إعـــــــلان

Collapse

.

,
See more
See less

نيسان صنى 2016 سوبر صالون ..مشكلة الفرامل

Collapse
X
 
  • Filter
  • الوقت
  • Show
Clear All
new posts

  • نيسان صنى 2016 سوبر صالون ..مشكلة الفرامل

    السلام عليكم
    هو سؤال انى سمعت انه تم حل مشكلة الفرامل فى الصنى 2016 الجديدة ؟؟ دا صح؟؟؟
    وسؤال تانى اية الفرق بين السوبر صالون وبين العادية ؟؟؟
    وفى تغيير فى الشكل فى الموديل الجديد ؟؟؟
    واخبار التقفيل والخامات اية ؟؟
    والعزل كمان اية وضعه ؟؟
    والثبات سمعت عنه البدع فى اى تعديل او لحد كام ثابته ؟؟؟
    شكرا ليكم

  • #2
    متابع

    Comment


    • #3
      المشاركة الأصلية كتبت بواسطة unoman مشاهدة المشاركة
      السلام عليكم
      هو سؤال انى سمعت انه تم حل مشكلة الفرامل فى الصنى 2016 الجديدة ؟؟ دا صح؟؟؟
      وسؤال تانى اية الفرق بين السوبر صالون وبين العادية ؟؟؟
      وفى تغيير فى الشكل فى الموديل الجديد ؟؟؟
      واخبار التقفيل والخامات اية ؟؟
      والعزل كمان اية وضعه ؟؟
      والثبات سمعت عنه البدع فى اى تعديل او لحد كام ثابته ؟؟؟
      شكرا ليكم
      بالنسبة لمشكلة الفرامل التوكيل والمعارض كلها بتاكد انه تم حلها وحتى الان لم نسمع من الملاك الجدد (اللى انا منهم) انه فيه اى مشكلة فى الفرامل
      الشئ اللى الناس ممكن تستغربه شوية فى فرامل الصنى انه مشوار دواسة الفرامل كبير مقارنة بالالنترا او السيراتو مثلا يعنى بعنى تانى دواسة الفرامل مدياك تعامل اكثر حساسية مع الفرامل لكن لما تدوس جامد العربية بتكلبش فى الطريق بعنف من غير زحف نهائى
      بالنسبة للفيس ليفت 2016 فيه 3 فئات
      الفئة الاولى اوتوماتيك بـ 110 الف ودى نقدر نقول عليها فاضية (حنوط طاسات - اشارات فى المرايات)
      الفئة الثانية اوتوماتيك بـ 117 الف ودى بتبقى (جنوط اسبور 16 بوصة - سبويلر - زجاج خلفى غامق - طارة مالتى فنكشن - اشارات فى المرايات)
      الفئة الثالثة سوبر صالون اوتوماتيك بـ 125 الف فى التوكيل وبـ 130 الف فى المعارض ودى بتزيد على الفئة الثانية بـ (كاسيت بلوتوث - مرايات ضم كهرباء - عدادات متطورة - صالون مطعم بالكروم - مفتاح ستارت اينجن - تكييف تاتش - حساسات ركن خلفية)
      الاسعار دى من اول اكتوبر مش عارف دلوقتى وصلت كام
      بالنسبة للفئة الاولى والثانية موجودة فى المعارض والتوكيل ومتوفرة بنفس السعر فى كل مكان انما بالنسبة للسوبر صالون مش موجودة فى التوكيل وعلشان كدة سعرها اغلى فى المعارض

      فيه تعديل فى الشكل بسيط بين الشكل العادى والفيس ليفت 2016 يعنى اصبح شكلها افضل بكتير من وجهة نظرى

