تقرير 20 الف كيلو - قشقاي 2015

[شريف محمود]

طب أسعار الصيانه معقوله ولا غليه والتكيف بيقصر على الماتور ولا بيفضل الأداء كويس

[crazy car]

واسعار قطع الغيار ايه في التوكيل وهل متوفره خارج التوكيل

وسؤال الكورولا أم القشقاي ( عارف ان الفئتين مختلفين ) بس انهي احسن اداء سهولة بيع توافر قطع غيار خارج التوكيل

[Nader El Dabaa]

استفسار

بمناسبة صوت التربو انا بسمع صوت تكة قوية اول لمل اعشق d و بعدين ادوس بنزين و بردوا بيحصل لما ادوس r و بعدها بنزين فهل دة فعلا صوت التربو؟؟
علي العلم انة مش بيحصل في جميع الاوقات!

[melouk1]

اعتقد الاستهلاك عالي جداا و مخيف كمان لعربية ١٢٠٠ cc و جديدة

[M_Abdallah]

ممكن تليفونك يا استاذ شادي

[Hamed Omda]

البنزين مكتوب فى مواصفات العربيةة انه 5.6 لل 100 كيلو اكيد فى خطء فى حساباتك

[Moh.far]

ناس كتير عاوزه تعرف اخبار العربيه ايه و يشرفني ان ابلغكم بتقرير بسيط بعد حوالي20 الف كيلو

-اول و اهم حاجه هو موضوع البنزين وحتي الان العربيه تمام جدا جدا ببنزين 92 لا يوجود اي مشكله و السحب تمام جداا و عزم العربيه محترم و الفتيس محترم جدا مبيحسسكش بالنقلات غير لو هتقرص شويه غير كده ميحسسكش باي حاجه . ( يعني لو تم استخدام بنزين 95 هيبقي خرافي - شخصيا لم تتم التجربه )
- العفشه تمام و ناعمه و بتحسسكش بتفاصيل كتير في الطريق الجميل بتاع شوارعنا .
-الثبات ممتاز و تمت التجربه حتي 190 كم/س . ممتاز معناها تحكم كامل في العربيه .
-استهلاك البنزين بدون تكيف حوالي 10 ليتر / 100 كيلو متر و مع التكيف يصل الي 12 ليتر /100 كيلو .

ملاحظات :
-تم استخدام زيت موبيل 10w 30 في صيانه ال 20 . اداء اقوي نصح به افضل من ال 10w50 الذي تم استخدامه في صيانة ال 10
-كان المفروض اغير فلتر تكيف في الصيانه دي بس مكنش موجود لسه فتم تنضيف الفلتر الحالي و تركيبه مره اخري
- كان فيه صوت تزيق بسيط في باب السواق قلتلهم عليه في الصيانه و كان ردهم " هو كده " مفيش مشكله :d . طب ليه حل ؟؟ لا هو كده طبيعي :d
في المجمل العربيه صفقه رابحه جدا حتي الان بعيدا عن جنون الاسعر اللي الواحد بيسمعه .
لو فيه اي استفسارات اتفضلوا :)

ده فعلا صوت التيربو و هو بيبتدي يشتغل مع بداية دوستك للبنزين، بتحس بيه مع الدوسه الخفيفه للدواسه، اما مع الدوسه التقيله شويه مش هتحس بالصوت لانو بيشتغل اسرع لانه متجاوب مع دوسة البنزين

استاذ شادي. انت راجل محترم و ريحتني. انا لسة جايب العربية و كنت قلقان.
بس معلش زيادة توضيح ليا، هو انا لما اهدي و اجي ادوس بنزين براحة، باحس برجة او تطبيل بسيط تحت رجلي، هو ده بسبب التربو؟ و هل لازم ادوس جامد؟
و شكرا

[ALshahba]

ملحوظه بسيطه
هذه السياره يعتبر افضل لزوجة زيت لها هي
5w-30 او 0w-30 لانها سيارة تحمل قلب توربو القوي ويريد زيت خفيف وسريع الانتشار

ستلاحظ معدل الاستهلاك للبنزين في النزول وستلاحظ الاستهلاك لايتعدي 6لتر /100كم

في امان الله

[mostafait]

صوت التطبيل او صوت تكه بتظهر فى الجانب الامامى شمال امام السائق مباشرا صوت فتحه وقفل التربيو طبيعى بتظهر مع بداءه تشغيل التربيو او الضغط على البنزين طبيعى م مصطفى المحلاوى 01022660567