مشكلة فى كاسيت نيسان صنى 2015

[eg.medo]

الحمد لله بنتى كانت بتعلب فى العربية فحطت قطعة عملة فى السى دى
ومن وقتها لو شغلت السى دى او الراديو مع كل هزة خفيفة السماعات بتعمل صوت جامد تقريبا العملة بتعمل قفلة جوه ولا حاجة وتفضل تعمل صوت تخبيط
أفيدونى أعمل أيه؟
أفكها واطلعها ازاى؟
ولا اوديها التوكيل ولا أيه؟ ولو أنه بعيد عنى عشان أنا فى الإسماعيلية..
أنا حاليا مش بشغل السى دى أو الراديو وسايبها كده وربنا يستر

[cheetos_892005]

اي محل كاسيت هيفكه و يقلبه هتطلع
او لو قلبك جامد فكه انت

[eg.medo]

هشوف كهربائى وربنا يسهل
بس دى مالهاش علاقة بالضمان؟

[salam100100]

الحمد لله بنتى كانت بتعلب فى العربية فحطت قطعة عملة فى السى دى
ومن وقتها لو شغلت السى دى او الراديو مع كل هزة خفيفة السماعات بتعمل صوت جامد تقريبا العملة بتعمل قفلة جوه ولا حاجة وتفضل تعمل صوت تخبيط
أفيدونى أعمل أيه؟
أفكها واطلعها ازاى؟
ولا اوديها التوكيل ولا أيه؟ ولو أنه بعيد عنى عشان أنا فى الإسماعيلية..
أنا حاليا مش بشغل السى دى أو الراديو وسايبها كده وربنا يستر

سؤال بره الموضوع
النيسان صنى الشكل الجديد ولا القديم؟
لو الجديد .. ممكن لو تكرمت قلنا انطباعاتك عن العربيه ايه
انا بحاول اجمع اراء ملاك العربيه (مميزات وعيوب)
شكرا لحضرتك

[eg.medo]

الشكل الجديد
مبدأيا انا معنديش خبرة كفاية يعنى عشان أدى انطباع مفيد للناس
وحتى مش عارف فروق الشكل الجديد من القديم لانى ماجربتش غيرها
لكن اهم العيوب اللى شفتها هى دى:
الصاج خفيف وبيطبق بسهولة من اى حد يسند عليه
على السرعة العالية بحس ان العربية بتعوم خصوصا لو لوحدى ومش محمل
التقفيل متواضع شوية
الحزام وهو مفكوك بيخبط كتير عاملى قلق :)
المميزات:
الكنبة واسعة جدا حتى وانت مرجع الكرسى للاخر
عالية وبتريحنى فى المطبات
الفرامل حلوة ونفعتنى فى كذا موقف على عكس ما سمعت عنها وكنت خايف منها
والصيانة ممتازة فى مركز السبع المعادى
بس كده وبأكد تانى أنى مش صاحب خبرة أقدم رأى قوى ودى أول عربية جديدة وأوتوماتيك لي

[salam100100]

الشكل الجديد
مبدأيا انا معنديش خبرة كفاية يعنى عشان أدى انطباع مفيد للناس
وحتى مش عارف فروق الشكل الجديد من القديم لانى ماجربتش غيرها
لكن اهم العيوب اللى شفتها هى دى:
الصاج خفيف وبيطبق بسهولة من اى حد يسند عليه
على السرعة العالية بحس ان العربية بتعوم خصوصا لو لوحدى ومش محمل
التقفيل متواضع شوية
الحزام وهو مفكوك بيخبط كتير عاملى قلق :)
المميزات:
الكنبة واسعة جدا حتى وانت مرجع الكرسى للاخر
عالية وبتريحنى فى المطبات
الفرامل حلوة ونفعتنى فى كذا موقف على عكس ما سمعت عنها وكنت خايف منها
والصيانة ممتازة فى مركز السبع المعادى
بس كده وبأكد تانى أنى مش صاحب خبرة أقدم رأى قوى ودى أول عربية جديدة وأوتوماتيك لي

يافندم كل كلمه حضرتك ذاكرها ليها اهميه عندنا
المعلومات دى قيمه ودى انطباعات حضرتك عن العربيه وخبرتك معاها
شكرا ليك وشكرا لاهتمامك

انا معاك فى كل كلمه
بالنسبه للتعويم: انا ناوى اغير الكاوتش لما يتعب بمقاس 195*60*15 على نفس الجنط
هو حاليا المقاس 185*65*15
عن تجربه مالك صنى قابلته, هو غير الكاوتش ولاحظ بفرق وتحسن فالاتزان

وشكرا

[eg.medo]

العفو إحنا هنا بنسفيد من بعض ويارب نقدر نفيد بعض فعلا
والحمد لله فكيت الكاسيت وطلعو 3 عملات مش واحدة بس