إعـــــــلان

Collapse

.

,
See more
See less

مشكلة بمركؤز خدمة نيسان اوتو ايجيبت

Collapse
X
 
  • Filter
  • الوقت
  • Show
Clear All
new posts

  • مشكلة بمركؤز خدمة نيسان اوتو ايجيبت

    السلام عليكم ورحمة الله وبركاته
    مشكله بمركز خدمة عملاء نيسان أوتو إيجيبت

    ذهبت يوم السبت الموافق 2016-01-09 إلى مركز خدمة نيسان أوتو أيجيبت فى الكيلو 26 طريق مصر إسكندرية الصحراوى لعمل الصيانة الدوريه لسيارتى نيسان تيدا مع وجود شكوى من انى لما بلف الدركسيون يمين او شمال سواء وانا واقف أو وأنا سايق بسمع صوت تكه فى العفشه فقولت ممكن يكون الموضوع تربيط عفشه أو عيب فى علبة الدركسيون. المهم سجلت دخول هناك فى تمام الساعه 8.42 والعربيه دخلت الصيانه والمهندس اللى استلمها اسمه محمد جمال وهو بيستلمها منى بيبقى معاه نموذج إستلام بيعلم فيه على التجريحات الموجوده بالعربيه ولو كانت فيه حاجه ناقصة من العربيه زى الكاوتش او الكوريك بيذكر ذلك فى نموذج الاستلام بحيث لما يسلم العربيه للعميل فالعميل ميشتكيش من وجود حاجه ناقصة. المهم المهندس محمد جمال وهوه بيعلم على الحاجات اللى فى العربيه فى نموذج استلام العربيه مخدش باله من عدم وجود علامات نيسان على الطاسات فنبهته للموضوع ده ان العلامات كلها مسروقه ما عدا علامه واحده منهم. ودخلت العربيه الصيانه والمهندس محمد جمال على الساعه 10.30 قاللى العربيه جاهزه وخلانى امضى على نموذج الاستلام وادفع فى الخزينه وبعدين خرجت اشوف العربيه ملقتهاش وقعدت ساعه ونص مستنى العربيه وكانت فى المغسله. المهم كل مره المفروض بيطلع معايا مهندس الصيانه يسلمنى العربيه وبعدين ادخل معاه جوه امضى على ورقة الاستلام وبعدين ادفع فى الخزينه بس هذه المره خلانى امضى على نموذج الاستلام وبعدين اخرج استلم العربيه وانا مكانش فى بالى انه يقصد يعمل كده ولا فاكر انى المفروض استلم الاول العربيه وبعدين امضى على نموذج الاستلام لانى بعمل الصيانه تقريبا كل ست شهور فمكانش فى بالى نهائى ومش فاكر الخطوات اوى. المهم والعربيه خارجه من الغسيل فوجئت ان الاكصطادم الامامى اتخبط جوه الصيانه ( لما المهندس بيستلم منى العربيه بسيب المفتاح فى الكونتاكت وحد بيخدها جوه الصيانه سواقه لحد ما يخلصوا صيانة يطلعوها بره برضه سواقه )
    المهم دخلت لمهندس الصيانه ( محمد جمال ) قولته العربيه اتخبطت فى الصيانه وانا عاوز اقابل مدير المركز لقيته دخل جوه وخرجلى بعد شويه ومعاه نموذج استلام العربيه معلم عليها انها مخبوطه فى الاكصطدام والمكان ده مكانش متعلم عليه ساعه لما استلم منى العربيه. فطبعا المهندس المحترم ( محمد جمال ) دخل جوه وحط اصل استمارة الاستلام على الصور الكربونيه وعلم العلامه ديه. طبعا قولتلهم ان العربيه مخبوطه جوه الصيانه وشوف مين اللى ساقها جوه وخبطها قاللى ( أ. محمد الدماطى مشرف خدمة العملاء ) انه محدش من العمال هيكون خبطها جوه وهيعترف. طيب ايه الحل دلوقتى قاللى هنفرغ الكاميرات ونشوف الخطأ عند مين. المهم جه مهندس أحمد فتحى خد العربيه منى ورد الاكصطدام بيقولى انه زقه بايده ورجع. هو الاكصطام رجع لوضع شبه طبيعى بس انا قولتلهم انا عاوز اكصطدم جديد لان لو العربيه كانت جايه تبع تأمين كنتوا غيرتوا الاكصطدام بالكامل ومتلصموش ليا الاكصطام بالشكل ده. واللى ضايقنى اكتر ان مهندس محمد جمال كذب فى الموضوع ودخل علم على نموذج الاستلام بأثر رجعى لو كان اعترف بغلطته وقاللى انه هيتأذى فى الموضوع ده كنت عديت الموضوع انما طالما الموضوع مفيهوش امانه يبقى لازم يتعاقب
    المهم دلوقتى انا عندى ثلاثة استفسارات
    ايه اللى المفروض اعمله
    موضوع صوت التكه اللى فى الدركسيون هل هو فعلا عيب قطمة دركسيون ولا عيب علبة دركسيون كامله وهما عاوزين بس يغيرولى القطمه بحيث العربيه فاضل فيها شهرين وتخرج بره الضمان ويبقى كده هما كسبوا وقت لان بعد اللى عملوه فى العربيه بصراحه الواحد فقد الثقه فيهم

