التوكيل يونيتد جروب اللى العربية عنده قلت لهم ان الاكصدام في مودرن موتورز اهو اجيب اى حاجة بس انا مش لاى حاجة أصلا اتصلوا بيهم عشان يوحوا مودرن قال لا مافيس اكصدام اماى سنترا أصلا اتكلمت تانى الراجل رد عليا فا قلت له مش انت قلت ان في اكصدام سنترا امامى قال لى حضرتك قولتلى هاتيجى تخدة و هو خلص نعم خلص ازاى أصلا هي السنترا أصلا في منها كام عربية في مصر دول كلهم 20 عربية هيخلص فين هي كيا سيراتو في منها 30000 او 40000 عربية في الشارع النهم قلت له ماشى اكلم السبع في اى حاجة مافيش و الله حضرتك طب وبعدين اعمل ايه انا بقى لبست العربية و يونايتد جروب مش لاقى في حاجة هو كمان المهم اخت إجازة أخيرا من الشغل اللى هيا الكام يوم دول بتوع إجازة شم النسيم قلت انزل بنفسى ادور مش هينفع التليفون دة رحت مودرن موتورز الهايكستيب دخلت لوسمحت كنت بسال على اكصدام سنترا 2015 امامى فا الراجل قال لى ثوانى المهم بيقولى معلش يلفندم اصوا محجوز لعربية تانية تانى بردة فين ام العربية التانية دى ياناس السنترا مابعتش أصلا مش كيا هي المهم الراجل لقى صوتى بدا يعلى و الناس قاعدين عمل اتصالاتة المهم قال لى حضرتك هاتروح مودرن موتورز الحجاز هاتخدة من هناك بعد ما كانش في أصلا فجاة كدة بقى موجود الحمد لله بكام 2200 جم و بالضريبة 2420 جم ماشى اى حاجة بس اجيبه طب الفانوس الامامى هشوف لحضرتك فين اتصل الراجل و قال لى حضرتك هاتروح السبع زهراء المعادى في فانوس واحد بس هناك بكام 2560 جم ماشى مش مهم كلم وحدة هناك اسمها لمياء و قال لها هيجيلك عميل هياخد الفانوس نتاع السنترا ماشى زى الفل رحت من شيراتون المطار لحد السبع الكلام دة كان يوم السبت اللى فات كان الجو وحش اوى و مطر سيول المهم دابيت المشوار و رحت كلمتها نزلت قلت لها عايز الفانوس قالت لى بس لازم علشان نطلعة من المخزن نركبه في العربية طبعا عشان يخدة مصنعية تركين 150 جم المهم قلت لها هتركبة الفانوس ازاى و الاكصدام مكسور قالت لى طب ممكن ثوانى هسال مدية قعع الغيار اذا كان ممكن نطلعة كدة ولا لا المهم استنيت طلعت تقول لى معلش يافندم اصله محجوز لعربية تانية في الصيانة تانى بردة بتقولى محجوز لعربية انن طبعا سمعت كدة و مش عايز احكلكو انا عملت ايه في مدير التوكيل مسحت بكرامته الأرض بجد قلت له هي فين العربية اللى عندك في الصيانة اللى عايزة فانوس دى فييين و ريهانى المهم زعقت جامد اوى اوى و في الاخر بيقولى انت متاكد ان الفانوس مش موجود في مودرن موتورز قلت له اة طبعا متاكد قال لى طب لو لاقيتة عندهم قلت له هاتهولى انا طبعا متاكد 100 % انه مش موجود المهم كلمت 16244 و عملت شكوة فيهم و في نيسان الام طبعا لعدم توافر قطع الغيار الراجل بقى كلم جميع مراكز الخدمة في القاهرة و الإسكندرية و طنطا مافيش اى قطعة غيار للنيسان سنترا 2015 طب ازاى ياجماعة مش عارفين والله طبعا بقى وافق ادامى مش عارف يتكلم ولا يقول حاجة انا معايا كل الحق المهم اخد البارت نمبر بتاع قطع الغيار و قال لى انه عندة اجتماع يوم الاحد و هيكلمنى الساعة 12 ظهرا و يقول لى الحاجة هيجبها يوم الثلاثاء على النهاردة ماشى ياسيدى كلمنى فعلا يوم الاحد الحاجة موجودة ماشى هاتها بقى الى يوم الثلاثاء ماشى طبعا انا رحت يونيتد جروب الدراسة و دتلهم الاكصدام عشان يرشة طبعا الاكصدام من مودرن موتورز بفاتورة مختومة منهم عشان التامين و يونيتد جروب يحاسب بقى التامين المهم الاجل كلمنى الحاجة مجودة و جيه بس بكرة الأربعاء ماشى طب فلوس الاكصدام انا عايزها بقى الاكصدام ب 2200 و الضريبة 2420 هيحسبونى بقى فجاءت ان الاكصدام عند يونيتد جروب ب 2100 بدون ضريبة ايه ازاى دة مش المفروض نيسان دى كلاها واحد يعنى يونيتد زى السبع زى مودرن موتورز اة امال ايه طب حضرتك أتكلم دلوقتى اعمل شكوة رحت متكلم وحدة مش محترمة ردت عليا طبعا انا زعقت بردة تانى و في الاخر من مضمون الكلام يعنى اعلى ما فخيلك اركبوة قالت لى اللى انت عايزة اعملة انا ندمان انى بعت الكيا سيراتو بجد قطع غيرها كانت في كل مكان و النبى حد يقولى اعمل ايه انا مش بتكلم عشان فرق 100 جم مش مهم انا بتكلم على أولا : عدم توافر قطع الغيار للسيارة على مستوى مصر كلها

