If this is your first visit, be sure to
check out the FAQ by clicking the
link above. You may have to register
before you can post: click the register link above to proceed. To start viewing messages,
select the forum that you want to visit from the selection below.
يا ريت يا جماعة يكون الرد عن تجربة
انا معاية العربية من شهر 3 ماشي 12 الف كيلو و العربية تحفة
بنزين 92 مفيش أي مشكلة و التوكيل بيقول 92 عادي
انا شخصيا عشان موضع البنزين دة بحط نص و نص
بمعني 10 ...92 .....10 ....95
20...92....20....95
و زي الفل
بجد سعر الكوبلنين بتوعها فى التوكيل 17 الف جنيه جوك او قشقاى؟؟؟!!
يا سيدي الفاضل إزاي مفيش عليها طلب
والعربية أتوقف الحجز عليها لأن الحجز أصبح سنة قدام
كلام صحيح . التوكيل واقف الحجز و الكلام ده من كذا شهر . بسبب أن الكميات المحدده لمصر قليله و هي فعلا مش منتشره و ده لكذا سبب ،
1. اختلاف الآراء على موضوع البنزين .
2. موتور 1200cc تربو ... والمصري اصلا بطبعه طماع ي 1600cc يا اما بلاش . ولا بص على القدره الحصانيه و لا على العزم و لا توفير البنزين .
3. الكميه اللي بتدخل مصر منها قليله .. والله أعلم ليه .. وبالتالي جشع التجار و الأوفر برايس .
4. اسعار قطع الغيار اللي يبتحكي عليها و خد من دا فتى للصبح .
رأيي الشخصي و أنا لا أملك هذه السياره و بكل حياديه ... ركبتها في التوكيل و في معرض فورميولا. ... سياره محترمه و خامات أكثر من محترمه و بجد لولا الأوفر برايس كنت والله بعت عربيتي و اشتريت أعلى فئه فيها . وربنا يبارك لكل من يمتلك هذه السياره المحترمه .
القاشقاي مبيعاتها مش واقعة ولا حاجة. العربية دي بيعملها مصنع واحد بس بتاع سندرلاند في انجلترا.. العربية من أنجح سيارات الكروس أوفر في أوروبا تحديدًا (عشان هي من فئة المواتير الاقتصادية 1200 بنزين و 1500 ديزل). المصنع مش ملاحق على طلبيات الدول الأوربية اللي هم كتير وليهم أولوية عننا...ومصر للاسف في قاع الاهتمام بطلبياتها. بس ده شيء عيب من نيسان إنها تتجاهلنا برضه. عيب على نيسان تبقى قافلة الحجز والعربية مش معروضة في صالات الوكلاء أساسا... حقيقي شيء يدل على اهمال الشركة لعملائها... أنا منتظر أختها رينو كادجار تنزل السنة الجديدة واشتريها... لأني مش ها أفضل منتظر السيارة ولا أحجزها سنة ومش ها أدفع أوفر برايس في سيارة ابدا عشان شوية وكلاء جشعين وبرضه نيسان مصر واقفة بتتفرج عليهم وسايباهم يشتغلونا.
Comment