لماذا قمت بشراء نيسان صنى الشكل الجديد2015؟
انا كان معايا نوبيرا 2006 مانيوال من الزيرو, ابتديت تشتكى فقررت اغيرها ووضعت بعض الشروط فالسياره اللى هشتريها وهى:
1-انا عايز عربيه زيرو
2-انا عايزها اوتوماتيك عشان تعبت من الزحمه والمانيوال
3-انا عايز استلمها فورى
4-انا مش ناوى اقسط حتى ولو مبلغ صغير- هدفع كاش وبس
5-انا مش عايز كورى عشان جربته, عايز حاجه غيره
دى الشروط الاساسيه
نيجى للفرعيه:
6-ميزانيه 100 الف
7-عربيه عائليه وكبيره عشان هى دى العربيه الاساسيه فالبيت (بجانب المحبوبه الماروتى- عربيه المهام الصعبه)
8-نفسى فى عربيه يبانى
بعد اللف والمقارنات, رفع الميززانيه وجبت الصنى
بقالها معايا سنه و3 شهور
عامل 22000 كم
عربيه انا مقتنع بيها جدا ومبسوط من ادائها جدا
مبشتكيش من حاجه لسه

Comment