    ثابيا : سوء الخدمة من خددمة العملاء البنت بتقول لى اللى انت عايزة اعملة

    أخيرا ياجماعة و الله ولا السنترا و لا القشقاى الجديدة و لا التيدا الجديدة ليهم قطعة غيار وحدة في اى مركز خدمة تابع لنيسان و انا هشتكى لحماية المستهلك و هشوف ايه اللى هيحصل

  • #2
    معاك حق تزعل طبعا وتضايق انا في اسكندريه هنا وقطع غيار السنترا بيقولوا موجوده بس فعلا حتى الكماليات في مودرن سعرها غير في مرعي ...مراكز الصيانه في نيسان بتستهبل وكل حته فيها بسعر مختلف وفيه ناس سالت على قطع غيار السنترا لقيتها موجوده في الحرفيين بيتهيالي مراكز الخدمه نفسها بتتعامل معاهم :) ..التوكيلات في مصر حالها ما يسرش عدو ولا حبيب وحتاجين شده جامده اثبت على موقفك واشتكي...بس هل تم حل كل مشاكلك ولا لسه ؟

    Comment


    • #3
      ربنا يكون فى عون حضرتك
      انا مش عارف ازاى عايزين ينشروا عربية و مش موفرنلها قطع غيار
      و فعلاً دى مش اول شكوى من توكيل نيسان، ناس معاها قشقاى عملت حوادث اتعذبت بيها علشان تلاقى قطعها و الغريب ان حتى الصنى المتقفلة فى مصر برده ناس ملقولهاش بعض القطع لما عملوا حوادث
      اعتقد توكيل نيسان يجب ان يعيد حساباته من جديد لانه كان مشهور عنه انه من التوكيلات الجيدة

      الف سلامة و ربنا يحفظ الجميع

      تحياتى
      م/هانى سعد
      Meggieboy سابقا
      [SIGPIC][/SIGPIC]

      Comment


      • #4
        عملتها قبلك

        انا كتبت على المنتدى الشهر اللى فات , عربيتى نيسان صنى, عملت حادث " بسيط " عربية خبطتنى من الخلف و الاكصدام الخلفى اتكسر و الشنطة بقت متقفلش كويس رحت توكلين اللى فى الدراسة و قال لى معندوش الاكصدام و نصحنى اروح توكيل ابو رواش و هناك قالولى الاكصدام مش موجود و هنبعت نجيبوا بالطلب فى خلال 21 يوم و التكلفة 6600 جنية علما بانه مفيش تلفيات تذكر و الفوانيس سليمة ( و لازلت احتفظ بالمقيصة المختومة من التوكيل و من ضمن المذكور فيها مثلا "فك و تركيب الكشافات الخلفية 200 جنية, فك و تركيب فرش الشنطة 100 جنية وهو اصلا قطعة قماش بتتشال و تتحط!!!) المهم صلحت العربية فى ورشة فى 3 ايام و ب800 جنية فقط الحقيقة لا اشجع على التعامل مع التوكيل بالمرة و يبدو على نيسان كلها بس زمان مكنتش سيئة كدة :

        Comment


        • #5
          الله يكون في عونك
          أنا رأيي إن الواحد يروح الحرفين يصلح عربيته ومهما كانت التكلفة هتكون أرخص وأسرع بكتير من التوكيل والعذاب بتاعة
          بيضحكوا على الشعب المصري بموضوع الضمان وبيأخدوا ثمن العربية مرتين تلاتة

          Comment


          • #6
            ما عليش هدى نفسك , المشكله الاساسيه مش فى التوكيل , توكيل نيسان من التوكيلات الكويسه , بس مشكلة الدولار و عدم فتح اعتمادات و عدم قبول ايداعه فى البنوك مأثره على الكل , الكبير و الصغير و فى نفس الوقت العربيه لسه جديده و انتشارها مش كبير , ناس كتير هاتقابلها المشاكل دى الفتره الجايه فى حاجات صغيره و كبيره .

