حد يفيدني في نزول السعر الرهيب في السنترا 2015

[diiie_hard]

السلام عليكم جميعا
اتمني ان تكونوا في افضل صحة وحال
انا من فترة كنت سالت علي السنترا الكاملة المعرض قالي نازلة بسعر 175 الف
جيت سالت عليها الاسبوع الي فات قالي سعرها نزل بقي 163 الف
يعني فيه فرق 12 الف جنيه في فترة بسيطة جدا
والعربية لسه جديدة في السوق
ايه يا تري سبب النزول الرهيب في العربية دي
هل لا يوجد عليها سحب ؟ ولا ظهر بيها عيوب بعد تجربتها ؟
انا كنت بفكر اشتريها بس الوقت بدات اقلق
الموضوع مفتوح للجميع للمشاركة

[dreslam]

انا من اللي اشتروها ب 170 وفيه ناس كتير اشترت ب 175 كمان ودلوقتي سعرها الرسمي 165 وناس بتسلم على 161 كمان...العربيه حلوه بس كان لازم تنزل بالسعر ده من الاول عشان تنافس وهي دلوقتي بس بدات تبيع وتنافس..متنساش ان على الاغلب العربيه دي حتتقفل في مصر السنه الجايه.
ومتنساش الياريس 1300 اول ما نزلت كانت بكام ودلوقتي ال 1500 بقت بسعر ال 1300 القديم

[yasser100]

للاسف غلطه تسويقيه من التوكيل من الاول , الموديل كان لسه جديد فى مصر و زقها فى فئه سعريه فيها منافسه شديده من عربيات كتير تقيله , الكورولا و الفلوينس و الاسترا و السوبارو و دى كلها عربيات لها اسمها من قبل السنترا , ما تعلموش حاجه من توكيل تويوتا اول ما نزل الكورولا الجديده برغم اسمها القديم فى السوق و اخدوها بالتدريج و لا لعب حتى لعبة الفلوينس اللى كل شويه كان يعمل تخفيض سريع لفترات قصيره و يرجع لسعر اكتر من الاول , كان لازم يلعب على الانتشار الاول و بمكسب قليل نسبيا .

هيه كده دلوقتى فى السعر العادل لها بالنسبه للانتشار بس المشكله انه الناس هاتقلق من انخفاض السعر بالشكل ده , بنتكلم فى 12000 ل 15000 تخفيض بالنسبه للهاى لاين .

[kar!m]

من يوم ما نزلت ما شفتش منها غير واحدة بس مش عارف ليه.

[dreslam]

انا افتكرت ان مافيش غيري في اسكندريه راكبها...دلوقتي شوفت الابيض والموكا والفيراني والنبيتي بتاعي مرتين يعني شفت كل الالوان ما عدا الاسود

[hugan]

الناس اللي اشترت بالسعر القديم تعمل ايه

[dreslam]

الناس اللي اشترت بالسعر القديم تعمل ايه

حيقروا على اللي اشترى بالسعر الجديد :)..
لا طبعا باهزر ..ربنا يبارك للي اشترى باي سعر ويدينا خيرها ويكفينا شرها
لكن فعلا افتكرت بتوع الياريس 150 الف 1300 سي سي ---145-143 1500 سي سي
والهايلاين 165 الف اتباعت لحد 153 الف..نفس الوضع

[diiie_hard]

ممكن عشان مفيش عليها سحب او مش مرغوبة فنزلوا بالسعر بالشكل ده عشان يقدروا ينافسوا
مع انها اوبشن جميل ورفاهية عالية

[mourad2015]

السلام عليكم جميعا
اتمني ان تكونوا في افضل صحة وحال
انا من فترة كنت سالت علي السنترا الكاملة المعرض قالي نازلة بسعر 175 الف
جيت سالت عليها الاسبوع الي فات قالي سعرها نزل بقي 163 الف
يعني فيه فرق 12 الف جنيه في فترة بسيطة جدا
والعربية لسه جديدة في السوق
ايه يا تري سبب النزول الرهيب في العربية دي
هل لا يوجد عليها سحب ؟ ولا ظهر بيها عيوب بعد تجربتها ؟
انا كنت بفكر اشتريها بس الوقت بدات اقلق
الموضوع مفتوح للجميع للمشاركة

انا هقولك نيسان اصلا مش عارفة تسوق العربية كويس و العربية مش بتبيع و اللى الناس متعرفوش ان العربيات فى السبع واقفة فى المخازن هتبوظ من الركنة يعملوا ايه بقى ينزل فى سعر السيارة عشان تبيع و عامل نظام قسط كمان بس و فوق كل دة عدم توافر قطع الغيار و انا علمل موضوع عن قطع الغيار ياريت تشوفة بجد حاجة نكسف انا بفكر جديا ابيع العربية السنترا

[diiie_hard]

انا هقولك نيسان اصلا مش عارفة تسوق العربية كويس و العربية مش بتبيع و اللى الناس متعرفوش ان العربيات فى السبع واقفة فى المخازن هتبوظ من الركنة يعملوا ايه بقى ينزل فى سعر السيارة عشان تبيع و عامل نظام قسط كمان بس و فوق كل دة عدم توافر قطع الغيار و انا علمل موضوع عن قطع الغيار ياريت تشوفة بجد حاجة نكسف انا بفكر جديا ابيع العربية السنترا

بس موضوع قطع الغيار ده لاي عربية لسه نازله جديد بيبقي واحد
اي نوع واي ماركة بتنزل جديد بيبقي لسه منزلهاش قطع غيار في التوكيل وده علي الكل
متهيالي مش نيسان بس , يعني علي ما اظن ده ميعيبش ركوب العربية
اهم حاجة ان مفيش عيوب في العربية ذات نفسها وانت راكبها
حكاية قطع الغيار في التوكيل غير متوفرة ده بيسوء سمعة التوكيل فعلا