نيسان صنى الشكل القديم ٢٠١٥

[Drahmed86]

الحمد لله جبت نيسان صنى الشكل القديم ٢٠١٥ كسر زيرو بعد وقت طويل من مراجعات ملاكها وانها ثابتة على الطريق على السرعات العالية ... الخ بخلاف الشكل الجديد ومشاكله ...

وكانت المفاجأة ان العربية على سرعة ١٢٠ بتعوووم وفيه رفة جامدة ف الدريكسيون .. وطبعا كنت لسه جاى م التوكيل بعد صيانة ال ١٠٠٠٠

مش عارف الصراحة ايه الحل ؟؟ وهل فعلا عمود الاتزان الامامى ده حقيقى وبيفرق عمليا لان اتصلت بيهم ف التوكيل لقيتهم ميعرفهوش ...؟؟!!

[ahmed.zahra]

لا طبعا اكيد في مشكلة تانية. ممكن الزوايا او علبة الدريكسيون او حاجة تانية في العفشة.

[Drahmed86]

لا طبعا اكيد في مشكلة تانية. ممكن الزوايا او علبة الدريكسيون او حاجة تانية في العفشة.

طب ممكن اعرف اركب بار الاتزان ده فين غير التوكيل لانه غالى طبعا ؟؟!!

[merosss]

غالبا مشكلة ترصيص بسيطة حصلت مع واحد اعرفوا زمان وكانت نيسان الشكل دة بردوا جرب رصص برة عند حد بتاع كاوتش عادى وشوف

[mummy_47]

تقصد بتعوم في الملفات.....مش ع الطوالي...
لو ده صحيح يبقى تركب عمود اتزان ممكن تجيبه مستعمل يتكلف حوالي 800 ج ...واعمل بحث على مشاركات الاعضاء لانهم ركبوه مستعمل وزي الفل...في التوكيل سعره حوالي 1600 ج.....

رفة الدركسيون ..لو على سرعات عالية بتبقى ترصيص وضبط زوايا ..
لو على السلانسسية يبقى قواعد موتور..
.لو وانت ماشي على البطئي يبقى كبالن داخالية او علبة دركسيون...
الموضوع بسيط ..متقلقش نفسك.......انا عندي العربية وليسه في التليين واما هروح صيانة الالف ..هقولهم على كل الملاحظات....

نصيحة مني روح التوكيل لو العربية في الضمان ...ولو لا قدر الله في عيب صناعة من الاشياء اللي فوق هتتغير من غير ولا مليم......مفيش حاجةاسمها ميعرفوش ...وابقى ركب عازل كبوت عشان العزل..ب 275ج..روح اوتو ايجبت هما كويسين ..معلش الصيانة غالية لان العربية في الضمان لكن بعد الضمان اغعمل اللي انت عايزة ...شوف انت هتصرف حوالي 3000ج لكن العربية هتبقى زي السوبر صالون الشكل القديم .....وبعدين هتنساها وهتشكر فيها بعد كده
وعشان متزعلش نفسك .....البيكانتو يقت ب 120 الف من الوكيل هاي لاين...يعني زود حوالي 7 او 8 الاف ج عند المعارض ......شوف بقى انت جايب الصني بكام ..انا جايبها ب 128 الف من اكثر من شهرين ..يعنى بثمن البيكانتو اللي انا بعتبرها تك تك متنكر مع احترامي الكبير ليها !!!!؟؟؟
..وابقى طمني...

[Drahmed86]

تقصد بتعوم في الملفات.....مش ع الطوالي...
لو ده صحيح يبقى تركب عمود اتزان ممكن تجيبه مستعمل يتكلف حوالي 800 ج ...واعمل بحث على مشاركات الاعضاء لانهم ركبوه مستعمل وزي الفل...في التوكيل سعره حوالي 1600 ج.....

رفة الدركسيون ..لو على سرعات عالية بتبقى ترصيص وضبط زوايا ..
لو على السلانسسية يبقى قواعد موتور..
.لو وانت ماشي على البطئي يبقى كبالن داخالية او علبة دركسيون...
الموضوع بسيط ..متقلقش نفسك.......انا عندي العربية وليسه في التليين واما هروح صيانة الالف ..هقولهم على كل الملاحظات....

