ضد نيسان الشركة النصابة قلبآ وقالبآ

[islamsisqo]

باختصار شديد انا معايا نيو صني 2014 عاملة 6730 كيلو حسيت ببعض مشاكل الفرامل واشتكيت منها في توكيل احمد مرعي الاسكندرية يوم صيانة ال 5000 كيلو ومعايا امر الشغل بتاع الشكوي المتعلقة بالفرامل الحمد لله علي كل حال انا عملت حادثة جامدة بسبب الفرامل اللي توكيل اكمد مرعي قاللي انها تمام وزي الفل وانهم ظبطوها
الحادثة دي دمرت الجزء الامامي بالكامل مع اني كنت ماشي من 60 ك ل 80 ك تقريبا وكان في مسافة كبيرة بيني وبين الميكروباص اللي خبطته دلوقتي العربية شبه الفرامل هربت منها او المدة اللي اخدتها عشان تجمع فرامل كانت طويلة مش عارف ومشكلتي ان خبرتي في الميكانيكا ضعيفة
المشكلة ان انا عايز ارفع قضية علي الشركة والتوكيل
المفروض اعمل ايه علما بأني معايا امر الشغل اللي مكتوب فيه شكوتي من الفرامل
ياريت حد يفيدني لاني حاسس بقهرة جامدة جدا وخايف اركب العربية دي تاني

[adel_edrees]

حماية المستهلك

[Abo_Mazen]

حماية المستهلك

جرب وشوف حماية المستهلك ..مش عاوز احبطك ...بس اللي أنا قريته من مشاركات هنا ومن مشاكل الناس هنا إن مستوردين السيارات بيدفعوا مرتبات لحماية المستهلك عشان القضايا اللي زي دي تتحط في الأدراج ..عموما ..جرب وشوف موضوع حماية المستهلك

[shifoo68]

حماية المستهلك فى فساد جامد من اولة اخرة وحيعطلك كتير لمصلحة نيسان وعلشان توافق على طلباتهم هما ,,,, يا ترفع قضية مباشرة على شركة نيسان مصر مع محامى صايععععع,,,,, يا تبيع العربية وعوضك على اللة ,,,, لكن حماية المستهلك دة اونطة كبيرة ومنظر وبعدين يا باشا كل البضائع اللى فى مصر بايظة هو حيعمل اية ولا اية

[Omar Sarray]

بلاش حمايه مستهلك محدش حيفيدك بحاجه ولازم واسطه وحوارات كبيره روح لأى محامى خبره وجاد يرفعلك قضيه عليهم أو حاول تبيع العربيه احسن

[Abo_Mazen]

يا ه ه ه..ده واضح إن فيه إجماع على فساد جهاز حماية المستهلك ..يبقى أنا مش متحامل بقى ولا حاجه على حماية المستهلك

[Omar Sarray]

مهو لو فى حمايه مستهلك تشتغل بما يرضى الله والوزارات تشتغل بما يرضى الله للبلد مكانش لقينا مشاكل ولا لقينا حتى قضايا البلد واقفه على حيلها ولا حتى لقينا مطبات فى الشوارع الى بقت موده بلاسبب

[islamsisqo]

طيب يا شباب مش في سكة لنيسان اليابان او جهة اعلي او حتي حد يأكدلي موضوع اني ارفع قضية ياريت حد يفيدنا يكون جرب الموضوع ده

[islamsisqo]

انا كنت سمعت عن استاذ محمد مؤمن اللي عمل مشاكل مع نيسان وصعد الموضوع جدا لدرجة انه عمل مداخلات هاتفية في الاعلام وعمل صفحة وكدة ياريت لو حد جاي معاه الفكرة يشترك معايا ونتواصل يمكن نوصل لحل

[Omar Sarray]

منا قلتلك الحل البسيط روح محامى عندو خبره يرفعلك القضيه عليهم ويتابعلك الموضوع

[islamsisqo]

يا جدعان ياريت نجمع بعض وكل اللي قرأ الموضوع يكلمني عشان لو كدة نرفع كلنا دعوة مجمعة بالمتضررين

[sameh1982elola]

ده جروب لأصحاب سيارات النيسان https://www.facebook.com/groups/Niss...Egypt/?fref=ts ...ادخل واكتب مشكلتك ...وقدم شكوى فى حماية المستهلك ...وابحث عن الجروبات الخاصة بالسيارات ادخل واكتبلهم مشكلتك ...وعليك وعلى جردية اليوم السابع والوفد ادخل على الموقع واكتب مشكلتك فى التعليقات الخاصة بالصناعة وحماية المستهلك ومش قصدى صفحة الفيس قصدى لما بيكتبوا الخبر وممكن تحط تحته تعليق....واتحداك لو استمريت على الموضوع كل يوم ساعة تلف على المواقع الاخبارية والجروبات وتكتب تطورات مشكلتلك هتلاقى الشركة هيه اللى بتتصل بيك ...بس خلى بالك علشان متطلعش غلطان ياريت تصور امر الشغل وتكتب ملابسات الحادثة بالتفصيل والتواريخ علشان الناس تعرف انك صادق ....وحاول تعمل اى مداخلة تلفونية مع اى قناة اعلامية ولازم اول خطوة تعملها تكلم نيسان تشتكى على الرقم المختصر بعدين تشتكى فى حماية المستهلك علشان لما تكتب فى المنتديات والمواقع تحكى اللى حصل معاك بالظبط ...وتوكل على الله ومتقلش اى كلمة زيادة او اقل عن اللى حصل معاك وابدأ من الان

[sameh1982elola]

فيه موضوع مشابه لعضو معانا فى المنتدى وادارة المنتدى تبنت موضوعه لما اتأكدت انه صادق....ادراة المنتدى ناس محترمين وبيدورا على مصلحة الاعضاء ومصلحة الاعضاء عندهم فوق كل شىء...بس الاول يتأكدوا ان معاك حق وهتلاقى مساعدة من الادارة لم تتوقعها زى ما ساعدوا العضو الاخر...

[islamsisqo]

امر الشغل الاصل بتاعه معايا مش صورة ومحضر الشرطة بعد المعاينة اثبت ان الفرامل مجمعتش لانها لو جمعت كانت علمت في الارض الفرامل هدت بس لكن مفرملتش

[Omar Sarray]

طمنى على موضوعك يارب يكون اتحلت المشكله