ابيع العربيه يعني!!!

[hotmail]

انا معي صني 98 كان اشتراها والدي على الزيرو بصراحه عربيه ممتازه ليس لها عيوب تذكر و كنت ومازلت بشتري لها فطع غيار الاصليه لغايه امس كنت بغير زيت الموتور و الفلتر ذهبت لمودرن موتورز فوجئت بيقولي ان مفيش فلتر واكثر من كده ان قطع الغيار الخاصه بها مش موجوده على قاعده البيانات (system) العربيه انا لم اغير قطع غيار كثيره للسياره باستثناء سير الكاتينه وتيل الفرامل وغيرها من قطع الغيار المتكرره التغيير ( البوجيهات فلتر الهواء) لكن انا بكلم على المستقبل لو لنا عمر خاصه ليس هناك نيه للبيع مع العلم ان العربيه قطعت 186000 كيلو متر ارجوا الاستشاره

[ayaamna]

اكيد ها تتلاقى قطع غيار فى اماكن كتير وخاصة انها يبانى ودور فى التوفيقيه اكيد
ها تتلاقى وخاصة انك بتشكر فيها

[hotmail]

شكرا على الرد انا اعرف صاحبي كان ناوي يشتري التيدا لكن بسبب اللي حدث معي غير رأيه في النيسان بشكل عام

[ayaamna]

اللى اعرفه ان اغلب اليابانى و الصنى من العربيات اللى ليها
قطع غيار متوفره
انا اخويه عنده متسوبيشى جالنت ولسه جايبلها عفشه زيرو وتقريبا موديل 73
بس حضرتك اتعب شويه ودور على النت ان شاء الله ها تتلاقى وخاصة من كلام حضرتك ان العربيه خساره مش ها تتعوض الا فى حالة الجديد بس والله اعلم

[hon]

للاسف سياسة شركات والمطلوب ان سيادتك لاتقتنى سيارة لاكثر من 10 اعوام وذلك لضمان استمرارية الموديلات وعدم بوار السلع مع العلم زى ما حضرتك بتقول عربية بدون مشاكل ودا يدايق اى توكيل اوى يعنى مش حتصرف على العربية ولا حتدفع البواكى الى الناس بتدفعها فى عربيات زيرو وفيها مشاكل بالجملة
نصيحة لا تفرط بالصنى اليابانى فانها كالذهب ولو على قطع الغيار حتلاقى عند التجار واصلى وفكك من التوكيل
تحياتى

[hotmail]

على فكره التوكيل خاسر على المدى البعيد اختي كانت هتشتري التيدا الشكل الجديد 2015 لكن بعد اللي حصل معايا رجعت في كلامها

[Abo_Mazen]

وحضرتك إيه اللي رابطك بالتوكيل ؟؟؟...إنزل السوق وإتعامل في قطع الغيار ...مع إن مودرن موتوزر بتاع الإسكندرية فرع القباري كان واحد رايحلهم بسوزوكي بالينو موديل 98 عشان قطمة دريكسيون ..عملوا له طلب شراء وقالوله هنبعت نجيبها من القاهرة ..تقريبا كده هي سياسة مراكز خدمه ..مش توكيلات بصفة عامة ..آه ..ونفس الفرع برضه بتاع مودرن موتوزر فرع القباري ..كان بيصلح عربية فيتارا 94 ..وكان فيها كاربراتير فيه مشكلة ..وقالوا لصاحبها إنزل السوق هاته إستعمال وإحنا نركبه ليك ..

[ENG.MaRk]

أعتقد قطع غيارها موجودة في الحرفيين و التوفيقية

[hotmail]

انا قصدي ان التوكيل لازم يوفر قطع الغيار خاصه ان الموديل مازال موجود في الشوارع انا عارف ان هناك قطع غيار موجوده في السوق نعم مش اصليه لكن ممكن تكون ياباني او كوري وايضا انا عرفت ان هناك موقع على الانترنت من خلاله تشتري قطع الغيار الاصليه بشرط ان يتم تسجيل الرقم المتسلسل(series number )لكن كنت بطرح المشكله عليكم