محتاج مساعدتكم يا رجاله نيسان

[ahmedknze]

عندى العربية بقالها اسبوع بلاقى قربه الميه فاضيه اشتريت مايه خضراء وكل يوم بلاقيها بتنقص من غير ما يكون فيه تسريب ولما بشغل التكييف الحرارة بتعلى قوى ولما بطفيه بترجع تتظبط لو فيه مايه لسه فى القربه وساعات المياه فى القربه بتزيد عن الحد الاقصى بكتير وانا مش ببقى ماليها على الاخر

[Ahmedo0o]

أكيد فيه تسريب
شيك على المواسير وإنتا واقف ، ودور العربيه وشيك تانى وإنتا واقف برده وشغل التكيف والعربيه دايره
وإنتا واقف متحركشى العربيه

[Abo_Mazen]

وساعات المياه فى القربه بتزيد عن الحد الاقصى بكتير وانا مش ببقى ماليها على الاخر

عشان الحته دي بس ..هقولك دي يا مشكلة غطا ريداتير ..يا وش السلندر بينفخ عندك هوا في دورة التبريد

[hatahet]

بص يا كبير خطوات الكشف على اسباب ارتفاع الحرارة
1- اتاكد ان مفيش اى تسريبات بتحصل فى الدايرة بتاعت المايا خارجيا بمعنى مية الردياتير او اى وصلات بهرب
2- دور العربية و سيبها تسخن و راقب عداد الحرارة و شوف المروحه بتاعة الردياتير هتشتغل امتى و الثرموستات هيفتح امتى
عشان نتاكد انهم شغالين مظبوط
3- بطل العربيه و سيبها تهدى شويه و افتح غطى زيت المحرك و شوفو ازا كان الغطا من جوا او ريحة الزيت مفحم ولا لا عشان لو مفحم يبقى فى تسريب مياه لزيت المحرك من قلب السيلندرات ودا معناه جوان
4- ممكن تفك البوجيهات وتشوفها اذا كانت مرطبه ولا لا بمعنى عليها صدى
5- دور المحرك و انت فاتح غطا الردياتير وراقب المياه لو فيها فقاقيع كتيرة زى فوران فدا يبقى المياه بتتسرب اكيد داخل المحرك ( ممكن نتاكد انه جوان وش السلندر )