      العزل والخامات مرضى جدا بالنسبة للسعر اكيد

      اما بقى نقطة التخويف الكبيرة وهى الثبات فدى عايزة كلام تانى

      انا قبل مااشترى طلبت من زميل ليا معاه الصنى السوبر صالون مو 2013 انى اجربها واجرب ثباتها
      وفعلا اخضت عربيته وطلعت جربتها على اول اسكندرية الصحراوى لوحدى والعربية فاضية بالكاوتش اللى كانت بتنزل بيه زمان (مش فاكر اسمه بس كله كان بيشتكى منه)
      العربية التسارع بتاعها ممتاز وياسلام بالـ Overdrive الثبات شغالة لحد 160 كم مش حاسس ان العربية بتعوم او بتتمرجح يعنى ثبات مرضى جدا جدا

      بعد ما اشتريت (يعنى لسة بلين ومش عارف اجرى براحتى)
      جربتها على طريق مصر الاسماعيلية طبعا التسارع لسة مخنوق شوية بس كويس بدون مجهود جبت بيها 140 كم (كاوتش الفيس ليفت بريدجستون) والثبات ممتاز جدا بس ناوى كمان شوية اجيب الكاوتش العريض سنة علشان الكاوتش بتاعها رفيع

      نصيحة اسال حد ركب العربية مش حد سمع عنها وحاول تجربها لو تعرف حد معاه العربية دى

      اتمنى انى اكون قدمت ليك افادة

      Comment


      • #4
        السلام عليكم
        انا معى نيسان صنى 2013 و قلت ارد عليك باللى اعرفه
        1- مشكلة الفرامل
        انا معنديش اى مشكلة مع الفرامل , مثلا الفرامل بتنزل سرعتى من 120 الى 20 فى مسافة تقريبا 100 متر و بكون دايس دوسة عادية يعنى مش جامدة او ضعيفة, يعنى لو دوسة اقوى هتقف اسرع
        بالنسبة لكلام اخونا reddragonmezo عن ان دواسة الفرامل مشوارها كبير فده بيكون بسبب ان الفرامل الخلفية بتكون عايزة ريجلاش, كانت فعلا عندى مشوارها كبير نسبيا و رجلشت الفرامل الخلفية و الفرامل عليت معايا
        2- الثبات
        انا اقصى سرعة جبتها حوالى 145 و العربية كانت كويسة, و بصراحة انا جبت السرعة دى علشان اجرب العربية بس انما انا مشى الطبيعى بتاعى اخرى 120 و التسارع بتاعها جميل و الكيك داون رائع
        3- العزل و الخامات
        انا عاجبانى و كويسة جدا بالنسبة لى, لازم تلاحظ برضه ان دى ارخص عربية فى فئتها يعنى مش هتبقى مرسيدس يعنى
        4- التغير فى الشكل
        فيه تغيير بسيط من الامام و تغيير بسيط فى الاكصدام الخلفى و اخونا reddragonmezo افاض و شرح الفرق بين الفئات , و انا من رايى ان وش القديمة اجمل من وش الفيس ليفت (دى اراء شخصية)

        اللى انا ملاحظه ان اى موديل بينزل جديد بيطلع عليه سمعة مهببة زى النترا 2008 مثلا اول لما طلعت,
        و ازيدك, فيه ناس قالتلى عفشتها ناشفة و انا شايف ان عفشتها جميلة, وواحد بيقوللى دى بتتقلب لو بتاخد ملف على سرعة 100 مش عارف هو انا بشترى فيرارى و جربت فى مرة ملف دايرة كاملة ضيقة جدا على سرعة 60 و كانت عادى

        Comment


        • #5
          و الحاجة الجميلة بقى انى ماشى ببنزين 80 بدون اى مشاكل او ضعف فى السحب او زيادة فى الاستهلاك
          انا بفول العربية كل نص تانك يعنى مش بسيبه يفضى خالص, و كل 3 او 4 مرات بنزين 80 بحط مرة بنزين 92

