نيسان صني 2015 سوبر صالون

[Beam28]

بقالي فترة بادور على عربية جديدة اشتريها بعد ما بعت الآي تن اللي كانت معايا وكتر خيرها بس قررت ماركبش كوري تاني وعايز اركب حاجة ياباني (او من ريحة الياباني بالمقاييس الحالية مافيش ياباني 100% الا نادرا). المهم واحد صاحبي كان اشتري صني 2014 اول فئة اتوماتيك وكنت باركب معاه على طول بس كنت الصراحة مش مقتنع اوي بالعربية لحد ما طلعنا بيها مشوار طويل دمياط والصراحة كانت مريحة جدا ورائعة في السفر وعلى الطريق مطبات للصبح ولا الهوا والتكيف شغال تلاجة الله ينور. المهم يعني ابتديت اقتنع وقلت اطلع على اي معرض اتفرج على الفيس ليفت الجديدة وقد كان. رحت سمير ريان لقيتهم عارضين كل الفئات وشفت العربية على الطبيعة الصراحة يعني اتفاجئت الفيس ليفت الجديد عامل شغل حلو من برة. أول حاجتين قلت ابص عليهم عشان كانوا عاملين مشكلة في عربية صاحبي الكاوتش وتقل الباب في القفل. لقيتهم غيروا الكاوتش الماكسس وبقى بريدجستون والباب بقى افضل كتير من الاول ومش محتاج ترزعه عشان يتقفل. الصالون من جوة في السوبرصالون جميل جدا والفاميه الخلفي عامل شغل في الحر ده والقعدة عموما جميلة ومريحة. بصراحة العريية مقنعة جدا وزاد اقتناعي عن الاول. طبعا التخوف الوحيد من المشاكل اللي الاعضاء ذكروها زي الفرامل وخلافه بس كل ما افتكر الأي تن اقول عمر الصني ما هاتبقى اسوأ وكفاية في الأي تن كمبريسور التكيف وعلبة الدركسيون اللي باظوا والعربية لسة 60 الف كم.
المهم قلت برضه عشان ارضي غروري ابص عاللانسر الشارك. العربية حلوة بس تحس فيها انها قديمة ستايل قديم كده من عشر سنين فاتوا وطبعا ضيقة خصوصا في الخلف ومافيهاش ربع الكماليات اللي في الصني السوبر صالون واغلى بفارق يزيد عن 10 الاف جنيه. يعني مااعتفدش الفرق يستاهل الصراحة وغالبا هاكمل في سكة الصني.

[a7med ezz 20]

برضوا بص علي السزوكي سياز ، انطباع الناس عنها رائع

[Beam28]

برضوا بص علي السزوكي سياز ، انطباع الناس عنها رائع

فعلا هي في بالي بس مشكلة السوزوكي ندرة السيارات ولستة الحجوزات والاوفربرايس. يعني تخيل سمير ريان بجبروته عنده كل العربيات من كل الموديلات واني اشوف اي سوزوكي واقفة مالقيتش غير سوزوكي سويفت يتيمة واحدة عنده. المفروض السوزوكي دي تبقى العربية الشعبية في مصر (زي الهند كدة) بس للأسف حظنا منها قليل جدا.

[محمد 2014]

شوف انا هقولك كلمتين من الاخر انا احترت كتير جدا عشان اجيب صلي استخاره وربنا هيكرمك بال فيها خيرك ان شاء الله
الحمد لله انا في الاخر جبت صني وربنا يحفظنا فيها ويحفظهلنا ويكرمك ان شاء الله

[Beam28]

شوف انا هقولك كلمتين من الاخر انا احترت كتير جدا عشان اجيب صلي استخاره وربنا هيكرمك بال فيها خيرك ان شاء الله
الحمد لله انا في الاخر جبت صني وربنا يحفظنا فيها ويحفظهلنا ويكرمك ان شاء الله

شكرا جزيلا للنصيحة وربنا يباركلك في سيارتك ويرزقك خيرها.