            انا عارف انك بتكون متأثر ازاى لما تكون العربيه زيرو و تتخبط و نفسك تنام و تصحى ما تلاقيش الخبطه مهما اتكلفت , بس ابعد الموضوع عن دماغك شويه و هاتستريح .
            اللهم بارك لنا فيما رزقتنا

            [SIGPIC][/SIGPIC]

            Comment


            • #7
              ده توكيل مايعلم بيه الا ربنا انا بعت نيسان جوك اللي كانت معايا بسببهم مع انها كانت عربيه هايله و مبسوط منها ...... انا مرمطوني عشان تيل فرامل امامي بعدها بعتها على طول قلت لما التيل عملوا فيا كده لاقدر الله لو حاجه كبيره بقى .... اشتكي ياباشا

              Comment


              • #8
                [CENTER][U][I][SIZE=5][COLOR=blue]عشقي الأول والأخير[/COLOR][/SIZE][/I][/U]
                [/CENTER]
                [CENTER] [SIGPIC][/SIGPIC][/CENTER]

                Comment


                • #9
                  المشاركة الأصلية كتبت بواسطة akodous مشاهدة المشاركة
                  ده توكيل مايعلم بيه الا ربنا انا بعت نيسان جوك اللي كانت معايا بسببهم مع انها كانت عربيه هايله و مبسوط منها ...... انا مرمطوني عشان تيل فرامل امامي بعدها بعتها على طول قلت لما التيل عملوا فيا كده لاقدر الله لو حاجه كبيره بقى .... اشتكي ياباشا
                  انا فعلا بفكر ابيعها و اجيب سيراتو تانى للاسف الشديد ليه عشان التوكيل عرف يسوق العربية صح و قطع الغيار متوفرة فى السوق بكثرة كبيرة جدا

                  Comment


                  • #10
                    المشاركة الأصلية كتبت بواسطة mourad2015 مشاهدة المشاركة
                    انا فعلا بفكر ابيعها و اجيب سيراتو تانى للاسف الشديد ليه عشان التوكيل عرف يسوق العربية صح و قطع الغيار متوفرة فى السوق بكثرة كبيرة جدا
                    ياعم حرام عليك انتا اشتريت العربيه زيي بدري والعربيه دلوقتي ابتدت تبيع وحتنتشر وحتلاقي قطع غيارها مرميه ان شاء الله متنساش انها مكملتش ست شهور في مصر وقطع غيارها بره مصر برخص التراب والله شوف بعد كده واحكم دي برقبه اي عربيه في فئتها ومتهيالي انتا تشهد بكده.معلش هي نيسان مصر متعاقده مع مراكز صيانه تعبانه بس والله كل التوكيلات تعبانه والكوري في مصر منتشر عشان كده بتلاقي قطع غياره مرميه بره..اهدى بس كده ولو عزت حاجه من بره انا ممكن اساعدك

                    Comment


                    • #11
                      السنترا = البلوبيرد = الليفان

                      = مقلب كبير
                      [SIGPIC][/SIGPIC]

                      afrtow سابقاً
                      [FONT="Courier New"][SIZE="4"][COLOR="DarkSlateBlue"][B]
                      [gdwl] الإمام الشافعي
                      إني رأيت وقوف الماء يفسده * * * إن ساح طاب وإن لم يجرِ لم يطبِ
                      والأُسد لولا فراق الأرض ما افترست * * *والسهم لولا فراق القوس لم يصبِ
                      والشمس لو وقفت في الفلك دائمة * * * لملّها الناس من عربٍ ومن عجمِ[[/gdwl]/B][/COLOR][/SIZE][/FONT]

                      Comment


                      • #12
                        المشاركة الأصلية كتبت بواسطة abou-yahia مشاهدة المشاركة
                        السنترا = البلوبيرد = الليفان

                        = مقلب كبير
                        برضه لا يا ابو يحي معلش.نفسك انتا من كام شهر تلاقي موضوع عن السنترا وتكتب الجمله دي :)

                        Comment


                        • #13
                          مافيش بوست واحد ليك يا ابا يحي مع نيسان بتكره الشركه كلها شكلا وموضوعا..بس ده رايك الشخصي في الوكيل انما تيجي زي قبل كده نتكلم عن فنيات العربيه انسى.بس برضه السنترا مش اوبترا صيني ولا غيره.وبرضه الصني الشكل الجديد حلوه :).