    قطمة الدركسيون مش موجوده وكتبلى فى ايصال الدفع ان العربيه تحتاج قطمة دركسيون وقاللى شفهيا انها هتتغير على حساب الضمان والورقه اللى معايا تثبت ذلك فهل فعلا هذا كافى ام ماذا
    ياريت لو حد معاه أيميل شركة نيسان العالميه
    الشىء الغريب اللى شوفته هناك ان فيه عربيه نيسان صنى زيرو لسه معلقتش نمر كانوا مدخلينها للووشه علشان الاكصطام بتاعها متجرح وهيغيرولها الاكصطام وطبعا العربي هديه هتتباع لعميل على انها زيرو
    وشكراً جزيلاً

  • #2
    انا مش عارف اقولك ايه الصراحة..الواحد زهق من التوكيلات ..والمفروض ان اوتوايجبت احسن الوحشين..الواحد المفروض يجيب عربية صيني عشان ميزعلش لو حصلها حاجة..
    شوف ادخل على موقع شركة نيسان وهتلاقي عنوانها وهي في 6 اكتوبر المنطقة الصناعية الثالثة ....ممكن تبعتلهم ايميل او ممكن تروحلهم ..اعتقد يكون افضل ..ومتنساش تبعت لحماية المستهلك ...انت شاري عربية غالية مش توك توك ....
    وابقى طمني

    يسان موتور إيجيبت ش.م.م
    المنطقة الصناعية الثالثة، قطعة 6 و 7
    السادس من أكتوبر، الجيزة
    مصر

    تليفون :38340920 202+
    بريد إليكترونى: info@nissan.com.eg

    Comment


    • #3
      هو طبعا بعيدا عن التعامل السىء و محاولات استغفال العملاء , العيب ده فعلا قطمه تتغير و ليس علبة دريكسيون

      Comment


      • #4
        طمنا يا فندم عملت ايه..وهل بعتت شكوتك على موقع اوتو ايجبت وحماية المستهلك...عشان انا يمكن اروحلهم السبت القادم ان شاء الله

        Comment


        • #5
          انا تقريبآ شوفت حضرتك هناك انت عربيتك احمر او نبيتى صح وكنت بتزعق عند باب الورشة مع مهندس شعرة اصلع انا كنت هناك واتخانقت علشان عربية والدى 2016 الشكل القديم خرجت زى ماهىة حتى الغسيل بيقولى اتغسلت ومليانه شحم وتراب ومجاش عليها نقطة ميه المهم ان ده اسوء توكيل شوفتة والله انا كان معايا بيجو 301 كنت بقول التوكيل وحش بس بالنسبة لتوكيل نيسان يعتبر رائع وبأمانه ملقتش افضل من توكيل هيونداى بجد تحفه سواء معامله او مهندسين فاهمين

          Comment


          • #6
            المشاركة الأصلية كتبت بواسطة smsm2004w مشاهدة المشاركة
            انا تقريبآ شوفت حضرتك هناك انت عربيتك احمر او نبيتى صح وكنت بتزعق عند باب الورشة مع مهندس شعرة اصلع انا كنت هناك واتخانقت علشان عربية والدى 2016 الشكل القديم خرجت زى ماهىة حتى الغسيل بيقولى اتغسلت ومليانه شحم وتراب ومجاش عليها نقطة ميه المهم ان ده اسوء توكيل شوفتة والله انا كان معايا بيجو 301 كنت بقول التوكيل وحش بس بالنسبة لتوكيل نيسان يعتبر رائع وبأمانه ملقتش افضل من توكيل هيونداى بجد تحفه سواء معامله او مهندسين فاهمين
            توكيل هيونداي ناس كتير بتشتكي منه ومن غبور ....انا جايب الشكل القديم برضة مو 2016..ممكن اعرف حضرتك جبتها بكام...

            Comment


            • #7
              المشاركة الأصلية كتبت بواسطة mummy_47 مشاهدة المشاركة
              طمنا يا فندم عملت ايه..وهل بعتت شكوتك على موقع اوتو ايجبت وحماية المستهلك...عشان انا يمكن اروحلهم السبت القادم ان شاء الله
              أنا اتصلت باوتو ايجيبت أمس علشان أشوفهم فرغوا الكاميرات ولا لاء قالوا هنفرغها النهارده وهنرد عليك. هو اصلاً توكيل غير منظم يعنى يوم السبت مدير الصيانه مش موجود أجازه. ومكانش فيه سواقين يجيبوا العربيات من المغسله من جوه واللى جاب العربيه فرد الأمن اللى واقف على البوابه. وانا كنت فى الصيانه ودفعت 165 نظير تربيط العفشه والكشف على السوائل يعنى الواحد لو هيربط عفشه بره فى اى بنزينه هيدفع 20 جنيه فالواحد بيتابع مع التوكيل علشان عيوب الصناعه زى ما ظهر موضوع قطمة الدركسيون وللاسف القطعه مش موجوده