نصيحة مني روح التوكيل لو العربية في الضمان ...ولو لا قدر الله في عيب صناعة من الاشياء اللي فوق هتتغير من غير ولا مليم......مفيش حاجةاسمها ميعرفوش ...وابقى ركب عازل كبوت عشان العزل..ب 275ج..روح اوتو ايجبت هما كويسين ..معلش الصيانة غالية لان العربية في الضمان لكن بعد الضمان اغعمل اللي انت عايزة ...شوف انت هتصرف حوالي 3000ج لكن العربية هتبقى زي السوبر صالون الشكل القديم .....وبعدين هتنساها وهتشكر فيها بعد كده
وعشان متزعلش نفسك .....البيكانتو يقت ب 120 الف من الوكيل هاي لاين...يعني زود حوالي 7 او 8 الاف ج عند المعارض ......شوف بقى انت جايب الصني بكام ..انا جايبها ب 128 الف من اكثر من شهرين ..يعنى بثمن البيكانتو اللي انا بعتبرها تك تك متنكر مع احترامي الكبير ليها !!!!؟؟؟
..وابقى طمني...

والله معااااك حق بس انا فعلا حاسس انى شارى شاسيه عربيه وعمال اصرف عليه عشان اخليها عربية زى بار الاتزان ...
حتى السماعات والكاسيت ....
جنوووط لو حابب ....والخ الخ
اومال زيرو ايه بقى يالله الحمد لله
ممكن اتواصل معاك ولك جزيل الشكر

[mummy_47]

والله معااااك حق بس انا فعلا حاسس انى شارى شاسيه عربيه وعمال اصرف عليه عشان اخليها عربية زى بار الاتزان ...
حتى السماعات والكاسيت ....
جنوووط لو حابب ....والخ الخ
اومال زيرو ايه بقى يالله الحمد لله
ممكن اتواصل معاك ولك جزيل الشكر

السماعات ممن تركبها ...لكن متغيرش الكاسيت عشان الضمان....
خلي بالك ان مفيش عربية كاملة....حتى المرسيدس فيها مشكلة البنزين وكمان ال CLA جر امامي وممكن تعوم في الملفات ...تخيل!!! اعمل سيرش وشوف الريفيوهات ...وتخيل بقى معاناة صاحبها لما يقعد يدور على بنزينة فيها 95 وميكونش مضروب وهو دافع 450 الف او اكثر مثلا....
.تخيل معاناة اصحاب البي ام الفئة الثالثة لما يقعد يعمل مناورات عشان يفادي المطبات الجميلة اللي في بلدك ويا سلام لو كان محمل فردين او ثلاثة ورا ...ناهيك عن الاسعار الخزعبلية للصيانة للسيارتين .......انا طبعا ذكرت المرسيدس والب ام لان هما الاستاندرد اوالمسطرة بتاعتنا اللي بنقيس بها على باقي السيارات .......نسيت اقول مشكلة فولكس فاجن الشهيرة والموتور tsi مع الفتيس DSG اللي بيغيروا موتور كل 25000 كم .....ادخل وشوف معانا اصحابها .....تخيل اما تكوندافع دم قلبك وتعبان في الفلوس عشان تشتري عربية ماركة وفاجاة وانت على طريق الساحل العربية تعطل ...في هذا الموقف يبقى عربيتك الصني اللي ب 120 الف ..اللي اعطالها تقريبا صفر...لاننها تكنولوجي قديم .. افضل من المرسيدس اوالبي ام او الباسات او ال اودي .. اللي ب 500 الف .....انا مش ممكن ادفع مبلغ كبير جدا زي ده وتقعد حاتل هم العربية هتعطل مني امتى !!؟ ...

خلي بالك ان الشاسية هو اغلى حاجة في العربية.....روح الحرفين وشوف افخم السيارات بتتقطع ويبتتلحم وبترجع جديدة وبتتباع بكام ....اما باقي اجزاء العربية فكلها ارخص بما فيها الماتور...اهم حاجة الشاسية....

