الكمبريسور بيحرق فيوز الولاعة أعمل أيه

[mahmoudelazab]

سلام عليكم
عندي سؤال صغير أشتريت كمبريسور للعربية هو 30 أمبير أو 25 أمبير
و المفروض يركب على ولاعة العريبة اللى هي فيوزها 15 أمبير بعد 5 ثوانب بالضبط بيحرق الفيوز هل من الأمان تغيير فيوز الولاعة بأخر أكبر 25 أمبير أو 30 أمبير و لا ده كده يحرق جزء تاني أكثر أهمية فى دورة الكهرباء
للعلم السيارة نيسان صني الشكل الجديد
متأسف على الإزعاج و ربنا يجازيكم خير

[mahmoudelazab]

مع العلم إن السيارات اللي بيبقي فيها مخرج كهربا بس مش فى الولاعة بيكون فيوزها 30 امبير

[mahmoudelazab]

حاجة أخير الكمبريسور مكتوب عليه 23 أمبير بس أقصي
أمبير يتحمله لحد ما يتحرق 30 أمبير

[عبدالله برعى]

عن تجربة الافضل والاامن تغيير وصلات الولاعه منعا للتفحم الاسلاك ثم الحرائق ووهذه الوصلة ما بين مقبس الولاعه الي الكابل الرئيسي (الضفيرة) ويجب اختيار اسلاك ذو جودة امبير عالي ثم وضع الفيوز الاصلي وان حدث قطع ارفع قيمة الفيوز 5 امبير فقط
بالتوفيق

[salam100100]

انا لا انصح متغيرش الفيوز بفيوز اكبر
فى خطر على الضفيره

فالعموم
الفيوز بيتحرق للاسباب الاتيه:
1- short يعنى حصل قفله او الموجب لمس السالب او الارضى - سلك اتقطع
2- استخدام حمل اعلى من الفييز (الاحمال فى منها نوعين- نوع بيسحب تيار ثابت زى اللمض الاضائه او سخان الزجاج الخلفى- وفى احمل بتسحب تيار عالى فالاول وبعد كدا بيقل ودا بتلاقيه فالمواتير الكهربياء زى موتور المساحات او مضخه ميه المساحات والكومبريسور)

لما المواتير بتقدم وبيكون فى صعوبه فدوران الموتور (فى صداء وقافش او التزييت مفيش او رمان بلى نشف من شحمه او جلبه تاكلت وابتدا العمود يعض) فتلاقى الموتور بيسحب تيار اكتر عشان يلف وممكن يحرق الفيوز

الكومريسور بتاع حضرتك بيسحب تيار عالى قوى يمكن هو متصمم كدا او نوعه ردئ
انا معايا واحد صينى طبعا ب2 بستم كنت جايبه ب340 جنيه شغال كويس ومحرقش الفيوز
متركب فيه فيوز 20 امبير

[Mecha]

فيوز الولاعه احيانا بيشيل خاجات تانيه زي العدادات وخلافه. ٣٠ امبير كتير وغالبا للحاجات تحت الكبوت والطرمبه والمراوح. فافضل شيء تركب لسلك الكمبلسور كلابتين وتشغله ع البطاريه.

[salam100100]

فيوز الولاعه احيانا بيشيل خاجات تانيه زي العدادات وخلافه. ٣٠ امبير كتير وغالبا للحاجات تحت الكبوت والطرمبه والمراوح. فافضل شيء تركب لسلك الكمبلسور كلابتين وتشغله ع البطاريه.

100100
كلابتين وتشغله ع البطاريه

[AlphaCharlie]

انا وزمايلي في الشغل جبنا مجموعة كمبريسور وكلنا عملنا وصلة فيهم للبطارية. مفيش ولاعة حتستحمل . لو الفيوز استحمل الولاعة نفسها حتتحرق.