كاسيت تاتش لنيسان صنى 2013

[kokyg2010]

السلام عليكم ورحمه الله وبركاته
انا زهقت من كاسيت العربيه النيسان صنى 2013 وعايز اركب كاسيت تاتش وفيه gps ياريت لو فى حد عنده معلومات عن الماركات او الاسعار او اماكن الشراء يفيدنى افاده الله
وشكرا

[mummy_47]

اسال الوكيل عشان ممكن تخرج من الضمان...في ماركه اسمها سيمفوني وفيها كل حاجة وتركب على اي سيارة ....موجود عند سبير كار..تقريبا سعره 1800 يقل او يزيد مش فاكر.....(بس خلي بالك برنامج IGO هو اللي موجود) انتا عن نفسي بستخدم Route66 في الموبايل افضل وسهل جدا جدا وواجهته كويسة واعتقد افضل من IGO8 ......وانتظر باقي الاعضاء يفيدوك

شوف اللينك ده

http://www.nilemotors.net/Nile/419901-dvd-symphony.html

[kokyg2010]

تسلم ياباشا بس انا سمعت ان فى كاسيت بيركب على نفس الجاكات فمبيأثر على الضمان ولا حاجه

[ya3mm]

السلام عليكم ورحمة الله وبركاته
نفس احساس الزهق الي عندك من الكاست جالي وسالت على كاسيت تاتش ويكون فيه GPS وشوية حاجات لقيت ان سعره تقريبا زي ما قال الاخ kokyg2010 ، لكن ... من كام يوم ايام الجمعة البيضاء شفت جهاز جميل جدا على النت وفيه تاتش سكرين ودي في دي بيشغل جميل الامتدادات وميموري كارد وبلوتوث عشان التليفون وواي فاي عشان النت وكمان 3G عشان نت من خط موبيل وشغال بنظام اندرويد يعني ممكن كمان تنزل عليه برنامج التتبع ومعاه كاميرا خلفية وكل ده تقريبا بحوالي 210 دولار ، المهم اشتريته بس لسه ما وصلت ، باذن الله اول ما يوصل ححط صوره وطريقة تركيبه ومواصفاته كاملة والتكلفة الفعلية بعد الشحن والجمارك والرسوم وخلافه ... ادعيلي بس يوصل بسرعة وبالسلامة وتكون حاجته كلها كاملة وشغالة باذن الله
مع خالص التحية والتقدير

محمد

[kokyg2010]

الف مبروك ياباشا وفى انتظار الصور
لو عندك اللينك بتاعه او اسمه اشوف مواصفاته

[ya3mm]

الحمدلله تم الموضوع بخير وسلام
ولو ان حصل شوية حاجات مش حلوة في النص كده اثناء التركيب من واحد مش قد كده في المقطم افتى ان الجهاز بايظ وان العربية بايظة وانه لازم ياخد كهربا مباشرة من البطارية وساعتها الكاسيت لو اشتغل مش حيكون له علاقة بالكونتاكت وان الكاسيت اصلا مش قد مكان العربية وكمان ركب الكاميرا غلط وقعد في القصة دي حوالي اربع ساعات لكن الحمدلله ربنا ستر وواحد صديقي دلني على واحد تاني في مدينة نصر اسمه خالد بصراحة لهلوبة بدون مبالغة الكاسيت ما اخدش في ايده عشر دقايق وركبه بسم الله ما شاء الله وصلح تركيب الكاميرا وركب ايريال التليفزيون وطلع الكاسيت مقاس العربية بالضبط وواصل على الكونتاكت والحمدلله كل حاجة تمام واخد مصنعية اقل بكتير من المفتي الاولاني كمان وراجل في غاية الذوق والادب والنظافة غير التاني اللي بهدل العربية بالاسلاك وبقايا العازل وعدته ، اسف اني اتأخرت في الرد لان القصة دي حصلت لسه اول امبارح حتى لسه ما صورتش حاجة باذن الله حنزل الصور بس مبدأيا دي اللينك اللي انا اشتريت منه وهو امكانياته اكتر من المذكورة في اللينك كمان

Universal 2 din Android 4.2 Car DVD player GPS+Wifi+Bluetooth+Radio+1.6GB CPU+DDR3+Capacitive Touch Screen+3G+car pc+aduio-in Car DVD from Automobiles & Motorcycles on Aliexpress.com | Alibaba Group

شوفوه بقى وقولولي ايه رأيكم

شكرا ليكم
محمد

[Ali8moh]

الف مبروووك

[khapet]

الحمدلله تم الموضوع بخير وسلام
ولو ان حصل شوية حاجات مش حلوة في النص كده اثناء التركيب من واحد مش قد كده في المقطم افتى ان الجهاز بايظ وان العربية بايظة وانه لازم ياخد كهربا مباشرة من البطارية وساعتها الكاسيت لو اشتغل مش حيكون له علاقة بالكونتاكت وان الكاسيت اصلا مش قد مكان العربية وكمان ركب الكاميرا غلط وقعد في القصة دي حوالي اربع ساعات لكن الحمدلله ربنا ستر وواحد صديقي دلني على واحد تاني في مدينة نصر اسمه خالد بصراحة لهلوبة بدون مبالغة الكاسيت ما اخدش في ايده عشر دقايق وركبه بسم الله ما شاء الله وصلح تركيب الكاميرا وركب ايريال التليفزيون وطلع الكاسيت مقاس العربية بالضبط وواصل على الكونتاكت والحمدلله كل حاجة تمام واخد مصنعية اقل بكتير من المفتي الاولاني كمان وراجل في غاية الذوق والادب والنظافة غير التاني اللي بهدل العربية بالاسلاك وبقايا العازل وعدته ، اسف اني اتأخرت في الرد لان القصة دي حصلت لسه اول امبارح حتى لسه ما صورتش حاجة باذن الله حنزل الصور بس مبدأيا دي اللينك اللي انا اشتريت منه وهو امكانياته اكتر من المذكورة في اللينك كمان