                          Comment


                          • #14
                            المشاركة الأصلية كتبت بواسطة dreslam مشاهدة المشاركة
                            مافيش بوست واحد ليك يا ابا يحي مع نيسان بتكره الشركه كلها شكلا وموضوعا..بس ده رايك الشخصي في الوكيل انما تيجي زي قبل كده نتكلم عن فنيات العربيه انسى.بس برضه السنترا مش اوبترا صيني ولا غيره.وبرضه الصني الشكل الجديد حلوه :).
                            بص خلينا نتفق اننا كلنا هنا عايزين المصلحه العامه

                            نيسان كشركه اكيد محترمه

                            انا ليا رائ في موديلات معينه

                            يعني انا بحب التيدا الجديد والقديم وبنصح الناس بيها

                            لاكن تعالي بقي للموديلات اللي انا بقول عليها مقلب كبير

                            بفكرك انا هنا مش بتكلم علي فنيات

                            انا بتكلم علي موديلات الوكيل بيجبها عشان يدبس الناس فيها لانها ملهاش استمراريه

                            حتي بائعين قطع الغيار خارج التوكيل مش بيجبولها سواء جديد او مستعمل

                            فقيمتها بتتضائل مع الوقت وبطبيعه الحال اعتماديتها

                            ونيسان مش لوخده عندك فولكس بوينتر وباراتي وكروس فوكس

                            عربيات ممتازه لاكن شوف سعر اعاده بيعهم نتيجه عدم توافر ما سبق الاشاره ليه

                            نيجي بقه لاصل المشكله

                            النيسان صني الشكل الجديد والقديم

                            تخيل عربيه لسه مستلمها

                            تشتكي من العزل بتاعها ومن سوء خامات الصالون بتاعها ويكون الحل انك تكلف نفسك خارج التوكيل .

                            تخيل بتزل من غير بار الميزان في العفشه الاماميه لموديل ex وتروح تلف عليه في الحرفيين

                            تخيل ان العربيه استهلاك البنزين مش طبيعي في الفئه ديه مع ثبات محدود .

                            تخيل مصنع بيستخدم اردء الخامات في انظمه الفرامل ومع ذلك ................

                            اجي بعد كده انصح حد بيها او احبها

                            وعليفكره انا مش بتعصب للشيفروليه وكتير انصح الاعضاء بموديلات تانيه طالما تناسب النصيحه

                            تحياتي ليك زاتمني ان رسالتي تكون وصلتك
                            [SIGPIC][/SIGPIC]

                            afrtow سابقاً
                            [FONT="Courier New"][SIZE="4"][COLOR="DarkSlateBlue"][B]
                            [gdwl] الإمام الشافعي
                            إني رأيت وقوف الماء يفسده * * * إن ساح طاب وإن لم يجرِ لم يطبِ
                            والأُسد لولا فراق الأرض ما افترست * * *والسهم لولا فراق القوس لم يصبِ
                            والشمس لو وقفت في الفلك دائمة * * * لملّها الناس من عربٍ ومن عجمِ[[/gdwl]/B][/COLOR][/SIZE][/FONT]

                            Comment


                            • #15
                              وعلي فكره في ناس ساهمت في تضليل الاعضاء عن عيوب قاتله في الصني عن عمد لمصالح شخصيه

                              ودول حقيقي منهم لله
                              [SIGPIC][/SIGPIC]

                              afrtow سابقاً
                              [FONT="Courier New"][SIZE="4"][COLOR="DarkSlateBlue"][B]
                              [gdwl] الإمام الشافعي
                              إني رأيت وقوف الماء يفسده * * * إن ساح طاب وإن لم يجرِ لم يطبِ
                              والأُسد لولا فراق الأرض ما افترست * * *والسهم لولا فراق القوس لم يصبِ
                              والشمس لو وقفت في الفلك دائمة * * * لملّها الناس من عربٍ ومن عجمِ[[/gdwl]/B][/COLOR][/SIZE][/FONT]

                              Comment

                              Working...
                              X