              Comment


              • #8
                المشاركة الأصلية كتبت بواسطة smsm2004w مشاهدة المشاركة
                انا تقريبآ شوفت حضرتك هناك انت عربيتك احمر او نبيتى صح وكنت بتزعق عند باب الورشة مع مهندس شعرة اصلع انا كنت هناك واتخانقت علشان عربية والدى 2016 الشكل القديم خرجت زى ماهىة حتى الغسيل بيقولى اتغسلت ومليانه شحم وتراب ومجاش عليها نقطة ميه المهم ان ده اسوء توكيل شوفتة والله انا كان معايا بيجو 301 كنت بقول التوكيل وحش بس بالنسبة لتوكيل نيسان يعتبر رائع وبأمانه ملقتش افضل من توكيل هيونداى بجد تحفه سواء معامله او مهندسين فاهمين
                ده انا شوفت واحد هناك بيتخانق مع مهندسه استقبال برضه وبتقوله المقابله انتهت قالها هو انا فى قسم بوليس بتقوليلى المقابله انتهت فهما بصراحه مره على مره الناس مش هتروح تصين عندهم.

                Comment


                • #9
                  المشاركة الأصلية كتبت بواسطة mummy_47 مشاهدة المشاركة
                  توكيل هيونداي ناس كتير بتشتكي منه ومن غبور ....انا جايب الشكل القديم برضة مو 2016..ممكن اعرف حضرتك جبتها بكام...
                  انا جبتها من سمير ريان ب 130500 بس انا تجربتى مع هيونداى العبور مفيش مقارنة بأى توكيل كان رائع لدرجة خلتنى احس ان الفيرنا افضل من اى عربية انا ركبتها رغم انى كنت راكب بيجو 301 هاى لاين ولانسر بومة 2007 ولانوس 2 كانت اى شكوى بتتحل من غير مشكلة واى سؤال ليه جواب لكن انا بسأل فى نيسان على انذار العربية مش بيشتغل لما بقفل بالريموت وافتح اللوك بالمفتاح او بآيدى يلف حوالين نفسة وبعدين يسأل وشوية يقول اصل ده مجرد شكل مش انذار وواحد يقولى مش يشتغل غير لما تكسر الزجاج
                  Last edited by smsm2004w; 12-01-2016, 09:04 PM. سبب آخر: زيادة

                  Comment


                  • #10
                    المشاركة الأصلية كتبت بواسطة smsm2004w مشاهدة المشاركة
                    انا جبتها من سمير ريان ب 130500 بس انا تجربتى مع هيونداى العبور مفيش مقارنة بأى توكيل كان رائع لدرجة خلتنى احس ان الفيرنا افضل من اى عربية انا ركبتها رغم انى كنت راكب بيجو 301 هاى لاين ولانسر بومة 2007 ولانوس 2 كانت اى شكوى بتتحل من غير مشكلة واى سؤال ليه جواب لكن انا بسأل فى نيسان على انذار العربية مش بيشتغل لما بقفل بالريموت وافتح اللوك بالمفتاح او بآيدى يلف حوالين نفسة وبعدين يسأل وشوية يقول اصل ده مجرد شكل مش انذار وواحد يقولى مش يشتغل غير لما تكسر الزجاج
                    العربية مفيهاش حساس صدمات ...شوف عربيتك لنما تقفل او تفتح من الريموت ملهاش صوت ....عشان تتاكد ان الانذار شغال....ااقعد في السيارة واقفل العربية بالريموت وانتظر 30 ثانية لحد لما اللمبة الحمرا تنور...وبعدين افتح الباب من اللوك...مانوال يعني ...واسمع صوت الانذار....قوي جدا..لكن متخليهوش كتير عشان العربية متقفلش ومتعرفش تدورها تاني.
                    اللي اعرفه ان عربيتك فيها NATS يعني العربية لو مقفولة بالريموت فمش ممكن تدور الا لو عملت unlock من الريموت ومش ممكن تدور غير بمفتاحها الاصلي وفي خلال 30 ثانية من فتحك للباب من غير الريموت....يعني لو قفلت العربية بالريموت فالحرامي مش هيعرف يدورها نهائي ..ده اللي عرفته من مشاركات ملاك السيارة لاني سالت اوتو ايجبت نفس سؤالك ده ومعرفش يرد لكن ملاك السيارة هما اللي افادوني بهذه المعلومات لاني كنت فاكر ان السيارة من غير انذار نهائي....خلي بالك انك معنتدكش فلتر تكييف او عمود اتزان او عازل كبوت ...ممكن تركبهم في التوكيل....وانتظر اراء الاعضاء...والف شكر

                    Comment

                    Working...
                    X