[midostarmody]

لكن يا اخى مش مقياس انك كنت راكب i10 معناه انك ركبت كورى اركب السيراتو وبعدها عالطول اركب الصنى وانطباعك اكيد هيكون ذى انطباعى لان واحد من اصدقائى راح جاب الصنى واتصل بيا بعد ما رخص وخلص وقالى تعالى اتفرج عليها وبالمناسبة انا قولت ليه قبل ما يشترى يقول وانا هعرض عليه انا وزمايلى من كتر ركوبنا للسيارات دى كلها اختيار ميندمش علية وفعلا رحت وكان بقيت الشلة تقريبا هناك المهم هو جاب سوبر صالون بحيث انو حكم على الكورى حكم مش سليم لان كان معاه اكسيل بس تشوف انطباعو لما شاف العربيات لما رحنا ودخل السيراتو والالنترا ندم وقال بالكلمة كده انا فلوسى راحت ده غير المشاكل الى يقبلها بعدين من العربية فكر كويس وانزل اى معرض وادخل العربيات الى تحبها وبص على السياز لان شكلها على الطريق ملفت بجد مش زى الصنى تحس ان عربية مشوهة مشية على الطريق وخصوصا بعد شكل الفنوس الغبى الى فى جددوه فيها

[salam100100]

شوف انا هقولك كلمتين من الاخر انا احترت كتير جدا عشان اجيب صلي استخاره وربنا هيكرمك بال فيها خيرك ان شاء الله
الحمد لله انا في الاخر جبت صني وربنا يحفظنا فيها ويحفظهلنا ويكرمك ان شاء الله

مبرووك اولا
ايه انطباعاتك عن العربيه؟

[salam100100]

لكن يا اخى مش مقياس انك كنت راكب i10 معناه انك ركبت كورى اركب السيراتو وبعدها عالطول اركب الصنى وانطباعك اكيد هيكون ذى انطباعى لان واحد من اصدقائى راح جاب الصنى واتصل بيا بعد ما رخص وخلص وقالى تعالى اتفرج عليها وبالمناسبة انا قولت ليه قبل ما يشترى يقول وانا هعرض عليه انا وزمايلى من كتر ركوبنا للسيارات دى كلها اختيار ميندمش علية وفعلا رحت وكان بقيت الشلة تقريبا هناك المهم هو جاب سوبر صالون بحيث انو حكم على الكورى حكم مش سليم لان كان معاه اكسيل بس تشوف انطباعو لما شاف العربيات لما رحنا ودخل السيراتو والالنترا ندم وقال بالكلمة كده انا فلوسى راحت ده غير المشاكل الى يقبلها بعدين من العربية فكر كويس وانزل اى معرض وادخل العربيات الى تحبها وبص على السياز لان شكلها على الطريق ملفت بجد مش زى الصنى تحس ان عربية مشوهة مشية على الطريق وخصوصا بعد شكل الفنوس الغبى الى فى جددوه فيها

مقارنه غير عادله
1 السيراتو والالنترا اغلى بكتير من الصنى (يمكن ب 40 الف فرق)
2 السياز لسه جديده ومتجربتش بما فيه الكفايه فمحدش يقدر يقرر انها عربيه بدون مشاكل
3 المشاكل المتعارف عليها فالصنى "الفرامل" بالمناسبه انا لسه مشتكيتش منها. المهم ليها حل

الصنى فى رائ عربيه عمليه. انا مقتنع بيها وبسعرها وامكانيتها

[arc_sherif_81]

شوف ال 301

[ahmedfrancais]

الصنى فيس ليفت اعتقد انها تلافت مشاكل الصنى الشكل الجديد ...العربية معايا عاملة 5000 كيلو والحمد لله مفيش فيها اى مشاكل نهائى لحد دلوقتى.. انا مقتنع بيها جدااا ..من باب العدل اننا مانقارنش بين السيراتوا و الانترا والنبيسان صينى لنهم مش نفس الفئة السعرية .. السياز عربية محترمة بس لسه محدش جربها ومشكلتها الوكيل بتاعها

