إعـــــــلان

Collapse

.

,
See more
See less

مفتاح عربيتي صني الأساسي (الأسود) ضاع ومش لاقيه ... إيه الحل ؟؟؟

Collapse
X
 
  • Filter
  • الوقت
  • Show
Clear All
new posts

  • مفتاح عربيتي صني الأساسي (الأسود) ضاع ومش لاقيه ... إيه الحل ؟؟؟

    السلام عليكم ورحمة الله وبركاته
    ازيكو يا جماعة
    أنا معايا صني 2010 ..... المفتاح الأساسي بتاع العربية للأسف الميديالية كانت وقعت واتكسر الجزء اللي رابطه في الميدالية فكنت مخرجه من الميدالية ابني للأسف ضيع المفتاح جوا البيت قلبت عليه البيت ومش لاقيه بس فقدت الأمل أني ألاقيه حاليا ...
    المشكلة دلوقتي أني لو عملت نسخة عالمفتاح الاسبير مابيفتحش الشنطة ودي مشكلة جامدة أني لا قدر الله ممكن لأي سبب لو البطارية فضيت أو مفتاح فتح الشنطة حصل فيه مشكلة من جوا العربية أو مفتاح الأمان بتاع الشنطة اللي بيمنع فتحها من جوا العربية اتعمل بالغلط ساعتها أنا مش حعرف أفتح الشنطة ..
    هل في أي حد عنده افتراح أو حل للمشكلة دي وهل ممكن التوكيل يقدر يعمله نسخة من المفتاح الأصلي وهل في حل أقل تكلفة زي مثلا أني مثلا أخلي الشنطة تتفتح عادي بالمفتاح السبير وخلاص أو أي حل ...
    بانتظار اقتراحاتكم ... وجزاكم الله خير

  • #2
    الشنطه ليها مفتاح من جوه العربيه زي ال بيفتح التانك او الكابوت موجود تحت جمب كرسي السواق دا في نيو صنى عندي دور عليه عندك هتلاقي واحد اكيد لغايه ما تشوف حل للمفتاح وهتلاقيه ان شاء الله

    Comment


    • #3
      يعني مفيش حل لنسخ المفتاح الأصلي بأي طريقة ؟؟

      Comment


      • #4
        التوكيل طلعا ممكن يعملك مفتاح جديد مشفر.و لو عندك نسخة من المفتاح المشفر بتاعها في محلات مفاتيح بتعمل المفاتيح المشفرة دي عادي
        azahra سابقا

        Comment


        • #5
          اه طبعا التوكيل ممكن يطلعلك نسخة اصلية من المفتاح بحوالي 600 ج اتصل بيهم ....وفي ناس بتعمل نسخة من المفتاح المشفر . بحوالي150 او 250 ج تقريبا...اعمل بحث في المنتدى وهتلاقي الحل

          Comment


          • #6
            هو مفتاح الصني 2010 أعتقد مش مشفر ... أنا ممكن أعمل نسخة من المفتاخ برا التوكيل بس المشكلة أن كدا المفتاحين اللي معايا حيبقوا مش بيفتحو الشنطة ودي مشكلة للأسف .... طبعا حرام أدفع 900 جنيه في عمل نسخة مفتاح إلا لو مفيش حل تاني ... هل في حل مثلا أني أغير قفل الشنطة أو حد يلعب فيه بحيث يشتغل عالمفتاح الاسبير وأبقى كدا خلصت من التكلفة دي ؟؟

            Comment


            • #7
              اقولك على حل تاني حلو؟ ركب انذار وولف عادي ابو 250 جنيه و ده بيفتح الشنطة عادي من الريموت بتاعه و بكدة حيبقى معاك 2 ريموت بيفتحوا الشنطة غير الزرار اللي جوه العربية. و الإنذار ده كمان فيه ميزة انه العربية ماتدورش ابدا طالما انت قفلتها عن طريق الريموت بتاعه. انا كنت مركبه في عربيتي الاوبترا سابقا
              azahra سابقا

              Comment


              • #8
                طيب هل يمكن تعديل أو تغيير كالون الشنطة بحيث يشتغل عالمفتاح الاسبير ؟؟

                Comment


                • #9
                  المشاركة الأصلية كتبت بواسطة mummy_47 مشاهدة المشاركة
                  اه طبعا التوكيل ممكن يطلعلك نسخة اصلية من المفتاح بحوالي 600 ج اتصل بيهم ....وفي ناس بتعمل نسخة من المفتاح المشفر . بحوالي150 او 250 ج تقريبا...اعمل بحث في المنتدى وهتلاقي الحل
                  انسب حل بدل العك .. و فى الاخر حتلاقى نفسك صرفت نفس ثمن عمل المفتاح

                  و لو ب 250 جم مثلا بره .. يبقى ما تفكرشى كتير

                  Comment


                  • #10
                    يا جماااعة هي المشكلة أن المفتاح الأصلي الأسود هو اللي ضاع يعني ماعييش مفتاح أنسخ منه نسخة بره التوكيل ..... أنا بالفعل مركب الإنذار اللي ب 250 وبيفتح الشنطة ..... أنا بتكلم بس في حالة الطواريء لا قدر الله سواء البطارية فضيت أو لوك الشنطة اتقفل بالغلط اللي بيخلي الشنطة ما تتفتحش إلا بالمفتاح ...... المفتاح في التوكيل بحدود 900 جنيه على ما سألت .... أنا كل اللي عاوزه حل أخلي الشنطة تتفتح بالسبير في حالة الطواريء فقط .... كل اللي عاوز أعرفه في حل يوفر عليا الفلوس دي برا التوكيل أني أفتح الشنطة بالمفتاح السبير ولا لأ .... وشكرا جزيلا على مشاركات الأعضاء الكرام .

                    Comment


                    • #11
                      استاذ EISultan التوكيل رغم انه غالي انما هوه اقصر و انسب الطرق للمشكله بتاعتك ... دي نصيحه افضل من غلطة صنايعي تكلفك أكتر ...

                      Comment


                      • #12
                        اسأل بتاع مفاتيح .. هل يقدر يعمل لها مفتاح مشفر بدون المفتاح الاصلى ؟

                        و حتى لو ممكن .. انت حتبقى قلقان .. الافضل التوكيل

                        Comment


                        • #13
                          ألف شكر يا جماعة .... حروح التوكيل وأمري لله

                          Comment

                          Working...
                          X