اسعار قطع غيار صني الشكل الجديد أغسطس 2015

[skhater]

دي أسعار قطع غيار نيسان صني الشكل الجديد من التوكيل سألت عليها أمس

رفرف شمال خلفي 2750

رفرف امامي 1100

شنطة 3050

اكصدام امامي 1150

باب خلفي 3300


كشاف أمامي 1260

كشاف خلفي 825

فانوس فوجي 1370

دي قطع غيار محتاجها للعربية بعد الحادث

[OVERLINE]فيديو السيارة وشكلها بعد [/OVERLINE]الحادث https://plus.google.com/114309109423...09423545591113

[ahmad--ezzat]

فانوس فوج ب 1370 !!


من انهي اتجاه

[mif]

قدر الله و ما شاء فعل
الف سلامة على حضرتك و فداك طالما انت كويس
بس لو امكن تحكي تفاصيل الحادث لو امكن .

و لو حضرتك تحب تاخد فكرة عن موضوع كتبته من فترة عن صني بعد ما نزلت السوق بسنة تقريبا

http://www.nilemotors.net/Nile/405141-a.html

و ياريت تقرا كمان التعليقات لو امكن .

[skhater]

قدر الله و ما شاء فعل
الف سلامة على حضرتك و فداك طالما انت كويس
بس لو امكن تحكي تفاصيل الحادث لو امكن .

و لو حضرتك تحب تاخد فكرة عن موضوع كتبته من فترة عن صني بعد ما نزلت السوق بسنة تقريبا

http://www.nilemotors.net/nile/405141-a.html

و ياريت تقرا كمان التعليقات لو امكن .

جزاكم الله خيرا أخي الحبيب


الحادث بكل بساطة وانا ماشي في طريقي عادي بعد ما خرجت من منحني ببص علي عداد السرعة كان ساعتها 90 كم/ساعة وفجأة زوجتي قالتلي حاسب العمود كانت العربية زحفت علي الرمل اللي علي الاسفلت وببص كان بيني وبين العمود حوالي مترين رحت حادف نفسي بسرعة يمين لتفادي العمود وفعلن العربية رجعت علي الاسفلت تاني
بس فجأة لقيتها بتعوم مني ومقدرتش اتحكم فيها وتقلبت ناحية الشمال 3 أو 4 قلبات حسب كلام زوجتي لان مدرتش بحاجة الا والعربية بتتقلب وبقت علي جنبها اليمين والحمد لله طلعت من باب السائق اللي اصبح فوق وبمساعدة بعض الناس عدلنا العربية وطلعت زوجتي واولادي ببعض الكدمات في الصدر والركبة ولما لقيتهم واقفين وبيمشو بصعوبة قلت الحمد لله ربنا سلم وتغور العربية .

بعد ذلك بدأت معاناة الإصلاح للسيارة حيث عرضت الفيديو علي مهندس صيانة في توكيل نيسان قالي الصيانة هتعدي 50000 جنية ..قلت في نفسي ابيع العربية علي كده واحط ثمنها علي ال50 الف مقدمة عربية جديدة احسن
وبعد ذلك جبت سمكري معرفة يشوف العربية وقال ممكن تتكلف 18 الي 20 الف جنية وقلت اضيف عليهم 5000 يبقي كلها هتتكلف 25 الف جنية ولله الحمد.
واللي يجي في الريش بأشيش كما يواسيني الناس

ورحت التوكيل وسألت علي قطع الغيار المطلوبة وجبت سعرها في اول الموضوع وبدور علي استراد لان فيه ناس بتقول ارخص وكمان التوكيل بيستخدم قطع غيار غير أطلية فقلت مش فارقة

فاللهم لك الحمد ولك الشكر علي سترك ولطفك الجميل

[skhater]

فانوس فوج ب 1370 !!


من انهي اتجاه

فانوس الشبورة امامي شمال
انا اسغربت لما لقيت سعره اغلي من الفانوس الامامي!!!!

لو تعرف مكان اشتري منه قطع غيار استراد أو أرخص دلني عليه ... لأن الأسعار دي نار