[eng_amg]

نصيحة لوجه الله ...
بغض النظر عن آراء ملاك الصني وعارف أن ممكن ناس تزعل مني.
من واقع قيادتي ليها فترة موديل 2014 الي المفروض انها معدلة ومفهاش مشاكل..
* العربية فيها Abs بس غالبا لا يعمل في معظم الأحوال ومعظم الفرامل بتزحلق العربية ولا تقف.
* العربية خفيفة علي الطريق - ليس بالوزن - ولكن الاتزان حتي علي سرعة 120
* من واقع حادثتين حدثوا لاصدقائي
أولا : الوسائد الهوائية لا تفتح في تصادم أمامي وخلفي
ثانياً : Ebd لا يعمل عند الزحلقة علي بقعة زيت وأدت لانقلابها وأيضا الوسائد الهوائية لم تفتح.

أما الصور المرفقة فهي لحادث لصديق بموديل 2014 لم تعمل فرامل Abs أدت لزحلقة السيارة وانحرافها وتصادمت من الإمام والخلف ولم يفتح ولا وسادة هوائية.

عموما الصني مش ياباني ولا تمت لليابان بصلة.
دا غير تقفيلها السيئ الي مش حتكلم عنه. انا بتكلم بس علي الأساسيات والأمان فقط.

وربنا يقينا جميعا شر الحوادث.

[Beam28]

بالنسبة لموضوع الحوادث فاحنا بنشوف حوادث لأغلى العربيات بي ام ومرسيدس وخلافه ومافيش عربية "مش ممكن" تعمل حادثة والرك في الاول والاخر عالسواق ثم ظروف الطريق وقدرات السيارة. انا لاحظت من وصف عدة ناس لحوادث الصني انهم بيحملوا ال abs كل الغلط وطبعا ال abs ليس مبعوث العناية الالهية عشان لما تسوق باستهتار ينقذك من القدر المحتوم!

انا ذهبت بنفسي وعملت اختبار قيادة للصني الجديدة في السبع وركزت على موضوع الفرامل وانا باسوق والعربية الصراحة اقنعتني جدا من حيث الاداء والنعومة وسلاسة القيادة وقوة الفرامل. اكيد ربع ساعة من القيادة مش كافية للحكم لكن الجواب يبان من عنوانه والعربية محترمة جدا كانظباع أولي.

[noureldinhasan]

بقالي فترة بادور على عربية جديدة اشتريها بعد ما بعت الآي تن اللي كانت معايا وكتر خيرها بس قررت ماركبش كوري تاني وعايز اركب حاجة ياباني (او من ريحة الياباني بالمقاييس الحالية مافيش ياباني 100% الا نادرا). المهم واحد صاحبي كان اشتري صني 2014 اول فئة اتوماتيك وكنت باركب معاه على طول بس كنت الصراحة مش مقتنع اوي بالعربية لحد ما طلعنا بيها مشوار طويل دمياط والصراحة كانت مريحة جدا ورائعة في السفر وعلى الطريق مطبات للصبح ولا الهوا والتكيف شغال تلاجة الله ينور. المهم يعني ابتديت اقتنع وقلت اطلع على اي معرض اتفرج على الفيس ليفت الجديدة وقد كان. رحت سمير ريان لقيتهم عارضين كل الفئات وشفت العربية على الطبيعة الصراحة يعني اتفاجئت الفيس ليفت الجديد عامل شغل حلو من برة. أول حاجتين قلت ابص عليهم عشان كانوا عاملين مشكلة في عربية صاحبي الكاوتش وتقل الباب في القفل. لقيتهم غيروا الكاوتش الماكسس وبقى بريدجستون والباب بقى افضل كتير من الاول ومش محتاج ترزعه عشان يتقفل. الصالون من جوة في السوبرصالون جميل جدا والفاميه الخلفي عامل شغل في الحر ده والقعدة عموما جميلة ومريحة. بصراحة العريية مقنعة جدا وزاد اقتناعي عن الاول. طبعا التخوف الوحيد من المشاكل اللي الاعضاء ذكروها زي الفرامل وخلافه بس كل ما افتكر الأي تن اقول عمر الصني ما هاتبقى اسوأ وكفاية في الأي تن كمبريسور التكيف وعلبة الدركسيون اللي باظوا والعربية لسة 60 الف كم.
المهم قلت برضه عشان ارضي غروري ابص عاللانسر الشارك. العربية حلوة بس تحس فيها انها قديمة ستايل قديم كده من عشر سنين فاتوا وطبعا ضيقة خصوصا في الخلف ومافيهاش ربع الكماليات اللي في الصني السوبر صالون واغلى بفارق يزيد عن 10 الاف جنيه. يعني مااعتفدش الفرق يستاهل الصراحة وغالبا هاكمل في سكة الصني.