متنساش تركب فلتر تكييف لان مش موجود عندك.........
استمتع بالعربية ومتخليش الحاجات الصغيرة ديه تأثر عليك......وبعدين لو انت قفلت من العربية حتلاقي الف مين يشتريها لانها بياعة ..لكن هتجيب ايه في المقابل.......هتقولي ممكن ازود واجيب سيراتو مثلا او كروز...عربية حلوة ..وبياعة ايضا ...هقولك اه...معاك حق ...السراتو دلع وحركات ..معاك لكن موتور الصني معمر اكثر ....المواتير الكوري بتحرق على الموتور...عدد لفات اكثر على سرعة اقل ..يعني العربية الكوري تممكن تحتاج عمرة بعد 200 الف بينما الصني فمش اقل من 500 الف كم تقريبا ..ناهيك عن الخليجي ومشاكلة وكمان الخامات الداخلية مش قد كده وكلها بلاستيك ناشف .....الكروز ..بها مشاكل في الفتيس والموتور لانها موتور الاسترا ...الاوبل والانسيجينا فيها مشاكل ايضا الموتور التربو ...ادخل وشوف شكاوي ملاكها... الوكيل قرر انه يغير موتور بعد 3 اشهر فقط في عربية ب 250 الف صاحبها عمل شكوى في حمايةالمستهلك ...

في النهاية عايز اقولك ...ان بالنسبة لل COST &BENEFITS او VALUE FOR MONEY التكلفة والعائد او القيمة مقابل المال ....فان الصني تكسب

http://almesryoon.com/%D8%AF%D9%8A%D9%88%D8%A7%D9%86-%D8%A7%D9%84%D9%85%D8%B8%D8%A7%D9%84%D9%85/434375-%D8%AD%D9%85%D8%A7%D9%8A%D8%A9-%D8%A7%D9%84%D9%85%D8%B3%D8%AA%D9%87%D9%84%D9%83-%D8%AA%D8%AD%D9%82%D9%82-%D9%85%D8%B9-%D9%88%D9%83%D9%8A%D9%84-%D8%B3%D9%8A%D8%A7%D8%B1%D8%A7%D8%AA-%D8%A3%D9%88%D8%A8%D9%84-%D8%A8%D8%B9%D8%AF-%D8%B4%D9%83%D8%A7%D9%88%D9%89

طبعا يسعدني التواصل مع حضرتك

[ahmed.zahra]

انا عاجبني تحليلك جدا و هو ده المنطق اللي انا بتكلم بيه. العربية الصني الشكل ده قيمتها اعلى كتير من ثمنها. روح شوف الاوبترا الصيني بكام و السيراتو الجديدة بكام. ده السيراتو القديم بتتباع اغلى من الصني على ايه مش عارف. الصني دي تقريبا بدون اعطال او مشاكل. بار الاتزان موجود في الحرفيين و حلو مفيش كلام بس العربية برضو كويسة من غيره. فلتر التكييف بكلام فاضي. الكاسيت بتاعها كويس ده انا كمان معيا اوبترا 2009 كان الكاسيت بتاعها اللي نازلة بيه شرايط مفيهوش سي دي. و زي ما استاذ Mummy 47 قال العربية Value vs Money و Cost & Benefits فالصني تعدي بكتير

[mahmoudelazab]

كل إللى أشتري 2015 شكل قديم هيندم

بصراحة مفهوم تماما إن أخر باتش من أي موديل بيبقى فيها عيوب تجميع للصبح أولا الكوالتي بتبقى مفيش
ثانيا بيستخدموا كل القطع إللى فى الستوك عندهم عايزين يخلصوا
ثالثا أى قطع طلع فيها عيوب هيعملوا فيها ايه بيحاولوا يصلحوها و ينتجوا بأخر قطع عندهم أكبر عدد ممكن من السيارات
من الأخر لمامة السيارات أنا مش متصور أنها بتتباع غاليه
العربية دى بيتوقف خط انتاجها يعني مش هيبقى ليها قطع غيار بسهولة تاني
الناس بتفكر أزاي

[mummy_47]

بصراحة مفهوم تماما إن أخر باتش من أي موديل بيبقى فيها عيوب تجميع للصبح أولا الكوالتي بتبقى مفيش
ثانيا بيستخدموا كل القطع إللى فى الستوك عندهم عايزين يخلصوا
ثالثا أى قطع طلع فيها عيوب هيعملوا فيها ايه بيحاولوا يصلحوها و ينتجوا بأخر قطع عندهم أكبر عدد ممكن من السيارات
من الأخر لمامة السيارات أنا مش متصور أنها بتتباع غاليه
العربية دى بيتوقف خط انتاجها يعني مش هيبقى ليها قطع غيار بسهولة تاني
الناس بتفكر أزاي

