صنى 2016 سعرها زاد اليوم

[abokoko]

اختى كانت حجزت صنى 2016 اول فئة اوتو ب110 فى المصرية
اتصلوا بيها قالوا السعر زاد الى 114
ومفروض الاستلام على السعر الجديد غدا
وكمان اللون النبيتى اللى هيا طالباه مش متوفر حاليا

اتصلنا بتوكيل اباظة - قال اليوم فقط ممكن تدفعوا حجز 5 الاف ويتكتب عقد شراء بسعر 112
والاستلام الاسبوع القادم وبسعر 112 بناء على عقد الشراء
فهل الكلام ده صحيح ان السعر لن يتغير لو دفعت ال5 الاف والاستلام الاسبوع القادم
ولا هيتغير السعر عند الاستلام

[AHMEDJUDDY]

المصريه عملوا معايا نفس الكلام ده بالظبط من 4 سنين و اضطريت ادفع و خلصت و بعدها العربيات ولعت تااني و بعد سنه و نصف بعت العربيه بمكسب 3 الاف جنيه بعد استعمال 25000كم . رأيي روح اوتو سمير ريان برده .. مكان كبير و مشهور وعنده اي حاجه انتا عايزها و لو لقيتها فاصل معاه و قوله انك لقيت السياره بسعر اقل عند المصريه و اباظه و هينزلك السعر شويه .

[abokoko]

ايه راى حضرتك فى كلام اباظه
انه يحجز ب 5 الاف ويكتب عقد شراء ويلتزم بالسعر
حتى لو زادت الاسعار عند الاستلام السبوع القادم

؟؟

[blue viel]

ايه راى حضرتك فى كلام اباظه
انه يحجز ب 5 الاف ويكتب عقد شراء ويلتزم بالسعر
حتى لو زادت الاسعار عند الاستلام السبوع القادم

؟؟

انا فهمت من كلامه ان المصرية قالوله ان مش هيبقا فيه زيادة ورغم كدا زودوا واضطر يشترى ويخلص...فممكن اباظة يعمل كدا برضه

[abokoko]

من دقايق اتصلنا بالمصريه وقلنا لهم على عرض اباظة اللى ب 112
ورجغوا اتصلوا وقالوا اخر سعر 113.5
غالبا اختى الصبح هاسحب فلوس الحجز من المصرية وهنروح نشتريها من اباظة

[Ah.Farid]

عند الابيض موجودة مشتريها امبارح لواحد صاحبى ب 110 بس اللون اللى متوفر كان الاسود


نصيحة وانت بتتعامل مع اى بياع فى اى معرض ....خد سعر ومواصفات اللى موجود فى اى معرض ونفذ فى نفس اليوم واوعى تدفع عربون او مقدم حجز لان كدة انت بقيت تحت ايدة وهو اللى هيزهقك .....وكل البايعين عارفين الطريقة ان يطلعلك اى حجة يخليك تنتظر وبعدين يقولك دة غليت والحق قبل ما تغلى تانى والدولار والمصنع والسوق و و و و.....
اولا لازم تأكد على الكلام فى الاول ان العربية عندك ولا لا .....يعنى مش فى المخازن ....او جاية من المصنع بالليل او اى كلام .....وسعرها كام دلوقتى مش بكرة او بعد ساعتين
واللون اللى موجود اية ....وتطلب تشوفة .....وتتفرج وتنفذ لان كلهم فى الاول هيقولوا نفس الكلام .....السعر الرسمى كذا والعربية موجودة وهجيبهالك بس اللون او الفرش او اى كلام هاحاول اظبطهولك

انت تسأل وتتكلم فى كل حاجة بالتليفون وبعين تروح نازل علية بالبارشوت وتكون مجهز معاك فلوسك وتخلص وتستلم فى نفس اليوم ....ويادار ما دخلك شر ....غير كدة انت اصبحت فريسة لان يعشمك ويفرحك كل يوم وبعدين هوباااااااا السعر العالمى الدولى زاد ودة خارج عن ارادتنا طبعا ....تحب احجزلك ولا تستنى تقولة هفكر وارجعلك ....اول لما ترجع يقولك يا خبر دة السعر زاد تانى بس انا هاحاول اخبلك بالسعر القديم وهلم جرا