          Comment


          • #6
            شكرا لكل ملاك الصنى المحترمين

            شكرا لمشاركتكم وايضاح مميزات وعيوب السياره من وجهن نظركم

            انا معنديش حاجه اقولها بعدكم غير حاجه تافهه جدا

            الرجاء تحديث البروفيل الخاص بكو وايضاح السياره المملوكه


            نصيحه لكل مشترى (اى عربيه) متكتفيش بالنت والمعلومات اللى فيه, اسأل ملاك العربيه على الطبيعه ولو نفع تجرب تسوقها

            شكرا

            Comment


            • #7
              انا لسه مكلم خدمه العملاء على 19244 اليوم 9 نوفمبر كنت بسال على سعر الصنى بعد الذياده عشان اخويا هيجبها.
              الاسعار: 110و 117و125 الف

              تجميع الصنى مازال مستمر بجانب السينترا

              ال125 دى صوبر صالون ذياده زرار ستارت ستوب انجن
              حبيت ابلغكم باللى وصلتله

              Comment


              • #8
                شكرا جدا ليكم
                انا فعلا محتار جدا
                اجيبها ولا اجيب لوجان
                ألاتنين بنفس السغر تقريبا
                وفعلا محتار جدا ,,
                فى اى مقارنه بينهم بس بالتعديلات الجديدة بتاعه الصنى لان كل المقارنات على العيوب القديمة الى تخلى الواحد يهرب منها
                شئ تانى معلشى
                موضوع العزل اية اخبارة بالله عليكم ؟؟؟؟

                Comment


                • #9
                  انا النهاردة فكيت موكيت جزء من الارضية علشان مياه وقعت على الارض , لقيت الارضية عبارة عن موكيت و تحته لباد من نوع تخين غير اللى بيتباع و على الصاج فيه فل زى اللى بيبقى على الاجهزة الكهربائية الجديدة معمول قطع واخد مساحة الدواسة بالظبط

                  Comment


                  • #10
                    المشاركة الأصلية كتبت بواسطة unoman مشاهدة المشاركة
                    شكرا جدا ليكم
                    انا فعلا محتار جدا
                    اجيبها ولا اجيب لوجان
                    ألاتنين بنفس السغر تقريبا
                    وفعلا محتار جدا ,,
                    فى اى مقارنه بينهم بس بالتعديلات الجديدة بتاعه الصنى لان كل المقارنات على العيوب القديمة الى تخلى الواحد يهرب منها
                    شئ تانى معلشى
                    موضوع العزل اية اخبارة بالله عليكم ؟؟؟؟
                    عزل الصوت محترم جدا تبعدك عن دوشة الشارع تماما
                    الحرارة لسة ما جربتوش الصراحة

                    Comment


                    • #11
                      شكرا ليك
                      فعلا فالظروف دا والغلو الغريب للاسعار ,, بقت هى اختيار قوى اوى

                      Comment


                      • #12
                        معلش يا جماعه اللي معاه العربيه موديل ٢٠١٦ بقولنا عامله ايه ؟؟ و ينصح اننا نجيبها ولا

                        Comment


                        • #13
                          المشاركة الأصلية كتبت بواسطة mohamed aziim مشاهدة المشاركة
                          معلش يا جماعه اللي معاه العربيه موديل ٢٠١٦ بقولنا عامله ايه ؟؟ و ينصح اننا نجيبها ولا
                          معايا 2015 وكويسه جدا
                          طيب حطها فى مقارنه مع العربيات الثانيه اللى محيراك ونقدر نفيد حضرتك

                          Comment


                          • #14
                            نيسات صنى 2016 سوبر صالون تعتبر صفقة ناجحة من الدرجة الاولى ... سعرها 157000 جنية مصرى







                            Comment


                            • #15
                              انا محتار بينها وبين رينو لوجان اوتوماتيك أعلى فئة بالنافيجيتور.. رأيكم ايه بدون تحيز ياريت.. وشكرا

                              Comment

                              Working...
                              X