universal 2 din android 4.2 car dvd player gps+wifi+bluetooth+radio+1.6gb cpu+ddr3+capacitive touch screen+3g+car pc+aduio-in car dvd from automobiles & motorcycles on aliexpress.com | alibaba group

شوفوه بقى وقولولي ايه رأيكم

شكرا ليكم
محمد

باشا ألف مبروك
ربنا يبارك لك فيه يااااااارب
بس كنت عاوز أسألك هو كلفك شحن كام؟؟؟
وطلبته من أي دوله على الموقع؟؟؟؟

[amr anwar]

الف مبروك

[kokyg2010]

الف مبروووووك
وتسلم على الاهتمام

[ya3mm]

السلام عليكم ورحمة الله وبركاته
صباح الخير :)
الله يبارك فيكم جميعا يا اخوتي الاعزاء
بالنسبة لموضوع الشحن ... هو شحنه لمصر بيكلف 20 دولار ويعتبر مبلغ بسيط بالنسبة لسعره ولان شحنه عن طريق ال dhl لما قريت كده على موقعهم اتصلت بشركة الشحن dhl عشان استفسر عن الجمرك والتخليص وجدت مايلي:
- الجمرك 40 % من قيمة الجهاز المذكور في الفاتورة
- 135 جنيه رسوم ال gps
- 135 جنيه رسوم البلوتوث
- 140 جنيه مصاريف التخليص الجمركي
لقيت ان كده طبعا حيطلع غالي اوي زيادة عن اللزوم ، لقيت ان الشحن لالمانيا مجانا وبيوصل في خلال 4 ايام لالمانيا وبالصدفة كان في واحد زميل قريب لي موجود في المانيا فشحنته عليه وفعلا جابه معاه بصحبة راكب ولا فيه جمرك ولا رسوم ولا اي حاجة من دي
قابلت مشكلتين بقى عند التشغيل تم التغلب على واحدة منهم والتاني باذن الله يتم التغلب عليها :
- المشكلة الاولى ان مش اي يو اس بي بيشتغل عليه عشان يلقط النت لكن الحمدلله لقيت يو اس بي نفس الموديل اللي مذكور في الكاتالوج بتاعه من موبينيل واشتغل
- المشكلة التانية ان الريموت وصل مكسور حاولت اصلحه لكن للاسف الكسر واصل للبورد بتاعه ومأثر على مكان زر الباور اشتغل كله لما لحمته من جوه باستثناء 3 ازرار وطلبت منهم ريموت تاني عشان ده وصل مكسور وهم فعلا ذوق جدا اعتذروا وبعتوا ريموت تاني لكن على المانيا :( مستني بقى حد يكون جاي يجيبه معاه لكن عامة مش حنجتاج للريموت اوي لان ببساطة الجهاز كله في متناول ايد السائق يعني اعتقد الريموت ده كمالية مش مستغلة اوي
نظامه اندرويد تماما وبينزل عليه اي حاجة من البلاي ستور كانه تليفون تماما وطبعا عشان الخط اللي فيه والنت فبيشغل كل حاجة واي ابليكيشن بيشتغل اندرويد
اتمنى اكون افدتكم بالمعلومات المطلوبة ويومكم سعيد باذن الله
محمد

[shoman_navy]

مبروك علي الكاسيت اولا
عايز اعرف الكاسيت بيشتغل مع الطارة بكامل كفائتها وهل بيحتاج تعديل في الفيشة ولا بيركب علي فيشة العربية وشكرا لاهتمامك

[ya3mm]

السلام عليكم ورحمة الله وبركاته
آسف جدا جدا على التأخير في الرد
الكاسيت بيشتغل تماما زي كاسيت العربية الأصلي وجميع توصيلاته من توصيلات كاسيت العربية الأصلي يعني ما فيش أي حاجة حتختلف ولا أي اسلاك حتتعدل او تتقطع ، حتى الكاميرا اللي بتركب ورا ليها مكان للباور في العربية اصلي تحت الفرش شمال
أتمنى أكون جاوبتك على سؤالك
تحياتي
محمد

[A_H_M_A_D]

امبارح كنت في سبير كار التجمع , لقيت عنده كاسيت شاشة تاتش و فيه كل الامكانيات و سوفت وير اندرويد زي الموبايل , سعره 2500 جنيه

[khapet]

امبارح كنت في سبير كار التجمع , لقيت عنده كاسيت شاشة تاتش و فيه كل الامكانيات و سوفت وير اندرويد زي الموبايل , سعره 2500 جنيه

معلش يا أبو حميد هل ممكن تقول المواصفات اللي في الكاسيت ده.