[abokoko]

كلام جميل - لكن -
انا مش فى القاهره
جميع المعارض هنا بتقول لك احجز وانا اجيبها لك بعد كام يوم

حتى لو عرضت عليه السداد كاش فورا

---

اباظة بيقول انه هيكتب عقد شراء عن طريقى دفعة الحجز وبيقول انه بعقد الشراء هيكون ملتزم بالمبلغ اللى موجود فى العقد علما بان مبلخ الحجز فى عقد الشراء 5 الاف وعلما بانه رفض ياخد المبلغ كامل !!

[abokoko]

انا محتاج الرد على جزأية اباظه بالذات
لاننا يفترض هنروح له غدا

[amr011111]

هينكتب سعرها فى الايصال اللى هيدهولك ومش هيكتب ان سعر الاستلام حسب الوقت

[svneleven]

العقد شريعة المتعاقدين. عشان تضمن انه مش هيغلي عند الاستلام شوف مكتوب ايه في العقد.

[blue viel]

عند الابيض موجودة مشتريها امبارح لواحد صاحبى ب 110 بس اللون اللى متوفر كان الاسود


نصيحة وانت بتتعامل مع اى بياع فى اى معرض ....خد سعر ومواصفات اللى موجود فى اى معرض ونفذ فى نفس اليوم واوعى تدفع عربون او مقدم حجز لان كدة انت بقيت تحت ايدة وهو اللى هيزهقك .....وكل البايعين عارفين الطريقة ان يطلعلك اى حجة يخليك تنتظر وبعدين يقولك دة غليت والحق قبل ما تغلى تانى والدولار والمصنع والسوق و و و و.....
اولا لازم تأكد على الكلام فى الاول ان العربية عندك ولا لا .....يعنى مش فى المخازن ....او جاية من المصنع بالليل او اى كلام .....وسعرها كام دلوقتى مش بكرة او بعد ساعتين
واللون اللى موجود اية ....وتطلب تشوفة .....وتتفرج وتنفذ لان كلهم فى الاول هيقولوا نفس الكلام .....السعر الرسمى كذا والعربية موجودة وهجيبهالك بس اللون او الفرش او اى كلام هاحاول اظبطهولك

انت تسأل وتتكلم فى كل حاجة بالتليفون وبعين تروح نازل علية بالبارشوت وتكون مجهز معاك فلوسك وتخلص وتستلم فى نفس اليوم ....ويادار ما دخلك شر ....غير كدة انت اصبحت فريسة لان يعشمك ويفرحك كل يوم وبعدين هوباااااااا السعر العالمى الدولى زاد ودة خارج عن ارادتنا طبعا ....تحب احجزلك ولا تستنى تقولة هفكر وارجعلك ....اول لما ترجع يقولك يا خبر دة السعر زاد تانى بس انا هاحاول اخبلك بالسعر القديم وهلم جرا

بس مش صعب يعنى ان الواحد يمشي بمبلغ كدا وهوه لسه بيتفرج ولسه هيسال ويشوف الالوان اللى موجودة ايه؟؟

[medozaed]

طيب ماهى موجوده فى التوكيل استلام فورى فى مودرن موتور فى جوزيف تيتو الكلام ده من 10 ايام

[abokoko]

بس مش صعب يعنى ان الواحد يمشي بمبلغ كدا وهوه لسه بيتفرج ولسه هيسال ويشوف الالوان اللى موجودة ايه؟؟

[abokoko]

انا في المصريه حاليا
العربيه مش موجوده او علي الاقل مسقعينها علشان الطلب عليها
تحس انهم بيلعبوا بالعميل من ناحيه اللون والسعر
اعتقد ان الامر لا يندرج ابدا تحت بند التجاره شطاره

[abokoko]

طيب ماهى موجوده فى التوكيل استلام فورى فى مودرن موتور فى جوزيف تيتو الكلام ده من 10 ايام

اولا انا مش في القاهره
ثانيا من ١٠ ايام حاجه وامس واليوم حاجه تانيه
الاسبوع الماضي كانوا بيعرضوا العبيه
اليوم بيخبوا العربيه