انا بفكر بنفس طريقتك بالضبط كل اللي انت كاتبه بتفاصيله دار في دماغي و انا باخد قرار الشراء و فعلا انا لحد دلوقتي مقتنع ان الصني هي افضل سيارة بتحقق القيمة بالنسبة للسعر و فكرت كتير اجيب عربيات أغلي بس لحد مش مقتنع اني ادفع ثلاثين اربعين الف زيادة في عربية مش هاتديني اكتر من اللي هاخده في الصني غير ان شكلها عاجبني اكتر

[eng_amg]

بالنسبة لموضوع الحوادث فاحنا بنشوف حوادث لأغلى العربيات بي ام ومرسيدس وخلافه ومافيش عربية "مش ممكن" تعمل حادثة والرك في الاول والاخر عالسواق ثم ظروف الطريق وقدرات السيارة. انا لاحظت من وصف عدة ناس لحوادث الصني انهم بيحملوا ال abs كل الغلط وطبعا ال abs ليس مبعوث العناية الالهية عشان لما تسوق باستهتار ينقذك من القدر المحتوم!

انا ذهبت بنفسي وعملت اختبار قيادة للصني الجديدة في السبع وركزت على موضوع الفرامل وانا باسوق والعربية الصراحة اقنعتني جدا من حيث الاداء والنعومة وسلاسة القيادة وقوة الفرامل. اكيد ربع ساعة من القيادة مش كافية للحكم لكن الجواب يبان من عنوانه والعربية محترمة جدا كانظباع أولي.

انا لا ألوم السيارة انها عملت حادثة. ومفيش فعلا عربية كبيرة علي حادثة
ياريت اقرأ كلامي الأول وبعدين تعقب.
انا كلامي محدد جدا في 3 خواص لا يعملوا في أكثر من موقف - وسائد هوائية - ABS - EBD

يعني ايه علي سرعة 80 كم/س الفرامل متمسكش والعربية تزحف زي بالظبط مكون سائق 128؟

ويعني ايه الحادث الي قدامك دا الوسائد الهوائية لا تفتح ولما أكلم التوكيل أقولها العربية مدمرة من الأمام والخلف يقولي معلش ممكن يكون السينسور محسش بالخبطة. ..بالزمة دا كلام؟؟

وبعدين انا عارف كويس يعني ايه Abs وحدوده ايه. انا معايا لانسر وفيكترا ولما بدوس فرامل فوق 100 مفيش حاجة اسمها العربية تتزحلق وتصفر علي الأرض أو تنحرف من مسارها.

عموما انا مش عايز أدخل في جدال. بس حبيت أوضح حاجة قد تهم البعض.

[Beam28]

النهاردة سقت سيارة صديقي الصني (وهي موديل 2014 وعاملة 15 الف كم) كزيادة توكيد والعربية ماشاء الله ممتازة وأن شاء الله على آخر الاسبوع تكون معايا