عربيتى بتحدف يمين اعمل ايه

[Amr81]

السلام عليكم
عربيتى صنى 2008 عمله حوالى 18000 كم
من حوالى اسبوع لاحظت انها بتحدف يمين
مش عارف اعمل ايه اروح التوكيل ولا اروح اظبط زوايا فى اى مكان كويس
وفيها مشكله لو مشيت بيها كده لحد صيانة ال 20000
شكراااا

[mo7a_mo7a]

هو انت لازم توصفلنا بتحدف قد ايه بالضبط والحكاية دي علي السرعات العالية بس ولا في كل السرعات؟؟؟؟
واذا كنت بتحس برجة في العربية ولا لا
ولو جيبت شمال سنة العربية بتستمر تحدف ولا لأ

عموما المشكلة دي ممكن تكون مشكلة ترصيص او كاوتش في الغالب
واجابتتك حتحدد
اذا كانت كده فعلا ولا لأ
لان الاسباب ممكن تكون كتير من اول العيوب الصغيرة لحد مشاكل العفشة والمقصات او الكبالن
لكن انا لو مكنك حروح التوكيل فورا مدام العربية في الضمان لان المشكلة ممكن تكبر اذا كنت بتحس برجة
ولكن عامة انا شايف انها حاجة بسيطة جدا وان شاء الله تتظبط بسهولة

[Amr81]

هو انت لازم توصفلنا بتحدف قد ايه بالضبط والحكاية دي علي السرعات العالية بس ولا في كل السرعات؟؟؟؟
واذا كنت بتحس برجة في العربية ولا لا
ولو جيبت شمال سنة العربية بتستمر تحدف ولا لأ

عموما المشكلة دي ممكن تكون مشكلة ترصيص او كاوتش في الغالب
واجابتتك حتحدد
اذا كانت كده فعلا ولا لأ
لان الاسباب ممكن تكون كتير من اول العيوب الصغيرة لحد مشاكل العفشة والمقصات او الكبالن
لكن انا لو مكنك حروح التوكيل فورا مدام العربية في الضمان لان المشكلة ممكن تكبر اذا كنت بتحس برجة
ولكن عامة انا شايف انها حاجة بسيطة جدا وان شاء الله تتظبط بسهولة

شكرا يا باشا على الرد
هى بتحدف لما اكون ماشى فوق ال 60 ولم اجيبها شمال سنه واسيب ترجع تانى
وبتحدف حاجه بسيطه يعنى انا مكونتش واخد بالى من الموضوع الأول
وبالنسبع لموضوع الرجه مفيش اى رجه العربيه طبيعيه تماما

[tebeeb]

راجع ضغط الهواء في العجلات الأول، ولو سليم ممكن ضبط الزوايا يفيد

[elmadawy]

انا شايف ان العمليه بسيطه اوي وزي ما قاله الزملاء قبلي انك تعمل زبظ زوايا عند محل يكون كويس بتاع كوتش