تجربة شراء كمبريسور من المول

[aymandos]

السلام عليكم
ده اول موضوع ليه في المنتدى
بس هي تجربة مهمة ولازم اشاركها معاكو
انا اشتريت نيسان صني من شهر ونص والحمد لله حتى الان الدنيا تمام
فكرت اروح كارفور المعادي بالعربية لاول مرة
واحنا بنلف في المول شوفت كمبريسور محمول بس لاقيت خاماته تعبانه ومعجبنيش
المهم بعد ما قضينا يومنا والحمد لله واحنا مروحين خرجت لاقيت العجلة الامامية يمين على الجنط
حاولت اشوف كمبريسور مع اي حد ملاقيتش
اضطررت اني ادخل عشان اشتري الكمبريسور اللي مكنش عاجبني في الاول
واشتريته ورجعت عشان انفخ الكاوتش
وصلته مكان الولاعة وشغلته ووصلته ببلف الكاوتش مفيش اي حاجة
وبايدي فحصت مخرج الهواء من الكمبريسور لقيته ضعيف جدا
حاولت تاني مفيش فايده
الحمد لله واحد من اصحاب العربيات خد باله من وجالي وقالي ان الكمبريسور ده ضعيف
وان اشتراه قبل كده وكان ضعيف برده
المهم كان معاه كمبريسور قوي ووصلناه ونفخنا العجلة والحمد لله
وقبل ما امشي روحت رجعت الكمبريسور
وديه كانت تجربتي مع الكمبريسور
وان شاء الله ناوي اشتري كمبريسور جديد

[طارق _عبد السلام]

هات واحد نضيف... لانك في وقت هتقول ان الكمبيروسر ده يستاهل وزنه فلوس.......... لانه بينقذ في اوقات صعبه جدا

[AHMEDJUDDY]

للاسف كل اللي في مصر .. صنع في الصين .. وتعبان اوي
احسن الوحشين كومبرسور 2 بستم شغال شويه .
او ممكن اي حد من برا مصر ممكن يجيبلك حاجه محترمه .

[Mecha]

او هات الاستبن

[aymandos]

كمبريسور جيد

لو حد يعرف نوع كويس من برة يا ريت يقولنا عليه

[aymandos]

او هات الاستبن

انا فعلا معايا استبن بس تغييره الكاوتش موضوع صعب
اعتقد الكمبريسور اسرع واسهل

[abokoko]

7هات كمبروسر 2 بستم
غالبا ثمنه فوق ال200 جنيه
قيمته وقت الزنقه اغلي من اي فلوس

هات اللي بيشتغل مباشره علي البطاريه
لاني بخاف من اللي بيشتغل علي الولاعه ممكن يعمل قفله او اي مشاكل

اللي بيشتغل علي البطاريه توصل الكمبروسر وتشغل العربيه
وبعدين تشغل الكمبروسر

[juba8]

7هات كمبروسر 2 بستم
غالبا ثمنه فوق ال200 جنيه
قيمته وقت الزنقه اغلي من اي فلوس

هات اللي بيشتغل مباشره علي البطاريه
لاني بخاف من اللي بيشتغل علي الولاعه ممكن يعمل قفله او اي مشاكل

اللي بيشتغل علي البطاريه توصل الكمبروسر وتشغل العربيه
وبعدين تشغل الكمبروسر