مشكله طارئه فى نيسان صنى 2013

[kokyg2010]

السلام عليكم ورحمه الله وبركاته
النهارده حصلت معايا حاجه مش لطيفه
فى لمبه فى التابلوه نورت اصفر شكل الموتور

انا ركنت العربيه ومرضتش امشى بيها وحجزت صيانه يوم السبت بس مش عارف ديه معناها ايه وهل امشى بالعربيه لحد يوم السبت ولا لا ؟؟؟

[salam100100]

احسن حاجه حضرتك عملتيها انك حجزتى وهتوديها الصيانه

محدش ابدا يقدر يقول ايه المشكله
لازم العربيه تتوصل على الكومبيوتر وهو اللى يقول المشكله فين
غير كدا يبقى فتى او اجتهاد شخصى فى غنى غنه

ثانيا
اللمض فالتابلوه ليها الوان
اللون البرتقالى يعنى فى مشكله, تقدرى تمشى بالعربيه بس لازم تكشفى فالقريب العاجل (check engine- ABS.......)
اللون الاحمر: خطر. وقفى العربيه حالا (زر لمبه الزيت- او سخونه الموتور- او فرامل اليد مرفوعه)

[moha sasa]

لما العربيه تتحط على الكمبيوتر تقلك على ايه إللى فيها

[Hossam Rashed]

فى اعراض حصلت فى العربية مع المشى ولا اللمبه نورت بس ومفيش حاجة ملحوظة ؟؟

[salam100100]

فى اعراض حصلت فى العربية مع المشى ولا اللمبه نورت بس ومفيش حاجة ملحوظة ؟؟

فعلا دا سؤال مهم جدا
ايه اللى جد جديد او اتغير ولا اللمبه نورت لوحدها؟

هدى مثل سريع
اللمبه نورت بسبب حاجه بسيطه جدا مش هتصدقوها
اللميه نورت بعد ممونت وحطيت بنزين ومشيت شويه بالعربيه !!!!!!!!!!!!!!!!

العيب كان ان غطاء تنك البنزين مش مقفول كويس
الضغط جوه التنك قل, ففى اكيد حساس بلغ الكومبيوتر ان فى حاجه غلط عشان كدا اللمبه نورت