يا فندم الشكل القديم ما زال بينتج زيرو حتى حتى يومنا هذا ولكن بكميات قليلة يبقى لازم تكون قطع غياره موجوده في التوكيل ...ولو حضرتك سالت في اي معرض هتلاقيها ..بتتباع اغلى لان الشكل الجديد سمعته وحشة ومشاكله كتير بالرغم من ان المعارض بتقولك انهم حلو كل المشاكل ...انا اتعرض علي الشكل الجديد ب 110 الف اول فئة عند سمير ريان وكان عمال يقنعني بيه ....لكن انا صممت اخذ الشكل القديم.....شكلها افضل من الشكل الجديد وانسيابيه اكثر ومنظرها مريح اكثر

[Drahmed86]

استاذ mummy_47 شكرا ليك على ذوقك

انا فعلا غيرت كاوتش العربيه وركبت مقاس جديد 195-60-15 ميشلان ورصصت وظبط زوايا والحمد لله العربيه ظبطت معايا

لكن فوجئت ان توكيل مرعى اللى ف الاسكندرية تعبان اوى اوى لانه مش معقول ابقى لسه خارج من عندهم وابقى محتاج ترصيص وظبط زوايا
والفنى اللى بره التوكيل كمان قالى انا ربط مسمار ف المقصات وهوا بيظبط زوايا اكتر من اربع سنون يعنى المسمار كان عايم بقى والعربيه عشان كده كانت بتعوم .... منهم لله بتوع التوكيل
اسف على الاطالة

[mummy_47]

استاذ mummy_47 شكرا ليك على ذوقك

انا فعلا غيرت كاوتش العربيه وركبت مقاس جديد 195-60-15 ميشلان ورصصت وظبط زوايا والحمد لله العربيه ظبطت معايا

لكن فوجئت ان توكيل مرعى اللى ف الاسكندرية تعبان اوى اوى لانه مش معقول ابقى لسه خارج من عندهم وابقى محتاج ترصيص وظبط زوايا
والفنى اللى بره التوكيل كمان قالى انا ربط مسمار ف المقصات وهوا بيظبط زوايا اكتر من اربع سنون يعنى المسمار كان عايم بقى والعربيه عشان كده كانت بتعوم .... منهم لله بتوع التوكيل
اسف على الاطالة

يا فندم العفو...والحمدالله انها كانت بسيطة و انك مبسوط وان المشكلة مكنتش عيب صناعة...وخلي ودنك مع العربية وهي هتبقة عشرة على عشرة معاك.. ....شوف بالنسبة لظبط الزوايا والترصيص فممكن تعملهم بره التوكيل على فتنرات متباعدة ...وكمان الفني اللي اللي بيعملك الترصيص وضبط الزوايا يبصلك ع العفشة لو فيها حاجة عايزة تتربط....والتوكيل روحله في المواعيد بتاعته عشان تغيير الزيت والفلاتر .....ومعلش هم التوكيلات كده ....لانك في الضمان ومش هتدفع فلوس جامده ...فبيكروتو الشغل...لكن رحلهم بقى وانت بره الضمان.....هيطلعلك القطط الفطسانة في العربية ...واشي لازم يتغير ...واش لازم يتفك ....عشان تدفع اكثر واكثر.......يعني روح للتوكيل وانت عارف ايه المشكلة وايه الحل واطلب منهم يعملو ايه...يعني متخلهومش يفتكسوا لان العربية سهلة واي ميكانيكي نص لبه يفهم فيها .وهي ديه ميزتها وقلة اعطالها او عدم وجود اعطال من اصله...ودايما خلي بالك ان حضرتك كصاحب العربية بتفهم احسن من التوكيل بمراحل .......
تحياتي وبالتوفيق

[Drahmed86]

طب هو صوت الموتور على سرعة ١٢٠ ١٣٠ عالى اوى !!! ده طبيعى ؟؟!!!