أفضل سيارة في حدود 130 ألف

[Nadia_Ammar]

السلام عليكم

عايزة اشتري ان شاء الله عربية في حدود 130 ألف ... دي اول عربية ليا شخصية... لكن سقت قبلها فيرنا ... و بعدها سبارو امبريزا

انا ما يهمنيش اي حاجة في العربية و لا كماليات و لا حبشتكنات غير السلامة و الثبات على الأرض و بس ... لأننا عملنا حادثة بالفيرنا (مش انا و الله اللي كنت سايقة ) و اتدعكت و الحمد لله طلعنا منها سالمين

و لما سقت سوبارو امبريزا ... حسيت بفرق الثبات على الأرض و اني مش خايفة و انا سايقة على 120 .. 130 أو اكتر كمان

هقولكم على اللي اتفرجت عليه مستعمل و لو عندكوا اختيارات أفضل في الزيرو برضه يا ريت

فورد فييستا 2013 ... 138 ألف ... تقسيط ... و عاملة 116 كيلو بالظبط لأن صاحبها اشتراها و عايز يبيعها

النترا 2012 ... 136 ألف ... تقسيط ... و عاملة 30 ألف كيلو

لانسر 2013 ... 130 ألف ... تقسيط ... و عاملة 39 ألف كيلو


لو عندكوا اختيارات أفضل في الزيرو ما تبخلوش بيها ... و شكرا لأرائكم و لمساعدتكم مقدما

[atef_5005]

لو زياده حبه
فانتازيا 2010
امان فوق الوصف

[eng.m7md.ali]

بس الامبريزا هتبقي احسن منهم كلهم في الامان والثبات .. هتحسي بفرق انصحك تجيبي امبريزا موديل قريب

[Nadia_Ammar]

جزاكم الله خيرا على الرد

بس المشكلة اني معنديش القدرة المادية على الكاش دلوقتي و عايزة حاجة تقسيط في حدود ال 130 ألف

ال سوبارو الامبريزا بسم الله ما شاء الله حلوة قوي ... بس مش لاقياها في المستعمل في الأماكن اللي دورت فيها

[Omar Sarray]

انتى ضحكتينى لمه قلتى ولله مش اناا السايقه هههههه امال مين السايق مكانك طيب ماعليان

بصى ياستى انتى عندك عربيات كتير زى رينو لوجان ورينو فلو انس وسكودا اوكتافيا وكيا ريو سيدان لا بس كيا غاليه شويه عندك ايه تانى اه عندك تويوتا كورولا عندك نيسان سنترا اه صح خدى نيسان سنترا 155 الف حنيهه اول فئه وشكلها حلو ومرضيه ليكى وشوفى انتى قسمتك ونصيبك فين

[hatahet]

اللانسر شارك دلوقتى عليها تخفيضات ب 132000

[eng.m7md.ali]

الجديد ... سيات توليدو اول فئة ب 134 الف تقريباً

موتور 1600 سي سي فتيس 6 سرعات القديم اللي بدون مشاكل ... العربية دي هتكتسح الفئة دي خالص

[احمد فهمى]

نيسان جوك فى حدود 140 الف جنيه موديل عالى وواخده 5 نجوم فى اختبار السلامه فيها 4 ايرباج وكامله